Ester 6:10 - La'aqtaqa Ñim Lo'onatac 'Enauacna 2013

¹⁰ Qaq huaña nache so nta'a 'enapega so Amán, 'eeta': Hua', ñaq 'auỹalapigui' qome da 'auacona aca mpoto, qataq 'auaconeua'a ca caaỹo, nache ipacchigui 'anqa'en dam qonapec, qaq nache 'auo'otec damaye ñim judío Mardoqueo, maye nso'ootañi netaña ñi lasom ñi nma' lta'araic. Qaq saishet qome da 'oonolec 'anqa'en ca deqaptauec nam qonapecpi.

Toba del Oeste

¹⁰ Qampaja'a ñe'me jaliaĝanec yamaq ñe'me Amam, enaac: «Paja'a oc, auacona joga'me yapoto nataq'aen joga'me yelo pegaq qama'le auelaque qomle joñe'me Mardoqueo, judío jo'ne p'aiyet nale joga'me qotayapegoue jena'me nejaliaĝaiqui, qaedi a'uetec joñe'me yema jena'me jenjo'. ¡Ena'te auapalaĝate'ta joga'me anenaĝategue!»

Ester 6:10 Referans Kwoze

Apocalipsis 18:7

Ayemaye co'ollaxa ỹataqta ỹaguec da ño'oxonnaxac, qataq nqopita da huetaigui da lta'araic lyac da no'otaxac; ¡qaq ỹoqo'oye nagui qauauo'oi qome da nqui'ic!, ¡qaue'enaxachiichigui da 'eetec da ño'oxonnaxac co'ollaxa! Cha'aye da lhuennataxac naxa 'eeta': ‹Aỹem ñeso'ootaña ne'ena, ñeso'ootangui ana ñeso'onaxaqui da aỹem nate'e. Saishet da aỹem pa'ai, qataq saishet da ñauane' da huo'o ca ñeque'eenaxac.›

Lucas 14:11

Cha'aye ca nshetaique da 'amaqtaqaic, qaq nacheca ca saq 'amaqtaq qanqa'en, qaq cam sa na'amaqten, qaq nacheca ca 'amaqtaq qanqa'en.

Daniel 4:37

Qaq ỹoqo'oye aỹem Nabucodonosor, nagui sho'oxoren, qataq huo'o naq 'enec ñaqa'en, qataq sho'oxoren Ñim Nta'a maye neto'ot na piguem, cha'aye 'enauac nam ỹo'otpi ỹataqta 'eesa, qataq nalochiguiñi, qataq ishet da ỹo'ot da qaica ca 'enec naqa'en nam 'eetega 'amaqtaqaicpi.»

2 Reyes 10:10

Qaq qauaỹaañita nagui, da saishet da saipaigui so la'aqtac Ñim Nataxala' maye talec naqa'en co'ollaxa na llalaqpi so Ajab. Cha'aye Ñim Nataxala', ipacchigui da ỹo'ot dam ỹa'axat co'ollaxa so lamaxashec Elías.»

Ester 6:9

Qaq aca'aca mpoto qataq ca caaỹo, iuen da qoỹanem cam ỹataqta 'amaqtaqaic na 'aramaxashecpi, da yaqto' nacheca cam huapegue' da no'otaxanaxan que'eca ỹale, maye huotaique da 'aỹa'anem da la'amaqchec, qataq nache ỹauecta'aguet que'eca caaỹo maye netalec camaye, da coleeteguelec naqa'en ye nlagaqa' maye nangui na laiñi na huaqta'a't nỹecpi, nache ỹa'alaqtalec camaye, 'eeta': ¡'Era da qoỹeetec cam shiỹaxaua maye ñi nta'a huotaique da ỹanem da la'amaqchec!

Ester 6:11

Nache so Amán ỹacona aso mpoto, qataq ỹaconeua'a so caaỹo, nache no'otaxanaxan so Mardoqueo, nache ỹaueca'aguet so caaỹo da iconnaxaateguelec so nlagaqa' se'eso huaqta'a't nỹecpi, qataq hua'auta nache ỹa'alaqtalec somaye, 'eeta': «¡'Era da qoỹeetec ca shiỹaxaua maye ñi nta'a ỹanem da la'amaqchec!»

Salmos 31:24

Qaq ỹataqta na'añaxat qataq qaramchigui qome da lquiyaqteỹaxac, 'enauac nam pe'etega Ñim Nataxala'.