Ester 1:6 - La'aqtaqa Ñim Lo'onatac 'Enauacna 2013

⁶ Qaq so qasoxoc, qalaq huo'o so ỹataqta no'on llo'oxoraxatpi hualoxolaỹipi maye lapagaxaic qataq malaxaraic da lo'oxoỹaxac, qaq somayepi huo'o so lquetpi chegaqaigui so lino maye naueralec da lo'oxoỹaxac, qaq somaye tachiviiguilo qanqa'en soua lauaco maye chegaqaigui so lcat plata, qataq nache ncoñettaua'alo soua nhuoqtel maye chegaqaigui so coma' mármol. Nataqa'en qaỹauo'o aso no'on so'onaxaquipi maye nda'a't oro, qataq so lcat plata, qataq so napiaxala' maye lo'oxonaxat so no'on coma' maye le'enaxat nácar, qataq so mármol maye lapagaxaic qataq so lairaxaic.

Toba del Oeste

⁶ Jogaa'me jotenaĝal lat'edael jo'ne mármol qoyanayelo ga'me netaĝanaĝat jo'ne pagaĝaic nataq'aen malaĝadaic, 'uo joga'me netaĝatañe jo'ne 'loyaĝac da'me pit'aladic, lale'gue ga'me oro li'i ca'li, qoyauo'oe gaa'me je'onaĝaiqui' jo'ne 'loyaĝa'j da'me oro nataq'aen plata, joga'me napiaĝala' qamqa'me mármol pagaĝaic, lae da'me ledaĝaic, ga'me li'yoĝodaĝa't qoyauo'oe jo'ne qadi onaĝayaqa.

Ester 1:6 Referans Kwoze

Amós 6:4

Qataq qaro'ochaxala'ai na mala' maye chegaqaigui na marfil, qataq qaua'aqaitalec nam ỹataqta no'on na'axasoxola', qataq qauo'ocheetac na nquia'axac, qolliquiitac na ỹataqta chaxaraic lapat na qagueta qataq na huaca llalec,

Ezequiel 23:41

ime nache nso'oorelec so ỹataqta 'onaxaic mala', maye saqaỹapeque so nquia'axala' maye mashe lhuotta so huetalec nallec, qataq ỹaaralec somaye so nchenaxanaxat maye ama na laita, qataq so aceite maye ỹalamaqa'ate.

Amós 2:8

Qataq nca'aatrapeguelec nam choche npatanec nogoxotpi, da hueta'a ca sa qaỹapeque aca camachaqaca ana nca'atoxonaxalatepi, qataq desheenaxana na lataxa ỹauota'a ana anom ncachaqte, nam nỹomtapigui da hueta'a anam atamnaxaqui maye lalamaqte nam natamnaxala'pi.

Ester 7:8

Qaq so nta'a co'ollaq ñe'eguelaxauo chegaqauga so nanaxanaqa', nache taua'a so huaña so nquia'axac, nache co'ollaq ila'a da so Amán ỹa'atto'oto naua l-llecte aso Ester, nache ỹa'alaxalec, 'eeta': ¿Peta'a 'auauotaique nataqa'en da 'avi'in ana nate'e, da sauaachigui 'anqa'en da huaña na ima'? Qaq co'ollaq nasaxauec de'era la'aqtac so nta'a, nache qaỹapolec na lashec so Amán.

Ester 8:15

Qaq so Mardoqueo pa'auec co'ollaxa chegoqtoigui so lma' lta'araic so nta'a, ỹaatañi aso lapoto da nta'a, maye malaxarai qataq lapagaxai da lo'oxoỹaxac, qataq aso late'erai naro'o maye oro, qataq so lapo' maye chegaqaigui so lino, qataq so togaxaraic da lo'oxoỹaxac. Nache 'enauac so shiỹaxauapi maye hueta'a so huaqta'a't nỹecpi ye Susa, ỹataqta ỹa'alaqtagui souaxat da ntonaxac,

Éxodo 26:1

«Qataq 'auo'ot qome ca npe'l, qaq camaye 'auo'o't caua diez lapoxonqa'ate, 'auauota'a ca hualoq laỹe maye chegaqaigui na ỹoqta no'on lino, qataq ca hualoq laỹe malaxaraic da lo'oxoỹaxac, qataq ca hualoq laỹe togaxaraic, qataq 'auo'o't caua ne'enaqtaqa shiỹaxau' maye huo'oi naua laua't qantetrañi da llo'oxoraxat camaye.

1 Samuel 28:23

Qaq so Saúl sanashen co'ollaxa da deque'e, qalaxaye so lataxala'pi so nalleppi qataq aso 'alo dequicto'ot somaye. Huaña nache ishet da ỹasat da deque'e, nache ñisheguem nso'oolec so mala'.

Amós 3:12

Qaq da la'aqtac Ñim Nataxala', 'eeta': «'Eeta'am ca qagueta lo'o da nhuo' ca llon da deuotaxaneque caua dos lapia'ate, huo'otaq caua ltela lsheeneqa aca qagueta, qaq nache 'eetec qome da qoỹet nam Israel le'ecpi maye netaña na Samaria, nam hua'aqtalec naxa nam na'axasoxola'pi maye ỹataqta no'on maye chegaqa'a ye Damasco.»