Ester 2:18 - La'aqtaqa Ñim Lo'onatac 'Enauacna 2013

¹⁸ Ime nache so nta'a, ỹo'ot so lta'araic nquia'axac, qataq so na'ashaxac da yaqto' ỹo'oxoren aso Ester, nache icoyeguen 'enauac so nta'alpi, qataq ltauapi da lo'onataxanaxac, qataq nquigaxaañi ye lcata aso lsheetenaxanaqte so netalec so 'alhuapi maye ilotague', qataq ỹanec so qalota lachetaqtaxanaxatpi, ipagaqchiichigui da 'eetec da lsoxoyec ca nta'a.

Toba del Oeste

¹⁸ Ua'a ca'li ñe'me Asuero ya'uo joga'me neualayaĝac let'adaic qaedi yema qo'nonaĝachigui jañe'me Ester, qama'le yiyaĝanalo yemeda gaa'me jaliaĝanaqa jo'ne lecochaĝa'u nataq'aen gaa'me najoĝola'te jo'ne yelodelegue di'me lejaliaĝaiqui. Nataq'aen noqojaĝañi yema ga'me nejetenaĝanaĝac, chayovida'a e'n onaĝayaqa gaa'me neme' jo'ne mach'e chiyoqodayi joga'me jaliaĝanec.

Ester 2:18 Referans Kwoze

Apocalipsis 19:9

Nache som namaxashec piguem le'ec aỹem 'enapega, 'eeta': «'Iyiñi qome de'era 'eeta': Ỹataqta machiguiñi 'enauac qome na qaicoyeguen da ỹalectaua'a ca nquia'axac da huaigui ca laronaxac Ñi Qagueta Llalec.» Nataqa'en aỹem 'enapega 'eeta': «'Era da la'aqtac Ñim Lo'onatac 'Enauacna, qaq Ñimaye saishet da datenataxan.»

Apocalipsis 11:10

Qaq 'enauac qome nam shiỹaxauapi maye huetalec ana 'alhua ỹataqta huo'o da ntonaxac qome da ilota'alo caamaye qom mashe ileu', nache ỹauo'o ca ntonaxac namayepi da qantootaleguete da l-leuqa't. Qaq souaxat da ntonaxac, nache ñi 'oonolec ỹamaxa ca lachetaqtaxanaxat ca lỹa, cha'aye ỹataqta lta'araic naqa'en co'ollaxa da nque'eenaxac na shiỹaxauapi se'esoua dos na'aqtaxanaxanaqa.

Lucas 14:8

–Da huo'otaq huo'o ca 'am icoyeguen da yaqto' 'aualectaua'a ca naronaxac, qalaq saishet qome da 'anso'ongui aca so'onaxaqui maye ỹo'oxoraq, cha'aye saiuena'a da nvireuo ca lỹa ncoyeguenatac maye 'am napacalec da llo'oxoyec.

Mateo 22:2

«De'era lo'onataxanaxac Ñim Lo'onatac 'Enauacna, 'eeta'am ca nta'a da ỹauo'o ca lquia'axac da ỹo'oxoren da laronaxac ca llalec.

Cantares 5:1

'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!

Cantares 3:11

Qami' 'alpi maye qarma'ai na Sión, ¡ña qampa'aiuec qome qaualliguet na nta'a Salomón! ¡Ten mashe qoỹanaxanaxangui ana naro'o da nta'a, maye lo'onata aso late'e co'ollaq ivita so na'a'q da huaron, so na'a'q maye ỹataqta machiguiñi da lquiyaqteỹaxac.

Ester 9:22

'eeta'ama soua na'axa'te co'ollaq so judiopi, dataỹa'aguet so mpa'aguenaxauapi, da yaqto' huo'o da l-lagaxayec, qataq 'eeta'am som ca'agoxoic maye huaigui so laquicoxo, qataq so la'alaxac souaxat da nqui'ic, maye nmeneguet da lta'araic lamaicỹaxac qataq na'ashaxac. Qaq que'ecaua na'axa'te, iuen da qaỹo'ot ca nquia'axac qataq ca namaicỹaxac, qataq nache huetoiguilo da ñi 'oonolec, ỹauo'o ca nme ca lỹa, qataq qaitauan na choxoraqpi.

Ester 1:7

Qaq so lataxa maye qanỹomtapigui, qalaq huetagui qanqa'en aso ỹomaxaquipi maye ndota't oro, qaq asomayepi ỹotta'a't da lataxac, qaq so qaimeeteguec lataxa ỹataqta qalota, qaipagaqchiichigui da 'eetec da lsoxoyec ca nta'a.

Nehemías 8:11

Qaq nataqa'en so leviitapi, icochaqtac 'enauac se'eso nhuo' le'ecpi, 'eeta': Saishet da qanỹeñeetac. Saishet da qauaquicoitac, cha'aye ne'ena na'a'q qoỹanot Ñim Nataxala'.

1 Samuel 25:8

Qalaxaye 'aunat qome na 'aramaxashecpi, nache 'am da'aqtaxaatem qome de'era, qaq ỹoqo'oye ỹataqta lta'araic qome da ña'achecỹaxac da 'auaỹamaxatte' da 'aulo'ogueta ne'enaua ỹamaxa'she, cha'aye no'on da lviraxa'c ne'ena na'a'q. Qaq 'am ñachoxoreetot da 'aỹa'anema qome naamaye, qataq nam 'aramaxashec David cam 'am hueto'ot, cha'aye 'eeta'am da aỹem 'aỹa'alec.

Génesis 29:22

Qaq huaña nache so Labán, icoyeguen 'enauac so lauoreuapi da yaqto' naua'a so naronaxac maye ỹo'ot.

Marcos 6:21

Qaq co'ollaq ivita so na'a'q maye lañoxoqui, nache so nta'a Herodes ỹo'ot so lta'araic lquia'axac. Nache icoyeguen so nataxala'pi, qataq so lataxala'pi na huataxanaq qataq so shiỹaxauapi maye 'amaqtaqaicpi ye 'alhua Galilea. Qaq aso Herodías ila'a da se'eso na'a'q, nacheso so ishet da huetoigui da ỹalauat so Juan.