Ester 10:2 - La'aqtaqa Ñim Lo'onatac 'Enauacna 2013

² Qaq 'enauac so ỹo'otpi co'ollaq do'onataxana da 'enec, qataq da la'añaxac, qataq 'eeta'am nataqa'en dam 'eesa na'aqtaxanaxac, maye ỹa'axat da lta'araic lo'onataxanaxac maye ỹanem co'ollaxa so Mardoqueo, damaye qoỹerelec aso nere maye nanettalec 'enauac nam qaỹo'otpi co'ollaxa ye Media qataq ye Persia.

Toba del Oeste

² Yema da'me ya'uo ca'li joñe'me jaliaĝanec Asuero, qa'a 'uo da'me lañoqotaĝanaĝac let'adaic, chayovida'a ca'li yanem da'me lañoqotaĝanaĝac joñe'me Mardoqueo, yataqata uetaye ga'me nediijec jo'ne 'laqataĝanaĝa'j dia'me jaliaĝanaqa di'me aleua Media nataq'aen Persia.

Ester 10:2 Referans Kwoze

Ester 8:15

Qaq so Mardoqueo pa'auec co'ollaxa chegoqtoigui so lma' lta'araic so nta'a, ỹaatañi aso lapoto da nta'a, maye malaxarai qataq lapagaxai da lo'oxoỹaxac, qataq aso late'erai naro'o maye oro, qataq so lapo' maye chegaqaigui so lino, qataq so togaxaraic da lo'oxoỹaxac. Nache 'enauac so shiỹaxauapi maye hueta'a so huaqta'a't nỹecpi ye Susa, ỹataqta ỹa'alaqtagui souaxat da ntonaxac,

Ester 9:4

cha'aye so Mardoqueo, mashe huo'o da la'amaqchec da hueta'a so lma' lta'araic so nta'a, qataq da na'aqtaguec mashe imauec da qaỹaỹaten 'enauac so 'alhuapi, qaq nacheye ye na'a'q da nquictauec da la'añaxac.

Ester 2:23

Qaq co'ollaq qanmit de'era, nache co'ollaq qaỹaỹaten da 'eesa, nache se'esoua dos lataxala'ate som nauaatalec so nta'a, qaỹamaxasoxooleguete da qaicoñeldashegue'm. Qaq de'era qanayeuaigui, damaye ỹauaachigui co'ollaxa qanqa'en so nta'a da qoỹerelec aso nere maye nanettalec nam qaỹo'otpi yi'iye 'alhua.

Ester 6:1

Qaq nache huaigui se'eso pe, da so nta'a saishet da do'oche, qaq ỹoqo'oye damaxasoxoolec da qandoua'a somaye aso nere maye nanettalec 'enauac nam huo'o da la'amaqchec maye qaỹo'otpi yi'iye 'alhua, da yaqto' qaitaxaỹaxan.

Daniel 2:48

Qaq ime, nache so nta'a ỹanem so Daniel, so no'onataxanaxac maye huo'o da la'amaqchec, qataq ỹauo'o so qalota qataq ỹo'oxoraq nmepi, qataq nataqa'en ỹanem da ilo'ogue 'enauac som 'alhuapi ye Babilonia, qataq 'amaqtaqaic lataxala' 'enauac som ỹaanaxanaxaicpi yi'iye 'alhua.

Salmos 18:35

'Am, aỹem mpaxattalec 'anqa'en da 'arca'alaqtaxanaxac, qataq aỹem 'anasoqtañi 'auauota'a na 'arhuaq 'oic, da 'arauotaxanaqtaic ỹo'ot da qaica ca seueetac.

1 Reyes 22:39

Qaq na laỹepi na'aqtaguecpi so Ajab, qataq 'enauac nam ỹo'otpi, qataq so lma' lta'araic maye llo'oxoraxat na marfil, qataq so huaqta'a't nỹecpi maye no'oxoosheguem co'ollaxa, nache nanettalec aso nere maye huetalec da na'aqtaguec so nta'alpi ye Israel.

1 Reyes 14:19

Qaq nam laỹepi maye ỹo'otpi so Jeroboán, co'ollaq nalattac, qataq da lo'onataxanaxac co'ollaq nta'a, nache 'enauac da nanettalec aso nere, maye nanettalec da na'aqtaguec nam ỹo'otpi so nta'alpi ye Israel.

1 Reyes 11:41

Qaq na laỹepi na'aqtaguecpi so Salomón, nam ỹo'otpi qataq na laỹaanecpi, nache qoỹettalec aso nere maye huetalec nam ỹo'otpi so Salomón.

Ester 8:2

Qaq huaña nache so nta'a, nqat aso chiguishaqte maye hueto'ot co'ollaxa so Amán, nache ỹanem so Mardoqueo. Qaq aso Ester qalaq ỹanem so Mardoqueo da ilo'ogue 'enauac som logoxoshetpi co'ollaxa so Amán.