Ester 1:20 - La'aqtaqa Ñim Lo'onatac 'Enauacna 2013

²⁰ Qaq que'eca lataxac maye qalapaxañi, qalaq iuen da imauec na 'alhuapi maye 'aulotague' da ỹaỹaten 'am nta'a, yaqto' 'enauac na 'alpi da huo'o naq 'enec naqa'en na lhuapi, maicheye cam lataxac, choxoraq huo'otaq sallaxanec.

Toba del Oeste

²⁰ Ga'me ua'a qom qonoma'a joga'me adamajoĝonaĝac jena'me jenjo' adejaliaĝaiqui let'adaic, yemeda jogaa'me yauodipi yataqata uate'calo naa'me loua', uotaĝa te'me qaya'te yauata, chayovida'alo gaa'me neuoyaĝadi'.»

Ester 1:20 Referans Kwoze

Colosenses 3:18

Qaq qami' 'alpi maye mashe qauaroñi, ỹataqta qaualaqaiguet ca qarhuai, cha'aye nachera da lataxac acam ỹa'amaqteetac So Qarataxala'.

Efesios 5:33

Qaq ỹoqo'oye ñi 'oonolec da qoñiita ỹataqta ỹauotec aca lhua, 'eeta'am da lauotaxanaqtaic da maiche nachaalataxac. Qaq aca 'alo ỹataqta huo'o naq 'enec naqa'en ca lhua.

Efesios 5:22

Aca 'alo mashe huaron, ỹataqta ỹalaxaguet ca lhua, ỹe'enaxatchigui naqa'en da ỹalaxaguet So Cristo.

Deuteronómio 21:21

Nache 'enauac qome ca shiỹaxauapi maye netaña que'eca huaqta'a't nỹecpi, nache ỹalauat qome camaye ira'a ca coma' da ỹasaq. Qaq 'era da 'eetec qome da imeuo qanqa'eñi que'eca qauem maye qami' huetanguilo, yaqto' 'enauac na Israel le'ecpi da ỹaỹaten de'era, nache huo'o qome da lcolanaxa.

Deuteronómio 17:13

Yaqto' da ỹaỹaten de'era na nhuo' le'ecpi, nache huo'o da lcolanaxa qataq saishet da na'amaqten.»

Ester 1:21

Qaq de'era lhuennataxac so Memucán, ỹaỹamaxareeta so nta'a, qataq so na'atta'a't ltauapi, nache so nta'a ỹacoolec da ỹo'ot.

Ester 2:1

Qaq co'ollaq mashe huo'oi soua inoxoorec na'axa'te, co'ollaq so nta'a Asuero mashe imeuec da lalemataic, nache tachigui lauel aso Vasti, qataq dam ỹo'ot asomaye, qataq som qalapaxañi lataxac maye qaỹa'axatec da dataỹa'aguet asomaye.