Ester 4:1 - La'aqtaqa Ñim Lo'onatac 'Enauacna 2013

¹ Qaq so Mardoqueo, co'ollaq ỹaỹaten 'enauac de'era qaỹo'ot, nache ncolaxata'aisalo soua alogo maye la'anaxat da nqui'ic, qataq ỹaayiñi soua sansatchiguilo alogo, qataq ichegoxolec na lqaic so alo, ime nache jec, coleetapigui so huaqta'a't nỹecpi, nache ỹa'alaqtague' souaxat da nlaqchigui da nqui'ic.

Toba del Oeste

¹ Ca'li noma'a joñe'me Mardoqueo joga'me 'uo, qama'le yataqata yecolaĝata'aguelo gaa'me leuo lael, en yelo'teguet da'me yataqata lichigui q'aen. Male yaediñe gaa'me leuo lael laqaya' jo'ne yataqata ja no'en joga'me layoĝot, qama'le quetaye jodi'me noic da'me noyetac, yataqata neten joca'li.

Ester 4:1 Referans Kwoze

Daniel 9:3

Qaq huaña, nache ñatamen da ñachoxonnot Ñim Nataxala' maye Ñatamnaxala', qataq ñeqouaqchet qataq saayiñi soua sansatte' anogo, qataq ñeso'ongui so alo.

Da na'aqtaguec so Job 42:6

Qaq ỹoqo'oye nagui sha'axaneguet da itaxaỹaxac, souaxat na ỹa'aqtacpi co'ollaxa, nache ñeso'ongui qome na namoxoỹaxa, qataq semeelec na ỹaqaic na alo, cha'aye huo'o da ñetogotaxac.»

2 Samuel 13:19

Nache aso Tamar, ỹacona co'ollaxa so alo, nache imeelec na lqaic, qataq ncolaxata'alo soua alogo maye ỹaatrañi, qataq npataqta'a na lqaic co'ollaq jec, nache nỹeetague' co'ollaq quetague' so nqa'aic.

2 Samuel 1:11

Nache so David qataq so nalleppi co'ollaq hua'axaỹa de'era, nache ncolaxata'aisalo soua alogo souaxat da nqui'ic,

Da na'aqtaguec so Job 2:8

Nache so Job, tauga so laponqa' so alo da nso'ongui, nache ỹacona so laỹe aso laxai naco'oña, nache nvictega.

Hechos 14:14

Qalaxaye soua Jesús lamaxa'she Bernabé qataq Pablo co'ollaq nomalo de'era, nache soomaye ncolaxata'aisalo naua alogo, da ỹachaxa'n da lqaigaqa' dam ỹo'ot nam shiỹaxauapi. Ime, nache tayingui na laiñi, nache ỹa'alaqtai'salo, 'eetra':

Mateo 11:21

«Qami' maye qarmaye ye Corazín ¡ỹataqta qauem da qa'aita'ague! ¡Nataqa'en qauem da qa'aita'ague qami' maye qarmaye ye Betsaida! Cha'aye nam netaña ye Tiro qataq ye Sidón, da huo'otaq huaña taxa nam qaỹo'otpi maye qami' qaỹachaxanalo, qaq sogotectaxa quesom yemayepi da ca'aisalo naua qauema lataxaco, qataq da nachaxaata da ỹaayiñi naua alogo maye qaica ca lya'c, qataq da imeelec na lqaic na alo da ỹachaxan da naralaxat da lhuennataxac.

Sofonías 1:14

¡Mashe sa qaỹapeque na lta'araic na'a'q maye lviraxaqui Ñim Nataxala'! ¡Mashe sa qaỹa'aguet, ỹataqta huo'o da lỹalaxa! Ỹataqta chaqaic da l-llimiaxa ca lviraxac Ñim Nataxala': ¡ỹoqo'oye ivira'a qome na ỹataqta 'añaxaicpi da ỹa'alaq!

Miqueas 1:8

Qaq souaxat de'era nache aỹem ñeỹeetac qome souaxat da lta'araic ỹaquicoxo, qataq qaicaua caua ỹapela'ate da sequeuotapigui' qataq sootauec, qataq sheeta'am na qa'alaq da dalacotac qataq na mañec llalec da nỹeetac.

Ezequiel 21:6

Qaq 'am shiỹaxaua, 'ana'axannec qome da 'annoinaxac, souaxat da lqui'ic añi 'arquiyaqte, 'anỹen qome 'am ỹauaachigui 'anqa'en 'enauac na nhuo' le'ecpi.

Isaías 58:5

¿Qalqo' qaupichiitega da saỹamaxareeta da qouaqchetaxac maye qaỹo'ot naxa da naquicoxo, qataq da naqtañi ca shiỹaxaua 'eeta'am aca na'aate, qataq da qoỹaatrañi naua nogo maye sansattegueta da qannaatangui na alo? ¿Qaq nachera peta'a dam qauamachiỹa'ac qouaqchetaxac, qataq na'a'q maye ỹaỹamaxareeta Ñim Nataxala'?

Isaías 22:4

Qaq ỹoqo'oye aỹem shenapec: Ñaq aỹem qauỹocheelec qome, cha'aye sauotaique da ñeỹen souaxat da lta'araic ñiqui'ic, qaq saishet qome da aỹem qaua'añaqchichi, cha'aye ỹataqta qailaxachigui na ỹalamaxat ihuo' le'ecpi.

Isaías 15:4

Ye Hesbón qataq ye Eleale qalaq iỹaxaataique ca ntaunaguec, qaq da la'alaxac qalaq qaỹa'aqtega ivira'a ye Jahas. Qaq ỹoqo'oye na alleppi ye Moab ỹataqta ñi'i qataq nlaqchigui da lcolanaxa.

Da na'aqtaguec so Job 1:20

Nache so Job nachaañi, ỹataqta lta'araic da nqui'ic, nache ncolaxata'aisalo soua alogo, qataq namarecta na lqaic, nache ỹa'alyiñi naua l-llecte da natamen.

Ester 4:3

Qaq nataqa'en 'enauac so laỹepi 'alhuapi maye ivira'a som lamaxasoxonaxac so nta'a, da ỹataqta huo'o da lta'araic laquicoxo so judiopi, qaq somayepi ỹataqta ỹachaxaata da laquicoxo, nache ỹo'ot da nqouaqchet, qataq nỹeetac, qataq daquicota, qataq somayepi qalota som nnangui so alo, qataq ỹaayiñi soua alogo maye sansatchiguilo.

Josué 7:6

Huaña nache so Josué qataq so nqueroxonecpi maye lataxala' so Israel le'ecpi ncolaxata'aisalo soua alogo, qataq imeeleguete naua lqaigo na 'alhua lsoche da la'anaxat naqa'en da nqui'ic, ime qaq ỹa'aroto naua l-llectel aso arca maye laỹe' da naỹamaxataxac Ñim Nataxala', qataq iviraxata'aguet naqa'en na latap na 'alhua, ivitta'a da inoxooñi aso nala'.

Génesis 27:34

Qaq so Esaú co'ollaq hua'axaỹa da la'aqtac so lta'a, nache ỹataqta lta'araic da nqui'ic nache nỹeetac, nache ỹa'alaq, 'eeta': «¡'Am Taxare, Aỹem 'aỹa'anem nataqa'en ca 'archoxonnataxanaxa!»

Apocalipsis 11:3

Nache Aỹem sama'q caua dos ỹa'aqtaxanaxanaqa, da yaqto' ỹa'axa't da ỹataqta 'eesa ỹa'aqtaxanaxac. Qaq caamaye qom sama'q qalaq ỹaatrañi ñaqa'e'n caua alogo lasouaxaqui', da yaqto' ỹa'axat da ỹa'aqtaxanaxac iviraxattre'c que'ecaua tres vi'iye qataq ca laiñi ca lỹa vi'i.»

Ester 4:2

Nache ivitta'a so ñegueuo so lma' lta'araic so nta'a, qaq huaña nache vi'iiguet, cha'aye saishet da qaỹasheneuo da pa'auo ca 'eeta'am somaye da no'otaxac.

Génesis 37:34

Nache so Jacob ncolaxata'aisalo soua alogo. Ime, nache ỹaayiñi soua alogo maye lasouaxaqui'. Nache ỹataqta huo'oi soua na'axa'te da nỹeetapeguelec da l-leuaxa so llalec.

Isaías 37:1

Qaq so nta'a Ezequías, co'ollaq hua'axaỹa de'era, nache ncolaxata'aisalo soua alogo, qataq ỹaayiñi soua alogo sansattegueta, ime nache taua'a aso atamnaxaqui maye lalamaqte Ñim Nataxala'.

Isaías 37:2

Ime nache ỹama'q soua Eliaquín som ilotague' so lma' lta'araic so nta'a, qataq so neraxanaxanec Sebna, qataq so ntaxaỹaxanaxanecpi maye ỹoqta ỹa'axaiquipi, qaq ỹaatrañi naua alogo maye sansattegueta da taỹa so na'aqtaxanaxanec Isaías, som llalec so Amós.

Ezequiel 21:11

Qaiqashelgaxatta da yaqto' ishet da huo'o ca nasoqchigui. Ca ỹeelonec mashe ỹaxaraic qataq qashelec qanqa'en, da yaqto' qoỹanem ca laataxanaxaic da nasoqchigui.