Ester 5:2 - La'aqtaqa Ñim Lo'onatac 'Enauacna 2013

² Qaq so nta'a co'ollaq choche ila'a aso Ester da hueta'a so qasoxoc, nache ỹachaxana da lauoche asomaye, nache ỹaneuga asomaye, aso lashelte oro maye nasoqta'a. Qaq aso Ester, nquigueuo nache ipoteua'a na lsheenec aso nashelte,

Toba del Oeste

² Ca'li joñe'me jaliaĝanec yauana jañe'me Ester qama'le yataqata matac. Paja'a nodegue ga'me laje'l jo'ne oro, qama'le jañe'me Ester male nichiiuo, qama'le yepot ga'me lejenec ga'me naje'l.

Ester 5:2 Referans Kwoze

Ester 8:4

Nache so nta'a, ỹaneuga aso Ester aso lashelte oro. Nache asomaye ñesheguem, nache co'ollaq nachatto'ot somaye

Ester 4:11

«'Enauac na do'onataxaatacot ñi nta'a, qataq nam shiỹaxauapi maye netalec na 'alhuapi maye ilotague' ñimaye, ỹaỹaten da huo'o dam nqataxac da qaỹalauat ca ỹale, huo'otaq aca 'alo da taua'a ye nqasoxoc pa'aỹauo ñi lma' lta'araic ñi nta'a, da yaqto' nauane' ñimaye, qataq da saishet da iỹaxaneuga ñimaye, nacherata da ñi nta'a ỹaneuga aso lashelte oro que'eca shiỹaxaua, maye la'anaxat da ichoxoren, qataq nca'alaxatec. Qaq aỹem ye mashe ivittre'c soua treinta na'axa'te, da saishet da aỹem nỹaxaneuga ñi nta'a.»

Proverbios 21:1

Da ntoonaxac ca nta'a da huetaiguilo naua lhua'q Ñim Nataxala', qalaq 'eeta'am na 'etaxat so tala da jec, nache taigue cam ỹamaxague Ñim Nataxala'.

Hechos 10:4

Nache somaye ỹamato'ot se'eso namaxashec, qalaxaye ỹataqta ñi'i. Nache inattac, 'eeta': –¿Negue'tca, 'am Ỹataxala'? Nache som namaxashec 'enapego' somaye, 'eeta': –Ñim Lo'onatac 'Enauacna ỹataqta ỹaỹamaxareeta da 'anqouagaxaunaxac qataq dam 'artaunaxanaxac da 'autauaatac nam choxoraqpi da lhuenaxanaxa.

Hechos 7:10

Nache ỹeltaxaneguet 'enauac na nque'eenaxaguesat, qataq ỹanem da laỹaanec qataq ỹo'otec so Faraón da ỹataqta ỹaỹamaxareeta somaye, ỹoqo'oye ỹanagui so José da nta'a da ilo'ogue ye 'alhua Egipto, qataq ilo'ogue so lma' somaye.

Salmos 116:1

Aỹem sauotec Ñim Nataxala', cha'aye Ñimaye hua'axaỹa da ñachoxonnaxac,

Ester 2:9

Qaq so Jegay ỹataqta ỹaỹamaxareeta co'ollaxa asa'aso qa'añole, qataq ỹauotec, qaq ỹoqo'oye so Jegay saỹaỹaloxon co'ollaxa da ipicten asomaye, ỹanem so no'on nallec, qataq ipataxagueta da huapegue' asomaye soua siete maye ỹataqta no'oñi asom namaxashepi maye hueta'a so lma' lta'araic so nta'a, qaq nache lỹata'ape naqa'en soomaye, co'ollaq nquigaxata som ỹataqta 'onaxaic nỹec som lma' lta'araic som 'alpi.

Nehemías 1:11

'Am Nataxala', 'am ñachoxonnot da ñaq 'auqoche'eguet de'era ñatamnaxac, qataq da nachoxonnaxac ne'ena 'aramaxashecpi, cha'aye huo'o da lyaxa da 'am ỹo'oxoren. Qataq 'am seỹaxanot da yaqto' ne'ena 'aramaxashec ỹañoxot ca 'eetapeguec, qataq ivira'a da ñim nta'a ishet da aỹem ilo'oguet qataq aỹem ỹanem ca lqouagaxanaqtaic.» Qaq se'eso na'a'q qalaq nache aỹem da nỹomaxaqui lo'o se'eso nta'a Artajerjes.

Génesis 32:28

Nache se'eso shiỹaxaua 'enapego' somaye, 'eeta': «Saishet nagui da 'are'enaxat da Jacob, maye 'are'enaxat qome da Israel, cha'aye 'auloctague' Ñim Lo'onatac 'Enauacna, qataq na shiỹaxauapi, qalaxaye 'anauec.»