Ester 6:1 - La'aqtaqa Ñim Lo'onatac 'Enauacna 2013

¹ Qaq nache huaigui se'eso pe, da so nta'a saishet da do'oche, qaq ỹoqo'oye damaxasoxoolec da qandoua'a somaye aso nere maye nanettalec 'enauac nam huo'o da la'amaqchec maye qaỹo'otpi yi'iye 'alhua, da yaqto' qaitaxaỹaxan.

Toba del Oeste

¹ Jo'me pi'yaq ñe'me jaliaĝanec yataqata ja yaqanatet ta'le t'oche, qama'le damaĝajoĝolegue da'me qoyelaque jaga'me nede jo'ne uaye ga'me 'laqataĝanaĝac di'me dijo' aleua, qaedi netoueneque jogaa'me 'nonataqa yataqata p'ajodaye jena'me lejaliaĝa.

Ester 6:1 Referans Kwoze

Daniel 6:18

Qaq co'ollaq ime, nache so nta'a taua'a so lma' lta'araic, nache nnaañi, qataq saishet da deque'e, qataq sa nasheneguet da na'axaỹaxaatega qanqa'en aca nvique, nache imauec so pe da qaica ca lo'ochaxa.

Daniel 2:1

Qaq co'ollaq mashe dos vi'iye soua lo'onataxanaxaqui' da nta'a so Nabucodonosor, nache somaye huo'o so lchoxonaxacpi, qaq souaxat somayepi, nache se'eso nta'a ỹataqta huo'o da lachetataic, nache saishet da do'oche.

Ester 2:23

Qaq co'ollaq qanmit de'era, nache co'ollaq qaỹaỹaten da 'eesa, nache se'esoua dos lataxala'ate som nauaatalec so nta'a, qaỹamaxasoxooleguete da qaicoñeldashegue'm. Qaq de'era qanayeuaigui, damaye ỹauaachigui co'ollaxa qanqa'en so nta'a da qoỹerelec aso nere maye nanettalec nam qaỹo'otpi yi'iye 'alhua.

Romanos 11:33

¡Ñim Lo'onatac 'Enauacna ỹataqta lta'araic da lsallaxa! ¡Da laỹaanec qataq da lauattonaxanaxac ỹataqta saishet da qaivi' da qanaloqten! Qaica ca ishet da ỹaỹate'n naua lhuennataxaco, qataq qaica ca ishet da ỹa'axat nam ỹo'otpi.

Isaías 41:17

Nam choxoraqpi maye deuenaxaatacpi, nmittaique qome ca 'etaxat qalaxaye sa ỹanata. Qataq deqaqtegue na lqosot souaxat na laquip, qalaxaye Aỹem Nataxala', souapegue' qome namayepi, aỹem maye Aỹem Natamnaxala' na Israel le'ecpi saishet da salat namayepi.

Ester 10:2

Qaq 'enauac so ỹo'otpi co'ollaq do'onataxana da 'enec, qataq da la'añaxac, qataq 'eeta'am nataqa'en dam 'eesa na'aqtaxanaxac, maye ỹa'axat da lta'araic lo'onataxanaxac maye ỹanem co'ollaxa so Mardoqueo, damaye qoỹerelec aso nere maye nanettalec 'enauac nam qaỹo'otpi co'ollaxa ye Media qataq ye Persia.

Génesis 22:14

Nache so Abraham ỹauo'o da le'enaxat se'eso 'alhua, 'eeta': «Ñim Nataxala' ỹan cam qaiuen.» Qaq ỹoqo'oye ñaq 'eetalec nagui de'era na'aqtac naxa maye, 'eeta': «Aca qaỹoqotcheguemec 'alhua, huaña da Ñim Nataxala' ỹan cam qaiuen.»

Malaquías 3:16

Qaq huaña nache nam huo'o naq 'enec naqa'en Ñim Lo'onatac 'Enauacna, detaqtega't. Qaq Ñim Nataxala' hua'axaỹa, nache ỹataqta na'axaỹaxaachigui na la'aqtacpi. Qaq nache qaỹatato'ot Ñim Nataxala', co'ollaq qoỹerelec aso nere da yaqto' saishet da qaicoua'ai nam huo'o naq 'enec naqa'en Ñim Nataxala', qataq ỹo'oxoreetac Ñimaye.

Ester 5:8

'Am nta'a, da aỹem 'auauotec, qataq da 'auasateguet dam sheetapeguec, qataq da aỹem 'aỹa'anem cam seỹaxaategueua'a, nache 'auanaỹa qonte' cam nquia'axac maye so'ot da 'am sho'oxoren, 'annaictague' qome so Amán. Qaq huaña qome nache so'ot cam 'auỹaxaatapegueua'a 'am nta'a.

Ester 2:22

Qaq so Mardoqueo co'ollaq ỹaỹaten de'era qana'aqtaxaatapigui, nache da'aqtaxanem aso nate'e Ester, qaq asomaye nache da'aqtaxanem so nta'a da la'aqtaxanaxac so Mardoqueo.

Ester 2:21

Qaq so Mardoqueo co'ollaq ñaq nso'ootañi netaña so lasom so lma' lta'araic so nta'a, nache hua'aqchiguilo co'ollaq detaqtega't soua Bigtán qataq so Teres, som lataxala'ate som nauaatalec so nta'a maye hueta'a so ñegueuo so nma' lta'araic. Qaq soomaye ỹataqta dalematai' co'ollaxa, nache detaqtrapigui ca lataxac da yaqto' ỹalauat so nta'a Asuero.