Ester 1:7 - La'aqtaqa Ñim Lo'onatac 'Enauacna 2013

⁷ Qaq so lataxa maye qanỹomtapigui, qalaq huetagui qanqa'en aso ỹomaxaquipi maye ndota't oro, qaq asomayepi ỹotta'a't da lataxac, qaq so qaimeeteguec lataxa ỹataqta qalota, qaipagaqchiichigui da 'eetec da lsoxoyec ca nta'a.

Toba del Oeste

⁷ Qoyanegue jaga'me jalcote lataĝa, qa'a joñe'me jaliaĝanec 'uo da'me lichoĝodenataĝanaĝac. Jogaa'me yomaĝaiqui' jo'ne uedañgui ga'me lataĝa yataqata onaĝayaqa, qa'a oro jogaa'me, chayovida'a uo'oe naa'me ledaqa'te jo'ne jaliaĝanec loqo'te.

Ester 1:7 Referans Kwoze

Ester 2:18

Ime nache so nta'a, ỹo'ot so lta'araic nquia'axac, qataq so na'ashaxac da yaqto' ỹo'oxoren aso Ester, nache icoyeguen 'enauac so nta'alpi, qataq ltauapi da lo'onataxanaxac, qataq nquigaxaañi ye lcata aso lsheetenaxanaqte so netalec so 'alhuapi maye ilotague', qataq ỹanec so qalota lachetaqtaxanaxatpi, ipagaqchiichigui da 'eetec da lsoxoyec ca nta'a.

2 Crónicas 9:20

Qataq nataqa'en aso ỹomaxaquipi maye lalamaqte so nta'a, 'enauac da oro, nataqa'en so nquia'axaquipi maye huetaigui so nma' lta'araic maye le'enaxat «Naviaq ye Líbano», nda'a't na oro, qaica ca chegaqaigui na lcat plata, cha'aye se'eso na'a'q maye huetaigui so Salomón, qaica ca naigui qanqa'en na plata.

1 Reyes 10:21

Qataq 'enauac aso ỹomaxaquipi maye lalamaqte so nta'a, ndotec oro, nataqa'en 'enauac so nquia'axaquipi se'eso lma' lta'araic maye le'enaxat da «Aviaq Líbano.» Qaq saishet da ỹalectauo na lcat plata, cha'aye se'eso vi'i co'ollaq nta'a so Salomón, nache na lcat plata qaica qanqa'en ca lashiichiỹaxac,

Mateo 4:24

Nache da na'aqtaguec So Jesús ỹataqta 'enauac ye 'alhua Siria da qaỹaỹaten. Nache qanda'a Somaye som shiỹaxauapi maye ỹotta'a't na lalolaxa, qataq som huo'o na netaigui saqcha'a na'añaxac leguemaxaic, copchaxaicpi, qataq na sa da'añiigue. Nache 'enauac nataren So Jesús.

Ester 1:8

Qalaxaye so nta'a ỹanem co'ollaxa so la'aqtac som lataxala'pi som namaxashecpi maye hueta'a so nma' lta'araic, da qaica ca qaỹamaqtalec da nỹomigui so lataxa, nacherata da ñi 'oonolec so maxasoxoicpi maicheye cam iỹaxaneua'a da nỹomgui.