Ester 4:4 - La'aqtaqa Ñim Lo'onatac 'Enauacna 2013

⁴ Qaq som qa'ampiolec maye do'onataxaatacot aso Ester, qataq so ỹalleppi maye nauaatalec asomaye, ỹa'axateua'a co'ollaxa aso Ester dam qanayeuaigui. Qaq huaña nache aso nate'e ỹataqta nlaxagui da laquicoxo, nache ỹamaxauga so Mardoqueo soua anogo da yaqto' nqa't soua alogo maye ỹaatrañi, qalaxaye somaye saishet da ỹaconegueta soomaye.

Toba del Oeste

⁴ 'Uo joga'me ua'a ca'li gaa'me namaĝajel jañe'me jaliaĝana Ester nataq'aen gaa'me neteloqo't 'yaĝadetem joga'me yauotac ca'li ñe'me Mardoqueo. Chane'eja jañe'me yataqata totelegue, qama'le yamaĝalo gaa'me leuo lael joñe'me Mardoqueo qaedi naqa't jogaa'me leuo lael jo'ne ja 'noe'n, qalaĝaja joñe'me ja yaediñe gaa'me.

Ester 4:4 Referans Kwoze

Salmos 77:2

Da huo'o da ỹaquicoxo qalaq ñimittaique Ñim Nataxala', qataq sachaxaato'oto naua ihuaxaye da ñeqouagaxaueetac ye pe, qalaxaye sa sanata ca ỹo'ot da ỹamaxayec.

Jeremías 31:15

Ñim Nataxala' 'enapec: «Huo'o da qaỹa'aqtega na'alaxac chemaqtegueña ye Ramá, noinaxac maye ỹataqta daquicota. Qaq nachañi añi Raquel, nỹeeteguelec so llalaqpi, qaq saishet da ỹaỹamaxaren da qaicochaq, cha'aye mashe ileu 'enauac somayepi.»

Isaías 56:3

Da huo'o ca shiỹaxaua maye chegaqauec da nañanot Ñim Nataxala', nache saishet qome da, 'eeta': «Ñim Nataxala' saishet qome da aỹem ỹalecnoigui na lalamaxat nhuo' le'ecpi.» Nache 'ena'am ca qaicaua naua lola saishet qome da, 'eeta': «Aỹem shena'am aca qo'oipaq deqaqta.»

Ester 1:12

Qalaxaye aso nate'e saishet co'ollaxa da ỹalaxaguet da la'aqtac so nta'a, maye ỹanema soua shiỹaxau' maye ỹataqta lpe'e'te. Nache so nta'a ỹataqta dalemata qataq ỹataqta nlaxagui da lalemataic,

2 Reyes 9:32

Nache somaye, ỹallesheguema co'ollaxa som nalloxoqui, nache 'eeta': ¿Negue't ca aỹem ca'ategue? Nache huo'oi soua dos ỹale't da namatraña somaye.

1 Samuel 8:15

Qataq nqateua'a ca diez ca nqachiguishe ala na trigo qataq aca uva, nache ỹanem ca nta'alpi qataq ca ltauapi.

Génesis 37:35

Qaq 'enauac so llalaqpi qataq so llalpi da icochaqtac somaye, qalaxaye somaye saỹaỹamaxaren da qaicochaq nacherata da nỹeeteguelec so llalec, qataq 'eeta' da la'aqtac: «Aỹem saishet da sapalaxat da ỹasouaxac so ỹalec, choche ivitta'a da ñauane' somaye qom ivita da salegoigui na leuaxaicpi.»

Hechos 8:27

Nache so Felipe ñesheguem, da jec, nache natena'aguet co'ollaxa so ỹale maye chegaqa'a ye 'alhua Etiopía, somaye ỹataqta 'amaqtaqaic. Qaq somaye sa deco'o, qataq nacheso so ilotague' ana alom aso nate'e le'enaxat Candace, asom late'e nam netaña ye Etiopía. Qaq somaye taỹa co'ollaxa ye nỹecpi ye Jerusalén da natamnot Ñim Lo'onatac 'Enauacna.

Ester 4:3

Qaq nataqa'en 'enauac so laỹepi 'alhuapi maye ivira'a som lamaxasoxonaxac so nta'a, da ỹataqta huo'o da lta'araic laquicoxo so judiopi, qaq somayepi ỹataqta ỹachaxaata da laquicoxo, nache ỹo'ot da nqouaqchet, qataq nỹeetac, qataq daquicota, qataq somayepi qalota som nnangui so alo, qataq ỹaayiñi soua alogo maye sansatchiguilo.

Ester 4:5

Qaq huaña nache aso Ester iỹaxaneuga so Hatac, som lataxala' som lauanaxanaxanecpi so nta'a, nache ỹamaq da nqo'oneuga so Mardoqueo, da yaqto' inat negue't cam huo'o, qataq ca huo'omshe ỹo'ottac de'era.