Ester 4:11 - La'aqtaqa Ñim Lo'onatac 'Enauacna 2013

¹¹ «'Enauac na do'onataxaatacot ñi nta'a, qataq nam shiỹaxauapi maye netalec na 'alhuapi maye ilotague' ñimaye, ỹaỹaten da huo'o dam nqataxac da qaỹalauat ca ỹale, huo'otaq aca 'alo da taua'a ye nqasoxoc pa'aỹauo ñi lma' lta'araic ñi nta'a, da yaqto' nauane' ñimaye, qataq da saishet da iỹaxaneuga ñimaye, nacherata da ñi nta'a ỹaneuga aso lashelte oro que'eca shiỹaxaua, maye la'anaxat da ichoxoren, qataq nca'alaxatec. Qaq aỹem ye mashe ivittre'c soua treinta na'axa'te, da saishet da aỹem nỹaxaneuga ñi nta'a.»

Toba del Oeste

¹¹ «Yemeda naa'me lamaĝa's joñe'me jaliaĝanec nataq'aen joga'me jiyaĝadipi jo'ne netalo'te naa'me ale'u lael, qoyayaten da'me ja ch'e qoyec'ata nale ñe'me jaliaĝanec qom ja qoniyaĝana. Qa'a gamachaqaega joga'me ya'uo da'me dojo', yataqata qoyalat: nach'edata da'me qoyichoĝoden qom ñe'me jaliaĝanec male talaĝanec da'me nodegue ga'me laje'l jo'ne oro. Qalaĝaja da'me jayem, nayi qa'a nalo'taguet da'me treinta naa'me noloqo'ote ñe'me jaliaĝanec ja jayem 'te niyaĝana.»

Ester 4:11 Referans Kwoze

Daniel 2:9

Qaq ỹoqo'oye da saishet da aỹem qaua'aqtaxañim som sechoxootega, nache 'enauac qami' da 'eeta'a't qome ca qanhuaxanaguiqui, cha'aye mashe qanaỹaañiitega't da aỹem qaỹa'añim cam qarasataxaqui maye choche natenataxanaxac, qataq qauem ca taỹa'a, cha'aye qauauoitaique da ñaralaxat ca iuennataxac. Ñaq aỹem qaua'aqtaxañim negue't som sechoxootega, yaqto' saỹaten nataqa'en da qanaloỹaua'a da aỹem qaua'axachem cam naigui.

Ester 8:4

Nache so nta'a, ỹaneuga aso Ester aso lashelte oro. Nache asomaye ñesheguem, nache co'ollaq nachatto'ot somaye

Ester 2:14

Qaq ye pe, nache nqo'oota so lma' lta'araic so nta'a, qaq ye nte'eta ye lỹa na'a'q, nache qaltaq nqo'oota so lỹa nỹec maye naigui so lma' lta'araic so 'alpi, maye ilotague' so Sasgaz, som ỹale maye lpe'et so nta'a, qataq nauaatalec aso ỹaqauga lhuapi so nta'a, qaq naxa da ime de'era, nache saishet da qaltaq ỹe'eguelaxa da nqo'oneua'a so nta'a, nacherata da so nta'a maiche qaltaq iỹaxaneuga.

Ester 6:4

Qaq so Amán mashe huenoxoneua'a so qasoxoc maye dataỹauga so ỹaqauga lma' so nta'a, da yaqto' dequiguiỹaua'a so Mardoqueo da qaicoñerasheguemec aso 'epaq maye damaxasoxoolec co'ollaxa somaye da qaiqataxanai'. Nache so nta'a denataxan, 'eeta': ¿Negue't dam coleetac ye qasoxoc?

Ester 1:19

Qaq ỹoqo'oye 'am nta'a, da ỹaỹamaqchiguiñi 'anqa'en da 'aỹa'an ca 'ara'aqtac, da qalapaxañi ca lataxac da yaqto' qaỹalecnoigui na nqataxacpi maye lalamaxat na Persia qataq na Media da yaqto' saishet da qanlaxaañi: Da aso nate'e Vasti saishet qome da qaltaq ỹe'eguelaxa da 'am nachaateua'a. Qataq da lo'onataxanaxac da nate'e qanqat qome, nache qoỹanem aca lỹa 'alo maye taiguet damaye.

1 Pedro 3:7

Qaq nache 'eetec nataqa'en qami' ỹalleppi maye mashe qauaroñi, ñi 'oonolec ỹataqta naỹateete' qataq ichoxoren aca lhua, qataq qauaỹachiñiita da saishet da 'eeta'am da qara'añaxaqui acamaye. Cha'aye nataqa'en acamaye Ñim Lo'onatac 'Enauacna ỹachaxanapeguem da nca'alaxa maye chochaq tatec. Qaq qami' da nache qoñiitec de'era, nache Ñim Lo'onatac 'Enauacna hua'axaỹa da qanqouagaxaunaxaqui.

Ester 4:10

Qaq huaña nache aso Ester qaltaq ỹamaq so Hatac, ỹache naqa'en so la'aqtac maye taỹauga so Mardoqueo, 'eeta':

Ester 4:12

Qaq so Mardoqueo co'ollaq ỹaỹaten da lasataxac aso Ester,