Ester 4:8 - La'aqtaqa Ñim Lo'onatac 'Enauacna 2013

⁸ Nataqa'en ỹanem aso lmalate so nerec maye huetalec so namaxasoxonaxac da qanmatchiguiñi da qaỹalauat so judiopi, qataq mashe qaỹa'axatec huaña ye Susa, da yaqto' somaye ỹanem aso Ester, yaqto' asomaye nataqa'en ỹaỹaten 'enauac de'era. Qaq nataqa'en ỹamaxaua'a so la'aqtac aso Ester da nma'ai' da detaxaỹapegue' so nta'a, nache nachoxonnot da ỹauo'o ca lataxac da nca'alaxatec so lauo' le'ecpi asomaye.

Toba del Oeste

⁸ Ñe'me Mardoqueo nataq'aen yanem ga'me nede lae jo'ne qoyaloĝon ca'li di'me Susa, jo'ne uaye da'me jetaque yataqata qoyapalaĝa't gaa'me judiopi, qaedi qoyanem jañe'me Ester. Qa'a paquetapega da'me jetaque en yauana jañe'me, qaedi janjo' male dojapegue' joñe'me jaliaĝanec Asuero, qama'le yataqata en nachoĝodenot ñe'me, qaedi ja yalat ga'me mach'e layi jo'ne judiopi.

Ester 4:8 Referans Kwoze

Eclesiastés 10:4

Qaq ca nta'a da huo'otaq 'am dalemataỹa, nache saishet qome da qoca'ai ca 'aro'onataxanaxac, cha'aye dam nhualaxavic, nachera da lata' naua lta'al nsomaxaco.

Da na'aqtaguec so Job 9:15

Qaq na'aictaxa da qaica ca sasouaxat, qalaxaye saishet da sasateguet Ñimaye. Ñimaye nacheñi ñi aỹem nmit, ỹoqo'oye seỹaxanot da choche aỹem ichoxoren.

Ester 2:20

Qaq ipacchigui dam lqataxac co'ollaxa so Mardoqueo, da aso Ester saishet da ỹa'axat so chegoxoguetpi, qataq som lauo' le'ecpi, nacherata da ipacchigui nam lapaxaguenataxanaxacpi so Mardoqueo maye ỹanem co'ollaxa asomaye, 'eeta'am co'ollaq ñaq neto'ot somaye.

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

1 Timoteo 6:13

Qaq nagui qomi' ỹauaachiguilo Ñim Lo'onatac 'Enauacna nataqa'en So Jesucristo maye saishet da datenataxan co'ollaxa datato'ot so nta'a Poncio Pilato.

Hechos 12:20

So Herodes ỹataqta dalemataỹa nam shiỹaxauapi maye netaña ye ñegaxasom le'enaxat Tiro qataq ye Sidón. Qaq ỹoqo'oye huaxaỹapega't so shiỹaxauapi maye lma' se'esoua ñegaxasom da qaitaxaỹapegue' so Blasto, som lmala' ana alom som nta'a da yaqto' qanmitaique ca lataxac da qaica camachaqca, cha'aye yi'iye 'alhua deuaqto'ot so Herodes da ỹachegoxottacot nam lhuenec.

Proverbios 21:1

Da ntoonaxac ca nta'a da huetaiguilo naua lhua'q Ñim Nataxala', qalaq 'eeta'am na 'etaxat so tala da jec, nache taigue cam ỹamaxague Ñim Nataxala'.

Ester 8:6

Cha'aye ¿ca 'eeteco' da ishet da ñala'aguet dam qauem maye huotaique da talec na ihuo' le'ecpi, qataq da qanmatchiguiñi nam ỹalamaxat iqaỹañecpi?

Ester 4:9

Nache so Hatac ỹe'eguelaxauo, nache da'aqtaxanem aso Ester na la'aqtacpi so Mardoqueo.

Salmos 122:6

Qaq qaỹaxañiiua'a qome da nlagaxayec na Jerusalén, yaqto' lactapiguiñi 'enauac nam ỹauotec ne'ena Jerusalén.