Ester 5:9 - La'aqtaqa Ñim Lo'onatac 'Enauacna 2013

⁹ Qaq so Amán, co'ollaq ca'ai so nquia'axac, nache ỹataqta machiguiñi, qataq ỹaỹamaxareeta somaye, qalaxaye ỹataqta nlaxagui da layeloxo co'ollaq ilota'a so Mardoqueo, maye hueta'a so lasom som nma' lta'araic, cha'aye somaye saishet da ñesheguem, qataq saishet da choche deraỹapigui' co'ollaq ila'aguet somaye.

Toba del Oeste

⁹ Ca'li male ec, ñe'me Amam yataqata matac, qalaĝaja ca'li yovita joga'me jom ga'me nejaliaĝaiqui, male yauana ñe'me Mardoqueo, yataqata ja ñejeguem uotaĝa ta'le deda, qama'le joñe'me Amam yataqata dalemata.

Ester 5:9 Referans Kwoze

Ester 3:5

Qaq so Amán co'ollaq ỹaỹaten da so Mardoqueo saishet da ỹa'alyiñi naua l-llectel, huo'otaq da naqñi naxa da nateugueye somaye, nache ỹataqta nlaxagui da lalemataic,

Mateo 2:16

Qaq so Herodes co'ollaq ỹaỹaten da soua ỹaanaxanaxaiqa ỹatenache't, nache somaye ỹataqta dalemata. Nache damaxasoxoolec da qanmatchiguiñi da qaỹalauat so ñaqpiolec, nam cheta'ague da ñiguiñi qataq na mashe ivi' naua dos vi'iye da llaxa 'enauac som netaña ye nỹecpi le'enaxat Belén qataq naua loiguiye, ipagaqchiichiguilo soua vi'iye maye ỹecchiyiña soua ỹaanaxanaxaiqa co'ollaq ilora'a aso huaqaañi.

Santiago 4:9

Ỹataqta qauaquicoita qome, qataq qanỹeñi souaxat da qanqui'iqui. Qaỹa'axañiiñi da qaraỹalliguiyiqui, ime, nache qanỹiñiitac, yaqto' Ñim Lo'onatac 'Enauacna ishet da ila'a da ỹoqta 'eesa da qanaralaxache da qarhuennataxaqui.

Juan 16:20

Ỹataqta 'eesa de'era qami' sa'axatema nagui, da qami' qome ỹataqta qauaquicoita qataq qanỹiñiitac; qalaxaye na shiỹaxauapi maye ndota't da iuennatega na lataxacpi maye huetalec ana 'alhua, namayepi ỹataqta machiguiñi. Qalaxaye na'aictaxa da qami' ỹataqta qauaquicoita, qalaxaye de'era qaraquicoqoi, damaye nmeneguet qome ca qantonaxaqui.

Lucas 6:25

¡Ỹataqta qauem da qa'aita'ague qami', maye sa qaviñi ca qolliqui cha'aye qaviyeeguet qome da qauqouache! ¡Ỹataqta qauem da qa'aita'ague qami', maye nagui qauaỹalleguiyiitac, cha'aye qauaỹachiñi qome ca noinaxac qataq da qanayeetaigui ca naquicoxo!

Daniel 3:13

Nache so Nabucodonosor ỹataqta dalemata, nache damaxasoxoneugalo da qanauegueua'a somaye, so Sadrac, Mesac, qataq so Abednego. Qaq co'ollaq ivildeuo soomaye

Salmos 27:3

Qaq na'aictaxa da qalota na alleppi aỹem coleesop, qalaxaye añi iquiyaqte saishet da ñi'i, na'aictaxa da naỹamaxaañi da aỹem iloquiaxan, qalaxaye aỹem she'emaqtac.

Salmos 15:4

qataq cam ỹo'otan ca shiỹaxaua maye 'itchiguiñi da qaỹo'otan, qalaxaye ỹo'oxoren ca huo'o naq 'enec naqa'en Ñim Nataxala', qataq ca ipacchiguilo naua la'aqtaqa Ñimaye, na'aictaxa da huo'otaq qauem ca ivireguet,

Da na'aqtaguec so Job 31:31

Qataq saishet da huo'o ca 'oonolec na aỹem neto'otpi, da huo'otaq saq comaraxaic da datalec ca iquia'axala',

Da na'aqtaguec so Job 20:5

cha'aye da lamaicỹaxac na 'etaxaloxoic saqaỹauec, qataq da ntonaxac na qauemaic pasa'a da imeuo.

Ester 3:2

Qaq 'enauac som do'onataxaatacot so nta'a maye hueta'a so nma' lta'araic, ỹa'alyiñi naxa naua l-llecte, qataq naqñi naxa da nateugueye, huo'otaq naxa da datateguet so Amán, cha'aye som nta'a nache lamaxasoxonaxac de'era, qalaxaye so Mardoqueo saishet co'ollaxa da ỹalaxaguet se'eso namaxasoxonaxac.

Ester 2:19

Qaq soua na'axa'te co'ollaq so qa'ampi, qaỹauega so lỹa nỹec maye naigui so lma' lta'araic som 'alpi, nache so Mardoqueo nso'ootañi hueta'a so lasom so lma' lta'araic so nta'a.

1 Reyes 21:4

Nache so Ajab, jec co'ollaxa ỹe'eguelaxa so lma', qalaxaye ỹataqta daquico, qataq qaica ca lama', souaxat de'era la'aqtac so Nabot da, 'eeta': «Saishet da 'am sanem na 'alhua maye aỹem no'onaxata'aguet soua ita'al, da yaqto' ỹalamaxat naqa'en.» Qaq co'ollaq ivireuo somaye, nache nnaañi, datatot so lque so nỹec, qataq sa deque'e.

Hechos 7:54

Nache som nmit na nasouaxashet somayepi co'ollaq hua'axaỹa de'era, nache ỹataqta dalemata, qataq 'eeta'am da inaga't naua lhue da lquiỹaxa so Esteban.

Mateo 10:28

Saishet da qañi'iỹai na shiỹaxauapi maye ishet da ilaxachigui da qaro'ocỹaxaqui, qalaxaye saishet da ilaxachigui dam saqcha'a qarca'alaqai. Nachaqrata da qañi'iỹai Ñim Lo'onatac 'Enauacna maye ishet da ilaxachigui qataq ỹasaxauga ca nhuaxanaqa' na 'etaxaloxoicpi da qaro'ocỹaxaqui qataq da qarca'alaqai maye saqcha'a.

Ester 5:13

Qalaxaye naxa da selota'a so Mardoqueo maye judío, da nso'ootañi hueta'a ñi lasom ñi lma' lta'araic ñi nta'a, nache 'enauac de'era ỹataqta qaica ca naigui ñaqa'en.

1 Reyes 21:6

Nache so Ajab 'enapeco': Qomye setaqtague' so Nabot, maye lma' ye Jezrel, nache sequictacot da aỹem imenot ye lanaxanaqa' uva lma', huo'otaq da nshetaique da naiguet ñaqa'en ca lỹa 'alhua yemaye, nache sanem. Qalaxaye somaye 'eeta': «Saishet da 'am sanem.»