Ester 2:21 - La'aqtaqa Ñim Lo'onatac 'Enauacna 2013

²¹ Qaq so Mardoqueo co'ollaq ñaq nso'ootañi netaña so lasom so lma' lta'araic so nta'a, nache hua'aqchiguilo co'ollaq detaqtega't soua Bigtán qataq so Teres, som lataxala'ate som nauaatalec so nta'a maye hueta'a so ñegueuo so nma' lta'araic. Qaq soomaye ỹataqta dalematai' co'ollaxa, nache detaqtrapigui ca lataxac da yaqto' ỹalauat so nta'a Asuero.

Toba del Oeste

²¹ Qama'le jaajo' noloqo'ote ca'li ñe'me Mardoqueo ueta'uet ga'me jom ga'me nejaliaĝaiqui, 'uo ga'me ua'a ca'li domachiyalo jo'me Bigtán nataq'aen jo'me Teres, coico laje' jo'ne yelodelegue ga'me ladiiuo ga'me 'nomataqa' ñe'me jaliaĝanec. Naajo' dalematatedapega ca'li ñe'me jaliaĝanec, qama'le dojetedapiye da'me jetaque yala't.

Ester 2:21 Referans Kwoze

Ester 6:2

Nache qailalec so na'aqtaxanaxac maye huetalec asomaye, dam 'eetec so Mardoqueo da ỹauatalec co'ollaxa so naỹamaxataxa'c so Bigtan, qataq so Teres, maye lataxala'ate so nauaatalec so nta'a, da huotaique ỹalaua't co'ollaxa so nta'a Asuero.

Salmos 144:10

'Am maye 'aỹa'anem da loxonaxanaxac na nta'alpi, qataq 'anca'alaxateeguesop ca ỹeenolec na 'aramaxashec David.

2 Reyes 21:23

Qaq som lamaxashecpi so Amón, dataỹa'aguet co'ollaxa somaye, nache ỹalauat huaña so lma' lta'araic.

2 Reyes 12:20

Qaq soua maiche nale't so Joás, dataira'aguet co'ollaxa somaye, nache ỹalaua't co'ollaq huangui so qano'oxoosheguem nqa'aic maye taỹaña ye Silá.

1 Reyes 16:9

qalaxaye so Zimri maye lamaxashec somaye, som ilotague' aso laỹepi naigonapi maye alaataxaquipi, somaye dataỹa'aguet co'ollaxa so Elá. Nache so Elá co'ollaq hueta'a ye Tirsa, nache nỹomtac, nache ivira'a da ỹataqta taxaic, hueta'a so lma' so Arsa, maye ilotague' naxa so lma' lta'araic somaye,

2 Samuel 16:11

Ime, nache somaye 'enapega so Abisay qataq 'enauac so ltauapi somaye, 'eeta': Ña qauloỹa som ỹataqta ỹalamaxat ỹalec, qalaq huotaique da aỹem ỹalauat. Qaq ta'ainectoxo' da saishet da nache 'eetec de'era, dam llalec so Benjamín. Ỹoqo'oye qaua'aqaita'a qome damaye da aỹem isheueetac, cha'aye souaxai' maiche ỹamaxalec Ñim Nataxala'.

Esdras 4:6

Qaq co'ollaq ỹacoolec da lo'onataxanaxac so Asuero, da nta'a ye Persia, nache so ipa'agueetacpi so Israel le'ecpi ỹamaxa aso lere so nta'a, ỹachetalec nam 'eetega lasouaxashetpi som netaña ye Judá qataq ye Jerusalén.

Ester 2:19

Qaq soua na'axa'te co'ollaq so qa'ampi, qaỹauega so lỹa nỹec maye naigui so lma' lta'araic som 'alpi, nache so Mardoqueo nso'ootañi hueta'a so lasom so lma' lta'araic so nta'a.

Daniel 2:49

Qataq souaxat da lquiquiaxac so Daniel, nache so nta'a ỹanema soua, Sadrac, Mesac, qataq so Abednego, da no'onataxanaxac maye huo'o da la'amaqchec yi'iye 'alhua Babilonia, qaq so Daniel qalaq nache ỹalectaigui so ltauapi so nta'a.

Ester 6:1

Qaq nache huaigui se'eso pe, da so nta'a saishet da do'oche, qaq ỹoqo'oye damaxasoxoolec da qandoua'a somaye aso nere maye nanettalec 'enauac nam huo'o da la'amaqchec maye qaỹo'otpi yi'iye 'alhua, da yaqto' qaitaxaỹaxan.