Ester 3:7 - La'aqtaqa Ñim Lo'onatac 'Enauacna 2013

⁷ Qaq so la'auaxanec ca'agoxoic se'eso vi'i, som ca'agoxoic maye le'enaxat Nisán, co'ollaq mashe doce vi'iye da lo'onataxanaxac so Asuero, nache qaỹauo'o so alletaxac ỹauaachigui qanqa'en so Amán, da yaqto' ishet da qaỹaỹaten ca na'a'q qataq ca ca'agoxoic maye huetoigui qanqa'en som lapaxañi somaye, nache se'eso alletaxac taalec so na'a'q trece so ca'agoxoic doce, som ca'agoxoic maye le'enaxat Adar.

Toba del Oeste

⁷ Asuero qa'a joote once naa'me 'uoidi joda'me lejaliaĝa. Ca'li yovita joga'me uo'e jo'ne duodécimo, ga'me auoĝoic jo'ne 'uaeñe, lenaĝat Nisán, qama'le Amam ya'uo lapinec qaedi yayaten joga'me nolo' da'me ye'et ga'me lelnataĝac, qama'le tachigui ga'me auoĝoic decimosegundo jo'ne lenaĝat Adar, ga'me nolo' jo'ne trece.

Ester 3:7 Referans Kwoze

Esdras 6:15

Qaq nache huetoigui so na'a'q tres so ca'agoxoic maye le'enaxat Adar, da qaimat da qano'oxootapiguisheguem aso atamnaxaqui, qataq huetoigui so vi'i seis da nta'a so Darío.

Proverbios 16:33

Ca ỹale maiche ỹo'ot ca nalletaxac da yaqto' huo'o ca na'achecỹaxac, qalaxaye Ñim Nataxala' nacheñi ñi ỹan ca pa'atec la'aqtac.

Mateo 27:35

Nache so alleppi maye iuaxaneuo So Jesús co'ollaq ime da iuaxaneuo, nache somayepi nallera't da yaqto' qaỹaỹaten chaq negue't ca taleguete soua alogo So Jesús. Nataqa'en qaỹauo'o so nerec, nache qoỹanaña na nalotcheguemec na lqaic So Jesús da ỹa'axat da huo'omshe qaiuaxaneguet so npe'enaxaqui Somaye. Qaq se'eso nerec, 'eeta': «'Ena na Jesús maye lta'a na judiopi.» –Nataqa'en huo'oi soua lỹa't maye qaiuaxaareuo dos 'etaxaloxoiqa, nache so 'oonolec soomaye qoỹana'ague da aloic So Jesús, qaq so lỹa qoỹana'ague da ne'emaq. Ime nache so alleppi nso'ooñi da yaqto' nauanaleguete soomaye.

Ester 9:21

nache ỹamaxalec da ye 'oonolec vi'i, nache ỹo'ot ca na'ashaxac da ivireuga se'eso na'a'q catorce, qataq quince som ca'agoxoic Adar,

Ester 9:5

Qaq so judiopi ỹalauat co'ollaxa so mpa'aguenaxauapi irolec so ỹeelonec, nache ỹataqta imauec da nmichiguiñi naqa'en, nache maiche ỹoiqueetac cam ỹataxaateuga somayepi.

Ester 9:1

Qaq so na'a'q trece, som ca'agoxoic doce, maye le'enaxat Adar, nacheso so qoỹecchiguiña da ipacchigui qanqa'en so lamaxasoxonaxac so nta'a, qaq nacheso nataqa'en som na'a'q maye som mpa'aguenaxauapi so judiopi, iuatta'aguet da yaqto' loxonec somayepi, qalaxaye damaye saipaigui cha'aye so judiopi loxonec co'ollaxa se'eso mpa'aguenaxauapi.

Ester 2:16

Nache aso Ester, qaỹauegueua'a so nma' lta'araic da yaqto' nachaateua'a qanqa'en so nta'a Asuero, huetoigui so ca'agoxoic diez, maye nataqa'en le'enaxat Tebet, co'ollaq mashe ivi' soua siete vi'iye da lo'onataxanaxac somaye.

Ester 1:3

Qaq co'ollaq mashe ivi' soua tres vi'iye da lo'onataxanaxac, nache so nta'a Asuero ỹo'ot so nquia'axac, qataq so na'ashaxac, da yaqto' ỹauo'o da llo'oxoyec 'enauac so lo'onataxanaxanecpi, qataq so ltauapi da lo'onataxanaxac da nta'a, qataq so lataxala'pi so alleppi ye Persia qataq ye Medio, qataq so nta'alpi, qataq so nataxala'pi yi'iye 'alhuapi,

Nehemías 2:1

Qaq huo'o so na'a'q, huetoigui so ca'agoxoic Nisán, so mashe ivi' naua veinte vi'iye da lo'onataxanaxac so nta'a Artajerjes, nache cai sanem se'eso nta'a aso nỹomaxaqui huetagui so lataxa, nache somaye aỹem ỹauatton da ỹataqta saquico, saq 'ena'ama soua lỹa't na'axa'te,

Esdras 4:6

Qaq co'ollaq ỹacoolec da lo'onataxanaxac so Asuero, da nta'a ye Persia, nache so ipa'agueetacpi so Israel le'ecpi ỹamaxa aso lere so nta'a, ỹachetalec nam 'eetega lasouaxashetpi som netaña ye Judá qataq ye Jerusalén.