Ester 2:15 - La'aqtaqa Ñim Lo'onatac 'Enauacna 2013

¹⁵ Qaq aso Ester, asom llale so Abijaíl, maye ntesoqo' so Mardoqueo, co'ollaq ivita da nachaateua'a so nta'a, nache asomaye nda'a't da ỹache som ỹamaxalec so Jegay, som ỹale maye lpe'et so nta'a, qataq nauaatalec aso 'alpi, qaq aso Ester mashe 'enauac som hueta'a so lma' lta'araic so nta'a, da ỹauotec asomaye.

Toba del Oeste

¹⁵ Jodi'me let'a jañe'me Ester qa'a lenaĝat da'me Abihail, netejoqo' ñe'me Mardoqueo, jo'ne en c'oqote ca'li yeleu di'me Abihail. Ca'li qauaye jañe'me Ester da'me male yec'ata joñe'me jaliaĝanec Asuero, qama'le gaa'me leuo jo'ne en yaediñe ca'li ñe'me Hegai, nach'eñe jo'ne yelolo'te ca'li gaa'me yauodipi. Qama'le yataqata qo'yamaqaten yemeda jogaa'me neteloqo't.

Ester 2:15 Referans Kwoze

Cantares 6:9

Qalaxaye aso ỹalamaqte qoto'ole maye nalochiguiñi ỹataqta 'oonole, asomaye 'oonole ñale maye ỹataqta nauotaqte lauotaqte aso 'alo maye deco'oic. Qaq ana lhuapi so nta'a da ila'a asomaye nache ỹo'oxoreetac, ivira'a ana ỹaqauga lamoxouapi ỹataqta huo'o da llo'oxonnataxanaxa.

Ester 2:3

Qaq 'am nta'a, iuen da 'auauo'o ca 'aramaxashecpi nam hueta'a 'enauac nam 'alhuapi maye 'aulotague', qaq camayepi nacheca ca nauegueua'a qome ñi nỹec lta'araic maye lalamaxat na 'alpi, ñim naña naqa'en na Susa ñi nta'a, qaq acamayepi qaipataxalec qome da ilo'ogue so Jegay, som ỹataqta lpe'et ñi nta'a, som ilotague' na 'alpi. Qaq so Jegay, nacheso so huapegue' qome da iyaquen acamayepi,

Hechos 7:10

Nache ỹeltaxaneguet 'enauac na nque'eenaxaguesat, qataq ỹanem da laỹaanec qataq ỹo'otec so Faraón da ỹataqta ỹaỹamaxareeta somaye, ỹoqo'oye ỹanagui so José da nta'a da ilo'ogue ye 'alhua Egipto, qataq ilo'ogue so lma' somaye.

Ester 9:29

Qaq aso nate'e Ester, maye llale so Abijaíl, qataq so Mardoqueo maye judío, ỹataqta huo'o da 'eneque co'ollaq ỹelyiñi asa'aso lỹa nere, maye ỹa'axat so na'ashaxac maye huaigui so na'a'q Purim, da yaqto' 'eesa naqa'en aso hua'auñi nere,

Cantares 8:10

Aỹem co'ollaxa sheeta'am ca mpaqtaxanaxat, qalaxaye nagui naua itetel qalaq 'eeta'ama caua nalloxolatel. Qaq so ỹauotaxat ỹo'ot da ỹataqta samachiguiñi.

Ester 2:14

Qaq ye pe, nache nqo'oota so lma' lta'araic so nta'a, qaq ye nte'eta ye lỹa na'a'q, nache qaltaq nqo'oota so lỹa nỹec maye naigui so lma' lta'araic so 'alpi, maye ilotague' so Sasgaz, som ỹale maye lpe'et so nta'a, qataq nauaatalec aso ỹaqauga lhuapi so nta'a, qaq naxa da ime de'era, nache saishet da qaltaq ỹe'eguelaxa da nqo'oneua'a so nta'a, nacherata da so nta'a maiche qaltaq iỹaxaneuga.

Ester 2:16

Nache aso Ester, qaỹauegueua'a so nma' lta'araic da yaqto' nachaateua'a qanqa'en so nta'a Asuero, huetoigui so ca'agoxoic diez, maye nataqa'en le'enaxat Tebet, co'ollaq mashe ivi' soua siete vi'iye da lo'onataxanaxac somaye.

Ester 8:1

Qaq nacheso se'eso na'a'q, da so nta'a Asuero nme naqa'en aso nate'e Ester so lma' so Amán, som ipa'agueetac so judiopi, qaq so Mardoqueo nachaateua'a so nta'a, cha'aye aso Ester mashe ỹa'axat co'ollaxa da maiche ntesoqo' so Mardoqueo.

Proverbios 15:33

Da huo'o naq 'enec qanqa'en Ñim Nataxala', damaye dapaxaguenataxanec da naỹaanec, qaq da qanshetaique da qaỹaconeguet da ño'oxoyec, qalaq hua'auñi qanqa'en da qaica ca na'amaqchec.