Ester 4:16 - La'aqtaqa Ñim Lo'onatac 'Enauacna 2013

¹⁶ «'Am qojec qome, nache 'alaỹona't 'enauac na judiopi maye hueta'a na Susa, da yaqto' nqouaqchet da aỹem itauan. Nache saishet qome da deque'e qataq saishet da nỹom, ivittre'c caua tres na'axa'te, qataq caua tres pe'. Qaq ana ỹamaxashepi qataq aỹem nataqa'en ñeqouaqchetaq qome, qaq qom ime, nache aỹem ñeqo'oneua'a ñi nta'a, na'aictoxo' damaye da dataỹa'aguet dam qalapaqtañi nqataxac. Qaq da aỹem qaỹalauat, qalaq na'aictaxa aỹem qaỹalauat.»

Toba del Oeste

¹⁶ «Auemata'a't qomle yemeda gaa'me judiopi jo'ne neteda'ña na'me Susa, qama'le yataqata jayem auajelaĝañilegue; cha'li ena'te auequiye nataq'aen ena'te aniyomi, aueñi nalo'taguet tres gaa'me noloqo'ote. Nach'e ena'ama naa'me yamaĝajel, chayovida'a jayem, cha'li ja jeque'yaq. Qom yem da'me dojo', male jec'ata ñe'me jaliaĝanec, mate mane'e ja qoyajen. Qama'le qom jetaque jayem qoyalat, 'noota qom naq'aeta da'me jayem qo'yetec qomle.»

Ester 4:16 Referans Kwoze

Hechos 20:24

Qalaxaye 'enauac namayepi qaica ca seqocha'a, ivira'a da maiche ñachaalataxac 'eeta'am ñaqa'en da qaica ca naigui. Chaqrata da ñeshetaique da samachiguiñi qom sematta da ñamaxasaguec qataq da sepaqueelec dam ỹo'onataxanaxac maye aỹem ỹami' So Qarataxala' Jesús.

2 Crónicas 20:3

Nache so Josafat, ỹataqta huo'o da lcolanaxa, nache ỹe'eguenot Ñim Nataxala', ỹoqo'oye ỹamaxa da la'aqtac 'enauac so netaña ye Judá da ỹo'ot da nqouaqchetaxac.

Lucas 9:24

Cha'aye da huo'o ca ipettega da nachaalataxac da ỹactec da 'onaxaic, saq 'ena'am da Aỹem quegue, nache camaye da nachaalataxac deqat. Qalaxaye da huo'o ca ỹaỹamaxareeta qataq lca'aua'a da ileualec Aỹem, nache camaye nca'alec.

Génesis 18:19

Aỹem lleca'aua'a co'ollaxa namaye, da yaqto' ỹamaxalec ca llalaqpi, qataq cam chegoxoguetpi, da ỹalaxalec na ỹapaxaguenataxanaxacpi, qataq da ỹo'ot 'enauac cam ỹaỹamaqchiguiñi, qataq ca no'on lataxac, yaqto' Aỹem sepaqueelec 'enauac nam sachaxanapeguempi.»

Josué 24:15

Qalaxaye da sa qavio'oxoreñi Ñim Nataxala', qaq no'on da qalca'aiua'a nagui cam qavio'oxoreñi: da nachena nam atamnaxala'pi maye natameetacot co'ollaxa so hua'au qarta'ailpi co'ollaq ñaq neta'atague da le'ego so tala Éufrates, huo'otaq na natamnaxala'pi na amorreopi, maye lma' co'ollaxa ne'ena na'alhua. Qalaxaye aỹem qataq na ỹalamaxatpi, so'onataxanaqot qome Ñim Nataxala'.»

2 Samuel 10:12

¡Qaq 'ana'añaxat qome! ¡Ña'añaxataq da seloquiaxalec na qarhuo' le'ecpi, qataq na huaqta'a't nỹecpi maye lalamaxat Ñim Lo'onatac 'Enauacna! Qaq Ñim Nataxala' maiche ỹo'ot qome cam 'eetapeguec.»

Génesis 43:14

Qaq Ñim Lo'onatac 'Enauacna maye Qaica ca Ỹaqalanapec, nacheñi qome ñi ỹanem que'eca ỹale da qami' ichoxore'n da yaqto' isouec cam lỹa qarqaỹai qataq ñi Benjamín. Qaq aỹem, da qaica ca ỹalec, qalaq nache 'ena'am ¡nalotañi da qaica ca ỹalec!»

Isaías 22:12

Qaq se'eso na'a'q, Ñim Nataxala' maye Qaica ca Ỹaqalanapec qami' 'enapegalo co'ollaxa da qanỹiñi qataq qanachoxoreñi qanamarequi' naua qarqaigolli' qataq qaỹa'añiiyiñi naua qo'ogolli' maye sa nsattegueta maye la'anaxat da qanqui'iqui.

Ester 5:1

Qaq co'ollaq inoxoore'c soua tres na'axa'te, nache aso Ester, ỹaayiñi soua alogo da nate'e, nache jec, taua'a so qasoxoc pa'aỹauo se'eso nma' lta'araic, qaq vi'iiguet co'ollaq ivita so nỹec maye hueta'a so nta'a nso'ootañi, nso'ootangui aso nso'onaxaqui maye datateuga so lasom.

Filipenses 2:30

Cha'aye ñimaye mashe hua'c co'ollaxa da ileu, souaxat da do'onataxaatacot So Cristo. Qataq ỹataqta saishet da iteetega da nachaalataxac da ỹaneguet da lchecỹaxac, da yaqto' ishet da aỹem itaunec cam qami' saishet da aỹem qautauñic, souaxat da qami' qaỹoqtalo.

Romanos 16:4

Cha'aye caamaye ỹataqta nañanegueta co'ollaxa da lchec, da yaqto' aỹem nca'alaxatre'c. Qaq ỹoqo'oye saatac da ña'achecỹaxac. Qalaxaye saishet da nachaqaỹemta, nataqa'en 'enauac na 'amqaanataxanaxaicpi maye saishet da judiopi.

Hechos 27:33

Qaq so mashe qaỹata'aguet so na'a'q, nache so Pablo 'eetega 'enauac so laỹepi da yaqto' deque'e, 'eeta': –Nagui mashe ivi' naua catorce na'axa'te da qami' saishet da qauo'oche qataq da qauqui'i souaxat dam ỹataqta lta'araic qarhuogoqoi dam souaqaigui.

Hechos 21:13

Qalaxaye so Pablo 'enapec: –¡Saishet da qanỹiñiitac, cha'aye da nache qoñiita'ac de'era, nache aỹem qauaquicoqchichi! Aỹem ỹataqta sauotec So Qarataxala', qaq ỹoqo'oye aỹem lhuotta. Qaica ca shectega da aỹem qaicoñe', qataq na'aictaxa da seleualec Somaye da huaña ye Jerusalén.

Hechos 10:7

Qaq co'ollaq jec so namaxashec piguem le'ec maye da'aqtaxaatac, nache so Cornelio iỹaxaneugalo soua dos soua lamaxa'she qataq so 'oonolec huataxanaq le'ec maye nataqa'en ỹo'oxoreetac Ñim Lo'onatac 'Enauacna qataq ỹataqta lpe'et.

Hechos 9:9

Huaña yemaye, nache hueta'a tres na'axa'te saishet da nauaañi, qaq ỹoqo'oye saishet da deque'e, qataq saishet da nỹom.

Mateo 12:40

Cha'aye de'era 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nỹaq, qaq nachera qome da 'eetec nataqa'en Aỹem Shiỹaxaua Llalec da ivi' caua tres na'axa'te qataq tres pe' da sootaigui ana 'alhua.

1 Samuel 19:5

cha'aye somaye ỹataqta sairen co'ollaxa da nachaalataxac nache ỹalauat so filisteo, huaña nache Ñim Nataxala' ỹanem da lta'araic loxonaxanaxac na Israel le'ecpi. Qaq 'am ye ỹoqta 'auauaachigui qataq 'am ivirauga da 'auamachiguiñi. ¿Qalaq ta'ainco' da huotaique da 'auo'otec ca qauem ca qaica ca ỹasouaxat, qataq da 'auauotaique 'aualauat so David ye qaica ca huasoilec?»

Juan 19:22

Qalaxaye so Pilato 'enapego' somayepi, 'eeta': –Dam shiyiñi, damaye nache 'eetai' qome da nanettañi.

Ester 4:3

Qaq nataqa'en 'enauac so laỹepi 'alhuapi maye ivira'a som lamaxasoxonaxac so nta'a, da ỹataqta huo'o da lta'araic laquicoxo so judiopi, qaq somayepi ỹataqta ỹachaxaata da laquicoxo, nache ỹo'ot da nqouaqchet, qataq nỹeetac, qataq daquicota, qataq somayepi qalota som nnangui so alo, qataq ỹaayiñi soua alogo maye sansatchiguilo.

Ester 4:15

Qaq huaña, nache aso Ester ỹamaxauga so Mardoqueo da lasataxac maye, 'eeta':

Ester 4:17

Qaq huaña nache so Mardoqueo jec, nache ipacchigui da ỹo'ot 'enauac nam ỹamaxalecpi aso Ester.

Jeremías 36:9

Qaq so ca'agoxoic nueve so vi'i cinco da lo'onataxanaxac so Joaquím, som llalec so Josías, da nta'a ye Judá, nache 'enauac na lma' ye Jerusalén qataq 'enauac na laỹepi shiỹaxauapi maye chegaqa'a na laỹepi huaqta'a't nỹecpi maye ỹotta'a't naua nañalo ye Judá, qoỹenapega da nqouaqchet da dataỹot Ñim Nataxala'.

Daniel 2:18

da yaqto' iỹaxaaraique ca ltaunaxanaxac Ñim Lo'onatac 'Enauacna, maye neto'ot na piguem, souaxat de'era saqcha'a, da yaqto' saishet da qaỹalaua't, da lỹaueegueto so laỹepi ỹaanaxanaxaicpi ye Babilonia.

2 Reyes 7:4

Qaq dam senoxonaxaua'a ne'ena huaqta'a't nỹecpi, nache seleuaqaigui qome namaye, cha'aye ỹataqta lta'araic na nqouaxa, qaq da nache souaqta'a ne'ena, nache nataqa'en seleuaqaña. Qaq 'onaxaictaxa da ñeqo'onaxauga yem siiriopi, shapegueto' da qomi' ichoxore'n, nache ñecala'axauec, qaq qom qomi' ỹalauat, qaq nache 'ena'am seleuaq qome.

Esdras 8:21

Qaq so ñaq sonaqtaña so loigue so tala Ahavá, nache samaxalec somayepi da nqouaqcheela't qataq ỹataqta ñemanaqot Ñim Qanatamnaxala', qataq seỹaxanaqot Ñimaye da qomi' nnaictagueto de'era qoyecỹaxac, qataq da ntela'a so qoyalaqpi, qataq 'enauac so qorogoxoshetpi.

Ester 9:31

maye damaxasoxoolec da qaỹo'ot so na'ashaxac da ivita so na'a'q Purim, maye qoỹecchigui co'ollaxa, nache qaipacchigui da lamaxasoxonaxac so Mardoqueo, qataq aso nate'e Ester, maye taalec somayepi qataq cam chegoxoguetpi. Qaq nataqa'en qaỹalecnaxaneuo som lataxac da qaỹo'ot ca qouaqchetaxac, qataq ca naquicoxo,