Ester 5:14 - La'aqtaqa Ñim Lo'onatac 'Enauacna 2013

¹⁴ Qaq huaña nache aso lhua somaye, qataq 'enauac so nauochaxauapi, 'enapega somaye, 'eeta': 'Auamaxasoxoolec da qaỹa'ayiñi aca 'epaq maye ivi' veintidós metros ye lshequitcheguema, qaq qonte' nte'eta, nache 'auỹaxanot ñi nta'a da qaicoñerasheguemec acamaye so Mardoqueo, yaqto' qom 'anqo'ona ca nquia'axac da 'annaicapegue' ñi nta'a, nache qaica cam tatapigui 'arhuel. Qaq de'era nhuennataxac, ỹataqta ỹaỹamaxareeta so Amán, nache damaxasoxoolec da qaỹa'ayiñi aso 'epaq.

Toba del Oeste

¹⁴ Qama'le jañe'me loua Zeres nataq'aen yemeda jogaa'me naigaĝa'u yapaĝaguetec jenjo': «Auamaĝajoĝolegue qomle da'me qoye'et qaedi qoyecoñedajeguem, nalo'taguet veintidós metros da'me qayaje'mec. Qama'le qom 'yoĝoñi ne'teta male a'uaqataĝanem joñe'me jaliaĝanec qaedi qoyecoñedajeguem ñe'me Mardoqueo. Jana'me janjo' at'onata, qaedi yataqata am matac qomle joga'me neualayaĝac, qa'a am ne'tajop ñe'me jaliaĝanec.» Qama'le yataqata 'yamaqaten joñe'me Amam ga'me lelnataĝa'j gaa'me naigaĝa'u. Chane'eja male damaĝajoĝon qaedi qoye'et jañe'me qaedi qoyecoñedajeguem qomle ñe'me Mardoqueo.

Ester 5:14 Referans Kwoze

Ester 6:4

Qaq so Amán mashe huenoxoneua'a so qasoxoc maye dataỹauga so ỹaqauga lma' so nta'a, da yaqto' dequiguiỹaua'a so Mardoqueo da qaicoñerasheguemec aso 'epaq maye damaxasoxoolec co'ollaxa somaye da qaiqataxanai'. Nache so nta'a denataxan, 'eeta': ¿Negue't dam coleetac ye qasoxoc?

Salmos 37:32

Na qauemaicpi qalaq nauaatac na no'on da lataxac, cha'aye huotaique da ỹalauat.

Salmos 37:14

Na qauemaicpi qalaq nqatsheguem na lainec, qataq ichegaxattelec na lchecnec da yaqto' huañi naqa'en na choxoraqpi qataq na huo'o da lhuenaxanaxa, qataq ỹalauat na ỹataqta no'on da lataxac.

1 Reyes 21:7

Nache aso lhua Jezabel, 'enapego' somaye, 'eeta': ¿Peta'a saisheto' da nache 'am, da 'am nta'a na Israel? Ñaq qoñisheguem, nache 'auque'e, qataq 'auamachiguiñi, cha'aye aỹem, seshet da sañoxot da 'aralamaxat qome yi'iye lanaxanaqa' uva lma' so Nabot.

Apocalipsis 11:10

Qaq 'enauac qome nam shiỹaxauapi maye huetalec ana 'alhua ỹataqta huo'o da ntonaxac qome da ilota'alo caamaye qom mashe ileu', nache ỹauo'o ca ntonaxac namayepi da qantootaleguete da l-leuqa't. Qaq souaxat da ntonaxac, nache ñi 'oonolec ỹamaxa ca lachetaqtaxanaxat ca lỹa, cha'aye ỹataqta lta'araic naqa'en co'ollaxa da nque'eenaxac na shiỹaxauapi se'esoua dos na'aqtaxanaxanaqa.

Romanos 3:15

Ỹataqta sa qaỹaña da lalemataic qataq camachaqca ca ỹalauat.

Romanos 1:32

Namayepi ỹaỹateeta da Ñim Lo'onatac 'Enauacna la'aqtac da cam ỹo'ottac ne'enapi, nache taỹa'a da l-leuaxa. Qalaxaye namayepi saishet da nachaqrata da ỹo'ottac damaye, nachaqrata da nataqa'en ntooteguec cam lỹa shiỹaxaua maye ỹo'ot nataqa'en de'era.

Proverbios 4:16

cha'aye namayepi saishet da lactapiguiñi da sa ỹo'ot ca qauem, qataq sa do'oche da saxanaxa da ỹo'otec ca qauem ca lỹa.

Proverbios 1:18

qaq ỹoqo'oye da lapaxañi aca lqoina ne'ena shiỹaxauapi, qalaq 'eeta'am da maiche nqoviila't namayepi, qaq ỹataqta huetalec naqa'en da lchec da maiche nachaalataxac.

Salmos 9:15

Na ỹotta'a't shiỹaxauapi qalaq tangui aca maiche lshere, naua lchel qalaq lpachiguilo ca laleguec maye ỹoxottañi namayepi.

1 Reyes 21:25

Qaq ỹataqta qaica ca 'eeta'am ñi Ajab, da ỹataqta qauem nam ỹo'otpi souaxat da ỹalaxaguet añi lhua Jezabel, da ỹo'ot nam sa ỹaỹamaxaren Ñim Nataxala'.

2 Samuel 16:21

Nache so Ajitofel 'enapega so Absalón, 'eeta': Qomye 'arauañi' ana no'onaxatañi lamoxouapi so 'arta'a, da ilo'ogue na nma' lta'araic. Yaqto' 'enauac na Israel le'ecpi ỹaỹaten da ỹataqta 'anquiỹa so 'arta'a, nache namayepi ỹataqta na'añaxat qome da 'am ca'ategue.