Ester 3:8 - La'aqtaqa Ñim Lo'onatac 'Enauacna 2013

⁸ Qaq huaña nache so Amán 'enapega so nta'a Asuero, 'eeta': 'Enauac na nhuo' le'ecpi maye hueta'a nam 'alhuapi maye 'aulotague' 'am nta'a, huo'o na nhuo' le'ecpi maye saishet da nhuoiguet na laỹepi, huo'o na maiche lalamaxat nqataxacpi maye saishet da nateneguet na nqataxacpi maye lalamaxat na laỹepi nhuo' le'ecpi, qaq namayepi saishet da ỹalaxaguet na 'aramaxasoxonaxacpi 'am nta'a. Qaq saỹaỹamaxañi da ne'ena nhuo' le'ecpi, nache queta da 'aulotague' 'am nta'a.

Toba del Oeste

⁸ Chane'eja male dojapegue' ñe'me jaliaĝanec Asuero, enaac: «Am jaliaĝanec, jenjo' adejaliaĝaiqui 'uo ga'me jiyaĝadipi jo'ne ja 'lachaqa'tena, yataqata qoyelagaĝatetapiyelo chayovida'a da'me neta'ñalo yemeda gaa'me aleua lael. Jenjo' jiyaĝadipi 'uo na'me lajoĝoc joga'me nejiyaĝauayaĝac chayovida'a da'me ja yoqocha'alo naa'me adamajoĝonaĝaco. Qo'oche' qaya'te chiyaqayi da'me maliaĝa auaje'tema ta'le uo'oe gaa'me.

Ester 3:8 Referans Kwoze

Deuteronómio 4:27

Qataq Ñim Nataxala' qami' ilagaxatoiguilo qome na ỹotta'a't shiỹaxauapi, nache da qoñiita saq 'amaqtaq qome ca ishet da nca'alec da netalec yi'iye 'alhua.

Levítico 26:33

Nache qami' selagaxaaleguete ca ỹaqa'a 'alhuapi, souaxat da ñeqatsheguem ca ỹainec da yaqto' qami' secaata'ape, ivitta'a da ỹataqta toolec ñaqa'en ca qana'alhuai, qataq ñelaxaañi ca qaralamaxache huaqta'a't nỹecpi.

Santiago 1:1

Aỹem Santiago, aỹem so'onataxaatacot Ñim Lo'onatac 'Enauacna qataq So Qarataxala' Jesucristo, samaxa da iquinaxanaxac 'enauac na ỹa'amaqteetac So Cristo maye huetalec 'enauac ana 'alhua.

Hechos 28:22

Qaq ỹoqo'oye qomi' sauoqtaique da 'am ña'axaỹaxanaxa ca 'eetec ca 'arhuennataxac. Cha'aye saỹaanaq da 'enauaque naua 'aleu' qanpa'agueetega de'era dalaxaic na'amqaanataxanaxac maye 'aua'axattac.

Hechos 24:5

Cha'aye qomi' selaqalec ñi'iñi ỹale da ỹataqta sa qomi' ỹalemaxa't. Ỹataqta coleetac ivirapiguiñi, nache ỹo'ot da qomi' judiopi ñepa'aguenaxa't. Ñimaye nacheñi ñim lataxala' na ỹalleppi qataq 'alpi nam le'enaxat Nazarenos.

Juan 7:35

Nache nam judiopi maiche nnattega't, 'eeta': –¿Chaq hua'ago' ca dataigue damaye da yaqto' saishet da sanataxa? ¿Qalqo' nqo'ona nam judiopi maye netaña na ỹaqa'a 'alhuapi, da yaqto' ỹapaxaguen nataqa'en nam saishet da judiopi?

Zacarías 7:14

Qaq ỹoqo'oye Aỹem selagaxatapec co'ollaxa sheeta'am aca daua'ache, da yaqto' ỹaleeguet ñaqa'en nam ỹotta'a't shiỹaxauapi maye saỹauatton co'ollaxa. Qaq na na'alhua namayepi ivira'a da ỹataqta toolec, nache qaica ca ishet da nalec. ¡Nam 'alhua maye ỹataqta 'onaxaic co'ollaxa, qalaxaye namayepi ỹo'otec da ỹataqta toolec!»

Ezequiel 11:16

Qaq ỹoqo'oye qonapega qome, qoneta': ‹'Era da la'aqtac Ñim Nataxala': Aỹem ñeqateeguesop co'ollaxa ye na'alhua namayepi, nache selagaxat da yaqto' ỹaleeguet nam ỹotta'a't shiỹaxauapi maye hueta'a na ỹaqa'a 'alhuapi, qalaxaye damaye saqaỹauec ñaqa'en. Qalaxaye nagui nachaỹem da sheeta'am aca natamnaxaqui namayepi da hueta'a nam 'alhuapi maye taỹa co'ollaxa.›

Ezequiel 6:8

Qalaxaye da qoñiita so'ot qome da huo'oi caua nca'aleeguesopa da nleuaxa nache queta da nca'altauec, nache laguelec qome na hueta'a nam ỹotta'a't shiỹaxauapi.

Jeremías 50:17

Na Israel le'ecpi, 'eeta'am aca qagueta da isomtac souaxat da icaatac na llonpi. Qaq hua'auñi co'ollaxa da chec namayepi ñi nta'a ye Asiria, ime qaltaq nabucodonosor maye nta'a ye Babilonia nache ilaxachigui na lpi'inecpi.

Nehemías 1:8

Ña 'auennata'a qome so 'ara'aqtac maye 'aỹa'anem co'ollaxa so 'aramaxashec Moisés, 'eeta': Da huo'otaq huo'o ca qarasouaxashichi nache qami' selagaxaaleguete qome ana 'alhua.

Deuteronómio 32:26

Qaq Aỹem iuennataxa co'ollaxa da selagaxattac namayepi, qataq ỹataqta sapalaxat namayepi ana 'alhua,

Deuteronómio 30:3

nache Ñim Nataxala' maye Qanatamnaxala'ai qaltaq ỹe'eguelaxa qome da qami' ichoxore'n, qataq qami' laỹona't, nache qami' ñe'eguelaxa't qami' ỹachegoxotchiguiñalo ca na'alhua ca ỹotta'a't shiỹaxauapi maye qami' ỹo'ora'alo co'ollaxa Ñimaye.

1 Pedro 1:1

Aỹem Pedro, maye aỹem lamaxashec So Jesucristo da sa'axat da na'aqtac, sequiitac 'enauac na ỹa'amaqten Somaye maye 'eeta'am ca ỹaqa'a ca chegaqa'ague maye lma' ye Ponto, Galacia, Capadocia, Asia qataq ye Bitinia. Qaq Ñim Lo'onatac 'Enauacna ipacchigui da maiche lapaqtañi, nache qami' lca'ateua'alo co'ollaxa da yaqto' ỹauo'oi qami' lalamaqa'ate. Qataq ỹachegoxotchigui So Saqcha'a Na'añaxac Qui'itta qataq da l-leuaxa So Jesucristo, da Ñimaye ỹapalaxat 'enauac na qarasouaxashechi da yaqto' qaualaqaiguet. Huo'o da iyaxa da Ñimaye ỹataqta qami' ỹauoteque qataq qami' ỹanema da qarlagaxayiqui.

Ester 3:9

Qaq ỹoqo'oye 'am nta'a, da 'auaỹamaxareeta de'era, nache iuen da 'aua'axatec cam 'alapaxañi lataxac da 'auamaxasoxoolec da nmichiguiñi qanqa'en da qaỹalauat namayepi, qaq aỹem sanem qome na 'aramaxashecpi aca trecientos treinta mil kilos na lcat plata, da yaqto' ỹaneua'a añi laỹe' ana 'om 'am nta'a.

Ester 4:1

Qaq so Mardoqueo, co'ollaq ỹaỹaten 'enauac de'era qaỹo'ot, nache ncolaxata'aisalo soua alogo maye la'anaxat da nqui'ic, qataq ỹaayiñi soua sansatchiguilo alogo, qataq ichegoxolec na lqaic so alo, ime nache jec, coleetapigui so huaqta'a't nỹecpi, nache ỹa'alaqtague' souaxat da nlaqchigui da nqui'ic.

Jeremías 33:24

«¿Saishet peta'a da 'ananoma, da na shiỹaxauapi 'eetega sasaỹamaxare'n ne'enaua dos na nhuo' le'ecpi, Israel qataq Judá, maye Aỹem maiche lleca'agui'she co'ollaxa? ¡Qaq ỹoqo'oye da qailota'a ne'ena ỹalamaxat nhuo' le'ecpi, nache ỹataqta qaiqaiga, qataq saishet da qaỹamata'ac nhuo' le'ecpi!

Daniel 3:8

Qalaxaye huo'oi co'ollaxa soua Caldea lashe' da iqopitaxanapec da ỹauo'o da lasouaxashet so judiopi, da ỹa'axateua'a so Nabucodonosor,

Daniel 6:13

Qaq somayepi nache queto'ot da detaqtac, nache 'eeta': Qalaxaye ñi Daniel, ñim 'oonolec nam judiopi maye ncoñeteguishecpi, saishet da huo'o ca 'enec naqa'en 'am, qataq som qalapaxañi nqataxac maye qaỹa'axatec, cha'aye ñimaye sauanaqchigui da tres naxa da ỹo'ot da natamnaxac ye na'a'q.

Números 23:9

Huaña ana'ana qaỹoqotcheguemec coma' nache ishet da sela'a, qataq da sootaña ne'ena ỹataqta pa'asheguem ana qasoxonaxapi, nache semeteetac yi'iye nhuo' le'ecpi, maye ỹataqta qaiỹotauga, qataq saishet da 'eeta'am da lataxac na laỹepi shiỹaxauapi.

Esdras 4:6

Qaq co'ollaq ỹacoolec da lo'onataxanaxac so Asuero, da nta'a ye Persia, nache so ipa'agueetacpi so Israel le'ecpi ỹamaxa aso lere so nta'a, ỹachetalec nam 'eetega lasouaxashetpi som netaña ye Judá qataq ye Jerusalén.

Daniel 6:14

Qaq so nta'a co'ollaq hua'aqchigui de'era, nache ỹataqta daquico, nache nmitaique ca lataxac da nca'alaxatec so Daniel. Nache ivitta'a co'ollaxa da inoxooñi aso nala' da ỹataqta nmittaique ca lataxac da nca'alaxatec somaye,