Ester 10:1 - La'aqtaqa Ñim Lo'onatac 'Enauacna 2013

¹ So nta'a Asuero, ỹauo'o co'ollaxa aso iỹaxanaique, da lsheetenaxanaqte so shiỹaxauapi maye netalec 'enauac so 'alhuapi maye ilotague' somaye, qataq aso ỹaqa'ata 'alhuapi aso auaxai.

Toba del Oeste

¹ Joñe'me jaliaĝanec Asuero yataqata ya'uo ca'li ga'me qoyiyaĝanaque yemeda naa'me 'nale'u, chayovida'alo gaa'me loiquiaqa'te.

Ester 10:1 Referans Kwoze

Isaías 24:15

Nataqa'en da nala' lliguisheguem qataq na 'alhuapi maye hueto'ot na loigue aso auaxai, ỹo'oxoren qome Ñim Nataxala' maye Natamnaxala' na Israel le'ecpi.

Salmos 72:10

Qataq na nta'alpi maye lma' ye Tarsis qataq nam netalec ana ỹaqauga 'alhuapiole, qataq na nta'alpi maye lma' ye Sabá qataq ye Sebá, ndotega qome camaye na lachetaqtaxanaxatpi.

Lucas 2:1

Co'ollaq nayeeta'a da ñiguiñi So Jesús, nache so lta'a na nta'alpi le'enaxat Augusto maye netaña ye Roma, damaxasoxoolec da qaỹo'ot ca naloqnaguec na shiỹaxauapi maye ilotague' somaye.

Daniel 11:18

Qaq ime qome, nache iloquiaxan cam huaqta'a't nỹecpi maye ỹotta'a't naua nañalo, maye hueto'ot na loigue aso auaxai, nache qalota qome ca loxonec que'eca nỹecpi, qalaxaye huo'o qome ca lataxala' ca alleppi cam ỹa'axaneguet qome de'era, nache ỹaneguet da la'agaxa que'eca nta'a maye lma' da sheu'.

Isaías 11:11

Qaq que'eca na'a'q Ñim Nataxala' qaltaq ỹachaxan qome da la'añaxac, nache ñe'eguelaxat cam lca'alaxaicpi nam lalamaxat nhuo' le'ecpi, maye hueta'a ye Asiria, Egipto, Patros, Etiopía, Elam, Sinar, Hamat, qataq ana ỹaqa'ata 'alhuapiolec aso auaxai.

Ester 8:9

Qaq nache sa qaỹaỹaloxon da qaiỹaxaneuga so leraxanaxanecpi so nta'a. Qaq damaye huetoigui so na'a'q veintitrés so ca'agoxoic tres, som le'enaxat Siván, nache 'enauac som damaxasoxoolecpi so Mardoqueo, qoỹiyiñi da yaqto' taỹa'a so judiopi, qataq so nta'alpi maye ilotague' so laỹepi 'alhuapi, qataq so laỹepi nataxala'pi maye hueta'a so ciento veintisiete 'alhuapi, chegoqchiguiña ye la India, nache ivitta'a ye Etiopía, qaq aso nerepi qalaq qoỹettaleguete naua maiche la'aqtaqa, qataq dam maiche leraxanaxac som shiỹaxauapi maye hueta'a nam 'alhuapi. Qaq nataqa'en qoỹerelec asomaye naua la'aqtaqa, qataq da maiche leraxanaxac so judiopi.

Ester 1:1

De'era na'aqtaxanaxac, damaye huetoigui so na'a'q co'ollaq so nta'a Asuero, ilotague' so ciento veintisiete 'alhuapi, chegoqchiguiña ye la India nache ivira'a ye Etiopía,

Génesis 10:5

Qaq 'eso som chegoxoguetpi so Jafet, maye nalec co'ollaxa so loigue aso auaxai, qaq somayepi ỹataqtac na maiche lauo' le'ecpi, llalaqpi, na'alhuapi, qataq naua maiche la'aqtaqa.