Ester 3:1 - La'aqtaqa Ñim Lo'onatac 'Enauacna 2013

¹ Qaq co'ollaq mashe qaỹoqtegue de'era, nache so nta'a Asuero ỹauo'o da la'amaqchec so Amán, som llalec so Hamedata maye chegoxoguet so Agagueo, nache ỹanem da lo'onataxanaxac da lataxala' so nta'alpi ye qanayeeta'a 'alhua.

Toba del Oeste

¹ Yenoĝodegue jaa'me noloqo'ote ñe'me jaliaĝanec Asuero en najoĝola' joñe'me Amam, qaedi yelolo'te jogaa'me jaliaĝanaqa laqaya'. Jenjo' mach'e c'oĝot jodi'me Hamedata jo'ne chiyoĝoguet di'me Agag.

Ester 3:1 Referans Kwoze

Números 24:7

Qataq sa qoue na 'etaxat, maye laquip qome namayepi, qataq da icorelec na lañiguishec, qaq ñi lta'a qalaq napacalec da la'añaxac ñi nta'a Agag, qataq da lo'onataxanaxac da nta'a qalaq ỹataqta nquictauec.

Daniel 6:2

Qaq ỹauo'oi soua tres da yaqto' ilo'ogue somayepi, da yaqto' nauaatalec da lo'onataxanaxac so nta'alpi, da yaqto' saishet da talec ca qauem so nta'a. Qaq so 'oonolec soomaye, nacheso so Daniel,

Ester 5:11

nache da'aqtaxaateguema soomaye da lta'araic lsallaxa, qataq so qalota llalaqpi, qataq da 'eetec da so nta'a ỹataqta huo'o naqa'en da la'amaqchec, qataq da llo'oxonnatac somaye, napacalec som laỹepi nta'alpi qataq som do'onataxaatacot so nta'a.

Ester 3:10

Qaq huaña nache so nta'a, nqat aso nchiguishaqte nache ỹanem so Amán, som npa'aguenaxaua so judiopi,

1 Samuel 15:33

Qalaxaye so Samuel 'enapego' somaye, 'eeta': 'Am, 'auauota'a co'ollaxa so 'ainec da 'aualauat so qalota Israel le'ecpi, qaq so 'alpi qalaq 'auauota'a da qaica so llalaqpi. Qaq nache 'ena'am da 'eetec nagui aca 'arate'e. Nache so Samuel huaña naqa'en ye Gilgal qataq ỹauaachigui naqa'en Ñim Nataxala' da ipelcapigui somaye.

Génesis 41:40

Qaq nagui aỹem, 'am sepataxalec da 'aulo'ogue na ima' lta'araic qaq 'enauac qome na ihuo' le'ecpi da ỹalaxalec cam 'aramaxasoxonaxac. Qaq chaqaỹemta qome da 'am ñapactelec, cha'aye nachaỹem nta'a.

Proverbios 29:2

Da qaỹatatalec na no'on da lataxac, nache machiguiñi na shiỹaxauapi, qaq da qaỹatatalec na qauem da lataxac, nache na shiỹaxauapi huo'o da nque'eenaxac.

Salmos 12:8

Cha'aye ne'ena qauemaicpi 'enauac da coleetega't nache na shiỹaxauapi ỹo'oxoreetac na qauemsat.

Ester 8:3

Qaq co'ollaq ime, nache aso Ester, qaltaq detaxaỹot so nta'a, nache qapaloiguilo naua lchel so nta'a, nache ñettrañi naua lache' da nachoxoreetacot somaye da yaqto' nlaxaañi som qauem lamaxasoxonaxac so Amán, qataq da saipaguelec da ỹo'ot som lapaxañi lataxac maye dataỹa'aguet so judiopi.

Ester 7:6

Nache aso Ester, 'enapeco': ¡Qomye ñim qomi' ipa'agueeta'ape qataq qomi' ỹasauaxatta'ape, nacheñi ñi'iñi qauemaic Amán! Qaq so Amán co'ollaq hua'axaỹa de'era, nache ỹataqta sa da'añiigue souaxat da ñi'iỹa so nta'a, qataq aso nate'e.

Ester 1:14

Qaq soua ỹataqta pa'ata'agueta so nta'a, qalaq nachesoua soua Carsena, Setar, Admata, Tarsis, Meres, Marsena qataq so Memucán, qaq se'esoua siete nachesoua soua ỹataqta 'amaqtaqaiqa ye Persia qataq ye Media, som ỹalectraigui so na'atta'a't ltauapi so nta'a, qataq huetalec da 'amaqtaqaic no'onataxanaxac yi'iye 'alhua.

Esdras 7:14

Cha'aye aỹem maye aỹem nta'a, qataq naua siete chegoqtracot na nqataxacpi, 'am samaxasoq da yaqto' 'anmit da lataxac na netaña ye Jerusalén qataq ye Judá, da ỹoqta 'eesa da qaipacchiguilo naua lqataxaco Ñim 'Anatamnaxala' maye 'auauattoote'.

1 Samuel 15:8

qataq loxonec so Agag, maye lta'a so amaleciitapi, nache ỹalauat 'enauac so nalleppi somaye irota'a so ỹeelonec.

Génesis 41:55

Qaq na lma' ye Egipto co'ollaq mashe huo'o na lqouaxa, nache nqo'oneua'a so faraón da iỹaxanot da ỹanem ca trigo, nache so faraón 'enapego' 'enauac som Egipto le'ecpi, 'eeta': «Qanqo'oñiỹa qome ca José, qaq cam la'aqtac camaye, nacheca qauo'oche.»

Eclesiastés 10:6

nam qaica ca ỹaỹaanapec, qalaq qoỹanem nam huo'o da la'amaqchec no'onataxanaqa'pi, qaq nam sa nqalatpi qalaq qoỹanem nam qaica ca la'amaqchec no'onataxanaqa'pi.