Ester 2:23 - La'aqtaqa Ñim Lo'onatac 'Enauacna 2013

²³ Qaq co'ollaq qanmit de'era, nache co'ollaq qaỹaỹaten da 'eesa, nache se'esoua dos lataxala'ate som nauaatalec so nta'a, qaỹamaxasoxooleguete da qaicoñeldashegue'm. Qaq de'era qanayeuaigui, damaye ỹauaachigui co'ollaxa qanqa'en so nta'a da qoỹerelec aso nere maye nanettalec nam qaỹo'otpi yi'iye 'alhua.

Toba del Oeste

²³ Ñe'me jaliaĝanec en qonaloqoten jena'me 'uo, qama'le ca'li male yayaten da'me yataqata eja, damaĝajoĝolo'te qaedi naajo' dos qoyecoñededajeguem. Qama'le da'me dojo' qoyediñe ca'li, qa'a ñe'me jaliaĝanec en ualegue jajo'me nede jo'ne lae't gaa'me ledii's gaa'me jaliaĝanaqa ca'li.

Ester 2:23 Referans Kwoze

Ester 10:2

Qaq 'enauac so ỹo'otpi co'ollaq do'onataxana da 'enec, qataq da la'añaxac, qataq 'eeta'am nataqa'en dam 'eesa na'aqtaxanaxac, maye ỹa'axat da lta'araic lo'onataxanaxac maye ỹanem co'ollaxa so Mardoqueo, damaye qoỹerelec aso nere maye nanettalec 'enauac nam qaỹo'otpi co'ollaxa ye Media qataq ye Persia.

Génesis 40:22

Qaq so lataxala' so nauole lo'opi, qalaq damaxasoxoolec da qaicoñerasheguem, qaq nache ipacchigui da la'aqtaxanaxac co'ollaxa so José.

Génesis 40:19

qaq qom inoxoorec caua tres na'axa'te, nache ñi faraón qaltaq nmit qome so 'arasouaxashet, qaq qom ime, nache 'am damaxasoxoolec da 'am qaicoñerasheguemec aca qo'oipaq, nache anac qome na maỹopi da chec na 'arapat.»

Malaquías 3:16

Qaq huaña nache nam huo'o naq 'enec naqa'en Ñim Lo'onatac 'Enauacna, detaqtega't. Qaq Ñim Nataxala' hua'axaỹa, nache ỹataqta na'axaỹaxaachigui na la'aqtacpi. Qaq nache qaỹatato'ot Ñim Nataxala', co'ollaq qoỹerelec aso nere da yaqto' saishet da qaicoua'ai nam huo'o naq 'enec naqa'en Ñim Nataxala', qataq ỹo'oxoreetac Ñimaye.

Ester 7:10

Qaq 'era da 'eetec so Amán da qaicoñerasheguemec aso maiche lo'onata maye huotaique co'ollaxa da icoñerasheguemec so Mardoqueo. Qaq co'ollaq qaỹo'ot damaye, nache vi'iiguet da lalemataic so nta'a.

Ester 5:14

Qaq huaña nache aso lhua somaye, qataq 'enauac so nauochaxauapi, 'enapega somaye, 'eeta': 'Auamaxasoxoolec da qaỹa'ayiñi aca 'epaq maye ivi' veintidós metros ye lshequitcheguema, qaq qonte' nte'eta, nache 'auỹaxanot ñi nta'a da qaicoñerasheguemec acamaye so Mardoqueo, yaqto' qom 'anqo'ona ca nquia'axac da 'annaicapegue' ñi nta'a, nache qaica cam tatapigui 'arhuel. Qaq de'era nhuennataxac, ỹataqta ỹaỹamaxareeta so Amán, nache damaxasoxoolec da qaỹa'ayiñi aso 'epaq.

Josué 8:29

Qaq so Josué icoñerasheguemec aso qo'oipaq so nta'a ye Ai, nache ivitta'a so avit da netasheguem naqa'en, qaq co'ollaq mashe yaqta'a da inoxooñi aso nala' nache damaxasoxoolec da qanqaañi se'eso leuaxaic, ime nache qairouga so ñegueuo so huaqta'a't nỹecpi, nache se'eso lo'ocỹaxac somaye qalaponalec so coma'. Qaq se'eso naponec coma'pi nache huetaña, choche ivitta'a nagui.

Ester 6:1

Qaq nache huaigui se'eso pe, da so nta'a saishet da do'oche, qaq ỹoqo'oye damaxasoxoolec da qandoua'a somaye aso nere maye nanettalec 'enauac nam huo'o da la'amaqchec maye qaỹo'otpi yi'iye 'alhua, da yaqto' qaitaxaỹaxan.

Esdras 4:15

Yaqto' 'auamaxasoxoolec da qanmit aca huetalec aso hua'auñi nerepi maye nanettalec 'enauac na ỹo'otpi so hua'au nta'alpi. Yaqto' huaña nache 'auaỹateeta da yem hueta'a yi'iye huaqta'a't nỹecpi ỹataqta qaica ca ỹalaxaguet, qataq huo'o da lchec da na'aqchet da lo'onataxanaxac na nta'alpi qataq na laỹepi na 'alhuapi. Huaña nache 'auaỹateeta da nache 'eetai' naxa da chegoqta'ague da naỹamaxara't da dataỹa'aguet na nta'alpi ỹoqo'oye ivira'a da qailaxachigui yemaye.