Ester 3:5 - La'aqtaqa Ñim Lo'onatac 'Enauacna 2013

⁵ Qaq so Amán co'ollaq ỹaỹaten da so Mardoqueo saishet da ỹa'alyiñi naua l-llectel, huo'otaq da naqñi naxa da nateugueye somaye, nache ỹataqta nlaxagui da lalemataic,

Toba del Oeste

⁵ Ca'li ñe'me Amam noma'a joñe'me Mardoqueo da'me ja yejoidiñe naa'me leliquetel nataq'aen ja naĝañi nale, qama'le joñe'me yataqata dalemata.

Ester 3:5 Referans Kwoze

Daniel 3:19

Qaq so Nabucodonosor co'ollaq hua'axaỹa de'era la'aqta'c soomaye, nache ỹataqta ntoguec na lashec souaxat da lauel da ỹalleto'oto soua tres nsoxorolqa. Huaña nache damaxasoxoolec da siete da qaỹe'eguelaxalec da qaỹalonoigui aso nqatelaxanaxaqui, napacalec ye lcata naxa da qaỹalonoigui asomaye,

Ester 5:9

Qaq so Amán, co'ollaq ca'ai so nquia'axac, nache ỹataqta machiguiñi, qataq ỹaỹamaxareeta somaye, qalaxaye ỹataqta nlaxagui da layeloxo co'ollaq ilota'a so Mardoqueo, maye hueta'a so lasom som nma' lta'araic, cha'aye somaye saishet da ñesheguem, qataq saishet da choche deraỹapigui' co'ollaq ila'aguet somaye.

Proverbios 21:24

Ca ño'oxonnaxaic, na'amqaanaxaic, qataq ca sairen ca lỹa, camaye qailonec da sancherapec, souaxat da ỹagaqnauec da napagaqaanaxac.

Ester 3:2

Qaq 'enauac som do'onataxaatacot so nta'a maye hueta'a so nma' lta'araic, ỹa'alyiñi naxa naua l-llecte, qataq naqñi naxa da nateugueye, huo'otaq naxa da datateguet so Amán, cha'aye som nta'a nache lamaxasoxonaxac de'era, qalaxaye so Mardoqueo saishet co'ollaxa da ỹalaxaguet se'eso namaxasoxonaxac.

Proverbios 19:19

Ca ỹaguec da lalemataic qalaq ỹaconeguet da maiche nhuaxanaguec, qaq ca nshetaique da nhuogaxa qalaq ỹe'eraxatoigui da lalemataic camaye.

Proverbios 12:16

Ca qaica ca ỹaỹaanapec qalaq saqaỹaloq da ỹachaxan da lalemataic, qaq ca huo'o na ỹaỹaten qalaq saishet da qochetega ca mpa'aguenataguec.

Da na'aqtaguec so Job 5:2

Cha'aye da nalemataic taỹa'a da nleuaxa, qataq da nquiỹaxanaqtaic ỹalauat ca qaica ca ỹaỹaana'a.

Ester 1:12

Qalaxaye aso nate'e saishet co'ollaxa da ỹalaxaguet da la'aqtac so nta'a, maye ỹanema soua shiỹaxau' maye ỹataqta lpe'e'te. Nache so nta'a ỹataqta dalemata qataq ỹataqta nlaxagui da lalemataic,

Ester 3:4

Nache somayepi, 'enauaque naua na'axa'te da ỹe'eguelaxattalec naxa de'era lnataxanaxac, qalaxaye somaye saishet da qochetega somayepi. Qaq huaña nache somayepi ỹa'axateua'a so Amán, cha'aye ỹauotaique da ỹaỹaten da so Mardoqueo saishet da naralaxat ca la'aqtac, cha'aye mashe da'aqtaxanem somayepi da somaye Judá le'ec.

Eclesiastés 10:6

nam qaica ca ỹaỹaanapec, qalaq qoỹanem nam huo'o da la'amaqchec no'onataxanaqa'pi, qaq nam sa nqalatpi qalaq qoỹanem nam qaica ca la'amaqchec no'onataxanaqa'pi.

Salmos 37:12

Na qauemaicpi nmitta'a da ỹo'otec ca qauem ca ỹale no'on da lataxac, da ỹamata'a qalaq nlaqchigui da lquiỹaxa da lmeenaxanaxac.