Ester 1:4 - La'aqtaqa Ñim Lo'onatac 'Enauacna 2013

⁴ da yaqto' ỹachaxana da nsallaxa qataq da la'amaqchec da lo'onataxanaxac, qataq dam qaica ca 'ena'am llo'oxoyec da la'añaxac. Qaq se'eso nquia'axac qataq so na'ashaxac ivira'a so laiñi so 'oonolec vi'i,

Toba del Oeste

⁴ Nalo'taguet da'me seis gaa'me auoĝoyaqa da'me yaloĝo'tape joga'me leuoyaĝac jo'ne yauana ca'li; yaloĝon da'me eja yataqata p'ajaye joga'me 'uo da'me lichic, chayovida'a da'me lañoqotaĝanaĝac ga'me lejaliaĝa.

Ester 1:4 Referans Kwoze

Da na'aqtaguec so Job 40:10

Qaq da nache 'eetec de'era, nache 'aỹa'aañi qone' da 'ayo'oxoyec qataq da 'ara'amaqchec, nache 'anapogoña da 'ara'amaqchec qataq da 'aryacỹaxac.

Apocalipsis 4:11

«'Am Qarataxala' maye 'Aro'onatac 'Enauacna; 'am maye 'aiguet da 'am qaỹo'oxoren, qataq da 'am qaiỹaxana qalaq huo'o da 'ayo'oxoyec, qataq ỹo'ot da na'aalaxa da 'ara'añaxac. Cha'aye 'am 'aro'onatac 'enauac nam huo'o; qaq qana'achec cha'aye maiche 'am chegoqchigui namayepi.»

Colosenses 1:27

Qaq Ñimaye maiche lhuennataxac da ỹaỹaanaxanaxanec de'era 'eetapeguec maye lta'araic qataq huo'o da llo'oxoyec 'enauac na ỹotta'a't shiỹaxauapi ana 'alhua. Qaq damaye 'eeta': Ñim Lo'onatac 'Enauacna naỹa naqa'en ana 'alhua So Cristo da yaqto' qami' hueta'agueta, qataq Somaye ỹataqta 'eesa naqa'en da qanhuañiỹaua'a da la'añaxac qataq da llo'oxoyec Ñim Lo'onatac 'Enauacna.

Efesios 1:18

Qataq seỹaxaatacot Ñim Lo'onatac 'Enauacna, da yaqto' qami' ỹaỹaanaxanaxaateque de'era lta'araic naigui da nca'alaxa maye ỹami' nam lalamaxatpi. Yaqto' nataqa'en ỹataqta qauaỹaañita cam qanaquitaxaqui maye huo'omshe qami' iỹaxanalo Ñimaye.

Romanos 9:23

Qataq nataqa'en ỹachaxan da lta'araic lsoxoyec qataq la'añaxac da qomi' nca'alaxatre'c. Cha'aye nache 'eetai' co'ollaxa da lchoxonnataxanaxa da shenaqta qataq qomi' lca'agui'she da yaqto' souaqta'aguet Ñimaye.

Mateo 6:13

Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai. Qataq qomi' 'anca'alaxateeguesopa da la'añaxac so pa'aguenataxanaxaic.» [Cha'aye 'aralamaxat da no'onataxanaxac qataq da na'añaxac qataq da ño'oxoyec maye qaica ca loga't. Aja', nache 'eetec.]

Mateo 4:8

Qaq pa'atec nache so pa'aguenataxanaxaic ỹauega So Jesús aso qaỹoqotcheguemec 'alhua. Nache hualec asomaye da imeenaxanaxanec na 'alhuapi maye hueta'a na sallaxanecpi qataq 'añaxaicpi.

Daniel 5:18

«Ñim Lo'onatac 'Enauacna maye nataỹaña 'enauacna, ỹanem co'ollaxa da la'amaqchec, llo'oxoyec qataq da 'enec, so nta'a Nabucodonosor, som 'arta'a.

Daniel 4:36

Qaq nache huetoigui se'eso na'a'q da ñetouen, nache aỹem qaỹe'eguelaxatot da ỹa'amaqchec, qataq ỹo'oxoyec, qataq da llo'oxoyec da ỹo'onataxanaxac. Qaq som ỹa'aqtaxanaxanecpi qataq so 'amaqtaqaicpi itauapi anac da aỹem ñe'eguena'a, ime nache qaltaq she'eguelaxa da ỹo'onataxanaxac da selo'ogue na ỹalamaxat nhuo', qaq huaña nache sevira'a da ỹactec da ỹa'añaxac napacalec som hua'auchiguiñi co'ollaxa ỹa'añaxac.

Daniel 4:30

nache 'enapeco': «¡Ña qauoloỹa na Babilonia da ỹataqta lta'araic! Aỹem so'ogoxona da lta'araic ỹa'añaxac co'ollaq ño'oxoosheguem da yaqto' hueta'a da llo'oxoyec da ỹo'onataxanaxac, qataq da ỹachaxan da ỹa'amaqchec.»

Ezequiel 28:5

Qaq cha'aye sa 'anqalaate' da llec da 'anmenaxac, nache 'anquigaxattasheguem da 'arsallaxa, qaq de'era 'arsallaxa nachera da ỹo'ot da 'ana'amqaanaxac.

Isaías 39:2

Nache co'ollaq ivildeuo soomaye nache so Ezequías ỹataqta ỹa'amaqchiguiñi nache ỹachaxanalo soomaye so laỹamaqtaxanaxaqui maye huetaigui na lcat plata, oro qataq na no'on coraxatpi qataq na ỹataqta no'on aceite qataq som laỹe' na lo'ogoxonaxatpi qataq 'enauac nam huo'o maye huetaigui som laỹamaqtaxanaxaquipi. Nache qaica ca sa ỹachaxan nam huetaiguipi so lma' lta'araic, qataq 'enauac na lo'onataxanaxacpi somaye.

Salmos 145:5

Qataq ỹa'axattac qome da llo'oxoyec da 'ara'amaqchec, aỹem qalaq sa'axattac qome da llo'oxoyec nam 'auo'otpi co'ollaxa.

Salmos 93:1

¡Ñim Nataxala' nacheñi ñi nta'a! ¡Ñimaye ỹachaxan da la'amaqchec qataq da qalota la'añaxac! Qataq ỹa'ayiñi ana 'alhua da yaqto' sa deraỹai'.

Salmos 45:3

¡Ñaq 'auo'ogoxona da 'ara'amaqchec qataq da 'ayo'oxoyec, da 'ana'achigui ca 'ainec 'am 'añaxaic! ¡Cha'aye nachera da ỹo'ot da 'ayo'oxoyec!

Salmos 21:5

Chegoqchigui da 'artaunaxanaxac, da ỹataqta lta'araic da la'añaxac, nache 'aỹa'anem da llo'oxoyec qataq huo'o naq 'enec.

1 Crónicas 29:25

Qaq Ñim Nataxala' ỹanem da ỹataqta lta'araic da la'amaqchec so Salomón, da ỹalectaigui so Israel le'ecpi qataq ỹanem da ỹataqta lta'araic da llo'oxoyec da lo'onataxanaxac, nache qaica ca 'eeta'am som hua'au co'ollaxa nta'alpi ye Israel.

Ester 1:3

Qaq co'ollaq mashe ivi' soua tres vi'iye da lo'onataxanaxac, nache so nta'a Asuero ỹo'ot so nquia'axac, qataq so na'ashaxac, da yaqto' ỹauo'o da llo'oxoyec 'enauac so lo'onataxanaxanecpi, qataq so ltauapi da lo'onataxanaxac da nta'a, qataq so lataxala'pi so alleppi ye Persia qataq ye Medio, qataq so nta'alpi, qataq so nataxala'pi yi'iye 'alhuapi,

Ester 1:5

qaq co'ollaq ime somaye, nache so nta'a qaltaq ỹo'ot so lỹa nquia'axac qataq so na'ashaxac, nache ivi' siete na'axa'te soua huaiguilo, huaña naqa'en so nanaxanaqa' maye huaqta'ai' so lma' lta'araic. Qaq 'enauac so lma' so huaqta'a't nỹecpi ye Susa, som 'amaqtaqaicpi qataq 'enauac som saqallegueme da la'amaqchec, 'enauac da qaicoyeguen co'ollaxa.