Ester 2:12 - La'aqtaqa Ñim Lo'onatac 'Enauacna 2013

¹² Qaq 'enauac se'eso qa'ampiolec da ỹataqta qaipicteetac ivittre'c soua doce ca'agoxoiqa. Qaq soua la'auaxanaqa seis ca'agoxoiqa, nache huaiguilo da qaỹa'ameetac da lo'ocỹaxac asomayepi na aceite maye chegaqaigui na mirra, qaq soua lỹa't seis ca'agoxoiqa qalaq nache huaiguilo da qaỹa'ameetac da lo'ocỹaxac asomayepi na coraxat, qataq so la'amnaxat na no'oc, maye lalamaxat da na'amnaxat ana 'alo. Qaq co'ollaq mashe ivilde'c soua ca'agoxoiqa maye huaiguilo da qaipicteetac, nache añi 'oonole asomayepi huo'o ye laloqo' da nachaateua'a qanqa'en so nta'a Asuero,

Toba del Oeste

¹² Naa'me q'añolel nalo'tagueta gaa'me doce auoĝoyaqa da'me yataqata qo'ye't qaedi onaĝael, qa'a naq'aeta da'me mach'e naeda'ac ca'li: gaa'me seis auoĝoyaqa nach'e eta't qoyiyoĝolo'te ga'me lo'oc jena'me laeta jaga'me mirra, qama'le jogaa'me noloqo'ote laqaya' qoyiyoĝolo'te ga'me davioĝon jo'ne en 'noota ga'me lo'oc. Yem da'me dojo' qama'le naa'me q'añolel male qoya'uo joga'me laloqo't qaedi dajoyeda'aguet ñe'me jaliaĝanec Asuero.

Ester 2:12 Referans Kwoze

Isaías 57:9

«Ime qataq 'anqalgoqta'a so atamnaxala' Melec 'auachetac so aceite qataq som qalota coraxatpi, qataq 'auamaxa so ỹataqta qaỹoqta som 'artaxaỹaxanaxanecpi qataq iviraña 'anqa'en nam ỹataqta pa'aguiñi aso huachiqui.

Proverbios 7:17

qataq mashe secorelec so coraxat ama da laitaỹaxac, chegaqaigui na qo'oipaq lcha'q, qataq ana áloe qataq na lỹa coraxat.

Cantares 3:6

¿Chaq negue't na chegoqtalec na toolec 'alhua qataq naỹa'acna 'eeta'am na nchisheguem lmala'q, qataq naỹoxoosheguem na laita ana mirra, qataq na 'onaxaic nchenaxanaxat, qataq 'enauac na ỹotta'a't coraxatpi maye ỹoqta no'on?

Ester 2:3

Qaq 'am nta'a, iuen da 'auauo'o ca 'aramaxashecpi nam hueta'a 'enauac nam 'alhuapi maye 'aulotague', qaq camayepi nacheca ca nauegueua'a qome ñi nỹec lta'araic maye lalamaxat na 'alpi, ñim naña naqa'en na Susa ñi nta'a, qaq acamayepi qaipataxalec qome da ilo'ogue so Jegay, som ỹataqta lpe'et ñi nta'a, som ilotague' na 'alpi. Qaq so Jegay, nacheso so huapegue' qome da iyaquen acamayepi,

Ester 2:9

Qaq so Jegay ỹataqta ỹaỹamaxareeta co'ollaxa asa'aso qa'añole, qataq ỹauotec, qaq ỹoqo'oye so Jegay saỹaỹaloxon co'ollaxa da ipicten asomaye, ỹanem so no'on nallec, qataq ipataxagueta da huapegue' asomaye soua siete maye ỹataqta no'oñi asom namaxashepi maye hueta'a so lma' lta'araic so nta'a, qaq nache lỹata'ape naqa'en soomaye, co'ollaq nquigaxata som ỹataqta 'onaxaic nỹec som lma' lta'araic som 'alpi.

Ester 2:11

Qaq so Mardoqueo qalaq ima'ape soua na'axa'te da coleetac naxa, so qasoxoc maye naloteuga so lma' lta'araic so 'alpi, da yaqto' ỹaỹateetac da aso Ester qaica camachaqca, qataq da huo'otaq qaỹaỹamaxatta.

Ester 2:13

qaq añi 'oonole se'eso qa'ampiolec da yaqto' nachaateua'a so nta'a, nache qaỹasheetem da ỹaañi cam lauela da ỹaañi, som 'otaxatpi maye hueta'a so lma' lta'araic so 'alpi.

Isaías 3:24

Qaq na coraxat qalaq nmeneguet qome ca ỹotta'a't nalolaxapi, qaq na saataxaquipi qalaq nmeneguet ca nañecpi, qaq na no'on qoue qalaq nmeneguet qome da qui'it na nqaic, qaq ana no'on npotopi qalaq nmeneguet ca sansatta nogoxot, qaq da lyac da no'ogoỹaxac qalaq nmeneguet qome ca lque'emaxa souaxat ca lcat dapaqa.