Ester 2:16 - La'aqtaqa Ñim Lo'onatac 'Enauacna 2013

¹⁶ Nache aso Ester, qaỹauegueua'a so nma' lta'araic da yaqto' nachaateua'a qanqa'en so nta'a Asuero, huetoigui so ca'agoxoic diez, maye nataqa'en le'enaxat Tebet, co'ollaq mashe ivi' soua siete vi'iye da lo'onataxanaxac somaye.

Toba del Oeste

¹⁶ Chane'eja male qoyaue'uo ñe'me jaliaĝanec Asuero ca'li auoĝoic décimo jo'ne lenaĝat Tébet, uo'e jo'ne séptimo ga'me lejaliaĝac.

Ester 2:16 Referans Kwoze

Ester 8:9

Qaq nache sa qaỹaỹaloxon da qaiỹaxaneuga so leraxanaxanecpi so nta'a. Qaq damaye huetoigui so na'a'q veintitrés so ca'agoxoic tres, som le'enaxat Siván, nache 'enauac som damaxasoxoolecpi so Mardoqueo, qoỹiyiñi da yaqto' taỹa'a so judiopi, qataq so nta'alpi maye ilotague' so laỹepi 'alhuapi, qataq so laỹepi nataxala'pi maye hueta'a so ciento veintisiete 'alhuapi, chegoqchiguiña ye la India, nache ivitta'a ye Etiopía, qaq aso nerepi qalaq qoỹettaleguete naua maiche la'aqtaqa, qataq dam maiche leraxanaxac som shiỹaxauapi maye hueta'a nam 'alhuapi. Qaq nataqa'en qoỹerelec asomaye naua la'aqtaqa, qataq da maiche leraxanaxac so judiopi.

Ester 2:3

Qaq 'am nta'a, iuen da 'auauo'o ca 'aramaxashecpi nam hueta'a 'enauac nam 'alhuapi maye 'aulotague', qaq camayepi nacheca ca nauegueua'a qome ñi nỹec lta'araic maye lalamaxat na 'alpi, ñim naña naqa'en na Susa ñi nta'a, qaq acamayepi qaipataxalec qome da ilo'ogue so Jegay, som ỹataqta lpe'et ñi nta'a, som ilotague' na 'alpi. Qaq so Jegay, nacheso so huapegue' qome da iyaquen acamayepi,

Ester 2:1

Qaq co'ollaq mashe huo'oi soua inoxoorec na'axa'te, co'ollaq so nta'a Asuero mashe imeuec da lalemataic, nache tachigui lauel aso Vasti, qataq dam ỹo'ot asomaye, qataq som qalapaxañi lataxac maye qaỹa'axatec da dataỹa'aguet asomaye.

Esdras 7:8

Qaq 'era da 'eetec so Esdras co'ollaq nvita ye Jerusalén, da huetoiguilo soua cinco ca'agoxoiqa so vi'i siete da lo'onataxanaxac da nta'a so Artajerjes.

Ester 2:15

Qaq aso Ester, asom llale so Abijaíl, maye ntesoqo' so Mardoqueo, co'ollaq ivita da nachaateua'a so nta'a, nache asomaye nda'a't da ỹache som ỹamaxalec so Jegay, som ỹale maye lpe'et so nta'a, qataq nauaatalec aso 'alpi, qaq aso Ester mashe 'enauac som hueta'a so lma' lta'araic so nta'a, da ỹauotec asomaye.

Ester 2:17

Nache so Asuero ỹataqta nqopita co'ollaxa aso Ester, qaq saỹauano' da 'eetec de'era somaye da huo'o aca ỹataqta nqopita asom laỹepi 'alpi, qaq 'era da 'eetec so Asuero da ỹataqta nqopita asomaye, nache somaye ỹataqta itauan asomaye, saq 'ena'am aso laỹepi 'alpi maye mashe hueta'aguet co'ollaxa somaye, qaq ỹoqo'oye ỹanaxanaxangui asomaye aso aro'o, nache ỹanagui da nate'e da nmeneguet aso Vasti.

Esdras 4:6

Qaq co'ollaq ỹacoolec da lo'onataxanaxac so Asuero, da nta'a ye Persia, nache so ipa'agueetacpi so Israel le'ecpi ỹamaxa aso lere so nta'a, ỹachetalec nam 'eetega lasouaxashetpi som netaña ye Judá qataq ye Jerusalén.