Ester 3:12 - La'aqtaqa Ñim Lo'onatac 'Enauacna 2013

¹² Qaq so na'a'q trece so la'auaxanec ca'agoxoic se'eso vi'i, nache qaiỹaxaneuga so leraxanaxanecpi so nta'a, nache somayepi ỹeyiñi so lamaxasoxonaxac so Amán maye taỹa'a so nta'alpi maye ilotague' so 'alhuapi qataq som lataxala'pi som hueta'a so 'alhuapi. Qaq se'eso namaxasoxonaxac nanettalec da naneraguec, qataq naua lalamaqa'ate la'aqtaqa som netalec so 'alhuapi qataq so nhuo' le'ecpi maye qaỹamaxa, qataq nanettalec so nta'a Asuero qataq itoqootalec aso la'anaxanaqte,

Toba del Oeste

¹² Chane'eja joga'me nolo' jo'ne trece, auoĝoic jo'ne 'uaechiñe, male qoyiyaĝanalo gaa'me ledaĝanaĝanaqa ñe'me jaliaĝanec, qaedi qoyedidiñe gaa'me lamajoĝonaĝaco joñe'me Amam, qaedi male yamaĝalo yemeda jogaa'me lecochaĝa'u jo'ne yelolo'te gaa'me ale'u lael, nataq'aen yemeda jogaa'me najoĝola'te jena'me aleua. Naajo' namajoĝonaĝaco qoyedidiñe yema 'naqatac jo'ne qoyayaten, qama'le yataqata qoya'uo jaga'me netouojoĝonaqate nataq'aen nedelegue joñe'me jaliaĝanec Asuero.

Ester 3:12 Referans Kwoze

1 Reyes 21:8

Qaq asomaye, nache sa naỹaloxon da ỹo'ot aso lere, nanettalec naqa'en so Ajab, qataq itoqoolec aso la'anaxanaqte somaye. Ime, nache ỹamaxa so nqueroxonecpi, qataq so nataxala'pi, som naigui so huaqta'a't nỹecpi maye naigui so lma' so Nabot.

Ester 1:22

Nache ỹamaq aso lerepi, ỹamaxa 'enauac so 'alhuapi maye ilotague', qaq nanettalec so maiche la'aqtac som hueta'a som 'alhuapi, qataq so nhuo' le'ecpi maye ilotague', nache huetalec asomaye da lamaxasoxonaxac da 'enauac na ỹalleppi da nache hueto'ot da huo'o da 'enec da hueta'a na lma'pi, qaq da detaxaỹapegue' na lauo' le'ecpi qalaq ỹauota'ai naua maiche lalamaqa'ate la'aqtaqa.

Daniel 6:15

qalaxaye se'eso shiỹaxauapi, qaltaq ỹe'eguelaxaua'a so nta'a, nache 'enapega, 'eeta': 'Am nta'a 'auaỹateeta ye lapaqtañi nqataxac maye lalamaxat ye medos qataq ye persas, da ca qalapaxañi nqataxac da mashe nanerelec ca nta'a, nache saishet da qanlaxaañi.

Daniel 6:12

Nache somayepi sanaỹaloxon da nqo'oneua'a so nta'a da da'aqtaxanem dam 'eetec som qalapaxañi nqataxac, nache 'eeta': 'Am nta'a 'aua'axatec co'ollaxa so qalapaxañi nqataxac, maye huetalec da ne'enaua treinta na'axa'te da huo'o ca natameetacot cam camachaqca atamnaxala', huo'otaq ca lỹa shiỹaxaua qaq saishet da nache 'am, nache camaye qaỹasaxangui aca nshere maye laỹe' na llonpi, ¿Saishet peta'a da nache 'eetec? nache so nta'a ỹasat, 'eeta': Aja' nache 'eetec, qaq se'eso qalapaxañi nqataxac somaye iuen da ipacchigui qanqa'en, yaqto' nateeteguet ye nanettañi nqataxac maye lalamaxat ye medos qataq ye persas, da saishet da qanlaxaañi.

Daniel 6:8

Qaq ỹoqo'oye nagui 'am nta'a, 'auo'ot qome da la'añaxac yi'iye qalapaxañi, qataq 'ananerelec, yaqto' saishet da qanaralaxat, yaqto' nateeteguet ye nanettañi nqataxac maye lalamaxat ye medos qataq ye persas, da saishet da qanlaxaañi.

Ester 9:27

nache so judiopi lapaxañi co'ollaxa de'era lataxac da yaqto' lalamaxat somayepi, qataq cam llalaqpi, qataq 'enauac cam ishet da taigui na judiopi, da 'enauaque naua vi'iye da ỹo'oxoren se'esoua na'axa'te, qataq da ipacchigui da ỹo'ot da ivireugalo se'esoua na'axa'te, ipacchigui dam napaxaguenataxanaxac maye qoỹanem co'ollaxa,

Ester 8:2

Qaq huaña nache so nta'a, nqat aso chiguishaqte maye hueto'ot co'ollaxa so Amán, nache ỹanem so Mardoqueo. Qaq aso Ester qalaq ỹanem so Mardoqueo da ilo'ogue 'enauac som logoxoshetpi co'ollaxa so Amán.

Esdras 8:36

Ime, nache qoỹanem so la'aqtac so nta'a, so nta'alpi qataq 'enauac so nataxala'pi maye ilotague' ye 'alhua maye pa'aỹa'ague da avit so tala Éufrates, nache somayepi 'enauac da itauan se'eso nhuo' le'ecpi, qataq da qaỹo'ot aso atamnaxaqui maye lalamaqte Ñim Lo'onatac 'Enauacna.

Ester 3:11

nache 'enapega, 'eeta': No'on da nache 'am hueto'ot aca plata. Qaq yi'iye nhuo' le'ecpi qalaq maicheye cam 'auo'otec.

Daniel 3:10

'Am nta'a, 'auamaxasoxoolec co'ollaxa da 'enauac na netalec na 'alhua da ỹa'alyiñi naua l-llecte da ỹo'oxoren ñi ne'enaqtac oro da choche hua'axaỹa da l-lamaxa ana nviquepi,

Daniel 6:25

Qaq huaña nache so nta'a Darío, ỹauo'o so lerec da taỹa'a naqa'en na ỹotta'a't shiỹaxauapi, qataq nam ỹotta'a't naua la'aqtaqa maye netalec se'eso 'alhua, nache 'eeta': «Huo'o qome da qarlagaxayiqui, qataq qaica ca qaviñiitaique,