Biblia Todo Logo
Bib sou entènèt

- Piblisite -




Ester 2:5 - La'aqtaqa Ñim Lo'onatac 'Enauacna 2013

5 Qaq som huaqta'a't nỹecpi ye Susa, hueta'a so 'oonolec judío maye le'enaxat Mardoqueo, som llalec so Yaír, qataq chegoxoguet so Simea qataq so Cis, maye chegoxoguet so Benjamín.

Gade chapit la Kopi

Toba del Oeste

5 Di'me Susa 'uo ca'li joñe'me judío jo'ne chiyoĝoguet di'me Benjamín, jo'ne lenaĝat da'me Mardoqueo, c'oĝot jodi'me Jaír, jo'ne c'oĝot di'me Simí, jo'ne c'oĝot di'me Quis.

Gade chapit la Kopi




Ester 2:5
10 Referans Kwoze  

Qaq so Mardoqueo maye judío, somaye da lo'onataxanaxac pa'ata'aguet so nta'a, somaye ỹataqta 'amaqtaqaic da ỹalectaigui so judiopi, qataq som lauo' le'ecpi ỹataqta lauotaxat somaye, cha'aye somaye nmitaique co'ollaxa da laỹamaxa so lauo' le'ecpi, qataq delocteguelec co'ollaxa som lauo' da yaqto' lactapiguiñi naqa'en.


Qaq co'ollaq inoxoore'c soua tres na'axa'te, nache aso Ester, ỹaayiñi soua alogo da nate'e, nache jec, taua'a so qasoxoc pa'aỹauo se'eso nma' lta'araic, qaq vi'iiguet co'ollaq ivita so nỹec maye hueta'a so nta'a nso'ootañi, nso'ootangui aso nso'onaxaqui maye datateuga so lasom.


Qaq 'am nta'a, iuen da 'auauo'o ca 'aramaxashecpi nam hueta'a 'enauac nam 'alhuapi maye 'aulotague', qaq camayepi nacheca ca nauegueua'a qome ñi nỹec lta'araic maye lalamaxat na 'alpi, ñim naña naqa'en na Susa ñi nta'a, qaq acamayepi qaipataxalec qome da ilo'ogue so Jegay, som ỹataqta lpe'et ñi nta'a, som ilotague' na 'alpi. Qaq so Jegay, nacheso so huapegue' qome da iyaquen acamayepi,


qaq som huaqta'a't nỹecpi ye Susa qalaq nacheso so naña naqa'en so lo'onataxanaqa'.


Qaq co'ollaq ivita ye Bajurín so nta'a David, nache natena'aguet so ỹale maye chegaqaigui so lalamaxat lauo' so Saúl, le'enaxat Simea maye llalec so Gera, somaye ỹataqta qauem na ỹasaxalec la'aqtacpi co'ollaxa so David,


Qaq so llalaqpi so Benjamín huo'o so ỹale le'enaxat Cis, somaye llalec co'ollaxa so le'enaxat Abiel, qataq laual so Seror, qataq lapi'sa so Becorat, som llalec co'ollaxa so Afía. Qaq se'eso Cis, somaye ỹataqta 'amaqtaqaic,


qaq acam qa'añole maye ñi nta'a ỹactec da nqopita, qaq nachaca qome aca qoỹanagui da nate'e, da talec da lo'onataxanaxac aso Vasti. Nache so nta'a ỹataqta ỹaỹamaxareeta co'ollaxa de'era nhuennataxac, nache damaxasoxoolec da qaỹo'ot damaye.


Nache so Joaquín, maye nta'a ye Judá, nataqa'en aso late'e, qataq so ltauapi, lamaxashecpi, qataq so lpe'etpi, nañan co'ollaxa, cha'aye ila'a da mashe loxonecpi so nta'a ye Babilonia. Qaq de'era huetoigui co'ollaq mashe ivi' soua ocho vi'iye da nta'a so Nabucodonosor.


Nache so Nabucodonosor, ỹachegoxotchiguiña ye Jerusalén da ỹauega ye Babilonia so nta'a Joaquín, qataq aso late'e, qataq aso lhuapi, qataq so ltauapi, qataq som 'amaqtaqaicpi yi'iye 'alhua.


Swiv nou:

Piblisite


Piblisite