Ester 2:9 - La'aqtaqa Ñim Lo'onatac 'Enauacna 2013

⁹ Qaq so Jegay ỹataqta ỹaỹamaxareeta co'ollaxa asa'aso qa'añole, qataq ỹauotec, qaq ỹoqo'oye so Jegay saỹaỹaloxon co'ollaxa da ipicten asomaye, ỹanem so no'on nallec, qataq ipataxagueta da huapegue' asomaye soua siete maye ỹataqta no'oñi asom namaxashepi maye hueta'a so lma' lta'araic so nta'a, qaq nache lỹata'ape naqa'en soomaye, co'ollaq nquigaxata som ỹataqta 'onaxaic nỹec som lma' lta'araic som 'alpi.

Toba del Oeste

⁹ Hegai ca'li yauana qama'le yataqata 'yamaqaten. Chane'eja paja'a damaĝajoĝolegue qaedi qoye'et qoyiyoĝolegue da'me davioĝon jo'ne yelo'teguet da'me onaĝaic, nataq'aen da'me yataqata qoyiqui'yaĝan jaga'me, chayovida'a damaĝajoĝolegue jogaa'me siete namaĝajel jo'ne onaĝael qaedi yataqata qoyelo'oguet jañe'me Ester, nataq'aen qoyachaue joga'me onaĝaic emec jo'ne uaue gaa'me yauodipi.

Ester 2:9 Referans Kwoze

Proverbios 16:7

Ñim Nataxala' da ỹaỹamaxareeta da no'on lataxac ca ỹale, nache ivira'a na mpa'aguenaxauapi camaye ishet da nmane' naqa'en.

Génesis 39:21

qalaxaye nache 'ena'am Ñim Nataxala' hueta'aguet somaye, qataq nache queto'ot da ỹachaxaatega da lauotaxanaqtaic, qataq ỹo'ot da so ilotague' aso ncoñetaxanaxaqui ỹauotec somaye,

Ester 2:12

Qaq 'enauac se'eso qa'ampiolec da ỹataqta qaipicteetac ivittre'c soua doce ca'agoxoiqa. Qaq soua la'auaxanaqa seis ca'agoxoiqa, nache huaiguilo da qaỹa'ameetac da lo'ocỹaxac asomayepi na aceite maye chegaqaigui na mirra, qaq soua lỹa't seis ca'agoxoiqa qalaq nache huaiguilo da qaỹa'ameetac da lo'ocỹaxac asomayepi na coraxat, qataq so la'amnaxat na no'oc, maye lalamaxat da na'amnaxat ana 'alo. Qaq co'ollaq mashe ivilde'c soua ca'agoxoiqa maye huaiguilo da qaipicteetac, nache añi 'oonole asomayepi huo'o ye laloqo' da nachaateua'a qanqa'en so nta'a Asuero,

Ester 2:3

Qaq 'am nta'a, iuen da 'auauo'o ca 'aramaxashecpi nam hueta'a 'enauac nam 'alhuapi maye 'aulotague', qaq camayepi nacheca ca nauegueua'a qome ñi nỹec lta'araic maye lalamaxat na 'alpi, ñim naña naqa'en na Susa ñi nta'a, qaq acamayepi qaipataxalec qome da ilo'ogue so Jegay, som ỹataqta lpe'et ñi nta'a, som ilotague' na 'alpi. Qaq so Jegay, nacheso so huapegue' qome da iyaquen acamayepi,

Daniel 1:9

Qaq Ñim Lo'onatac 'Enauacna, ỹo'ot co'ollaxa da som ilotague' so nma' lta'araic, ỹataqta ỹamaateguet so Daniel,

Esdras 7:6

Qaq so Esdras, somaye neraxanaxanec qataq ỹataqta ỹaỹate'n naua lleco, na lqataxacpi Ñim Nataxala' maye Natamnaxala' so Israel le'ecpi, maye ỹanem co'ollaxa so Moisés. Qaq so nta'a Artajerjes ỹanem somaye 'enauac som iỹaxanaique, cha'aye Ñim Nataxala' ỹataqta hueta'aguet co'ollaxa somaye.

Hechos 7:10

Nache ỹeltaxaneguet 'enauac na nque'eenaxaguesat, qataq ỹanem da laỹaanec qataq ỹo'otec so Faraón da ỹataqta ỹaỹamaxareeta somaye, ỹoqo'oye ỹanagui so José da nta'a da ilo'ogue ye 'alhua Egipto, qataq ilo'ogue so lma' somaye.

Salmos 106:46

Nache ỹo'ot da ivira'a da 'enauac som mpa'aguenaxauapi somayepi, huo'o da lchoxonnataxanaxa somayepi.

1 Reyes 8:50

Qataq 'auapalaxat qome na 'am hueto'ot lasouaxashetpi ne'ena 'aralamaxat nhuo' le'ecpi, souaxat da 'am dataỹa'aguet. Qataq que'eca mpa'aguenaxauapi maye loxonec namayepi, 'aỹa'anem da ichoxoren qome namayepi.

Nehemías 2:8

nataqa'en seỹaxanot da ỹo'ot aca lỹa lere da taỹa'a so Asaf, maye ilotague' so aviaq da yaqto' aỹem ỹanem ca qo'oipaqpi da yaqto' so'ot ca lasompi se'eso lpaqtaxanaxat aso nalloxolate, maye netaña so saqaỹapeque aso atamnaxaqui, nataqa'en so lpaqtaxat so huaqta'a't nỹecpi qataq ca ima' da yaqto' sonaigui. Nache se'eso nta'a aỹem ỹanem 'enauac so seỹaxanaiquepi, cha'aye aỹem hueta'aguet da lqouagaxanaqtaic Ñim Lo'onatac 'Enauacna.

Ester 5:2

Qaq so nta'a co'ollaq choche ila'a aso Ester da hueta'a so qasoxoc, nache ỹachaxana da lauoche asomaye, nache ỹaneuga asomaye, aso lashelte oro maye nasoqta'a. Qaq aso Ester, nquigueuo nache ipoteua'a na lsheenec aso nashelte,

Génesis 39:4

Qaq de'era, nachera da ỹo'ot da som na'aco' so José, ỹataqta ỹauotec somaye, qaq ỹoqo'oye nache ỹauo'o ltaua somaye, qataq ipataxalec da ilo'ogue so lma', qataq 'enauac som logoxoshetpi somaye.