Ester 1:19 - La'aqtaqa Ñim Lo'onatac 'Enauacna 2013

¹⁹ Qaq ỹoqo'oye 'am nta'a, da ỹaỹamaqchiguiñi 'anqa'en da 'aỹa'an ca 'ara'aqtac, da qalapaxañi ca lataxac da yaqto' qaỹalecnoigui na nqataxacpi maye lalamaxat na Persia qataq na Media da yaqto' saishet da qanlaxaañi: Da aso nate'e Vasti saishet qome da qaltaq ỹe'eguelaxa da 'am nachaateua'a. Qataq da lo'onataxanaxac da nate'e qanqat qome, nache qoỹanem aca lỹa 'alo maye taiguet damaye.

Toba del Oeste

¹⁹ Chane'eja, qom naq'aeta da'me adelnataĝac, paja'a auamaĝalegue jañe'me Vasti qaedi male ja yitaĝa jaliaĝana qama'le ja yitaĝa ta'le am ue'tajop. Jenjo' at'aqatac, 'noota ta'le yataqata t'añañi q'aen, qama'le qoyediñe qaedi qoyayaten yema jena'me jenjo' Persia nataq'aen di'me Media. Yem qama'le auelaque jaga'me jaliaĝana dalaĝae jo'ne yataqata 'noota nataq'aen joĝodae, ja ena'am jaga'me Vasti.

Ester 1:19 Referans Kwoze

Ester 8:8

Qaq nagui qami' samaxaleguete da qauauo'oi ca qa'iyiiñi qara'aqtaqui nache nanettalec qanqa'eñi da ỹe'enaxat, cam ỹataqta ỹaỹamaqchiguiñi qanqa'eñi da taalec na judiopi. ¡Nache aca'aca nere, qautoqñiilec aca ỹa'anaxanaqte! Qaq aca nere da huetalec da le'enaxat ca nta'a, qataq da qaitoqootalec aca la'anaxanaqte, nache acamaye saishet da qanlaxaañi.

1 Samuel 15:28

Nache so Samuel 'enapego' so Saúl, 'eeta': De'era qonetec nagui, nachera da 'eetec Ñim Nataxala' da ncolaxatauec nagui da 'aro'onataxanaxac da 'am lta'a na Israel le'ecpi. Qaq de'era 'aro'onataxanaxac nqat, da yaqto' ỹanem ca 'oonolec na maiche 'arhuo' le'ecpi, cam ỹataqta 'onaxaic da lataxac, saq 'ena'am da qoneta.

Ester 8:5

nache, 'eeta': 'Am nta'a, da 'auaỹamaxareeta qataq da ỹaỹamaqchiguiñi 'anqa'en da iquiquiaxac, qataq da ỹataqta 'eesa 'am nta'a da aỹem 'auauotec, qataq aỹem 'anqopita, nache no'on qome da qoỹiyiñi ca namaxasoxonaxac da qanlaxaañi aso nereguishepi maye ỹamaq co'ollaxa so Amán, asom huetalec da qanmatchiguiñi na judiopi maye netalec nam 'alhuapi maye 'aulotague'.

Daniel 6:17

Qaq so Daniel co'ollaq mashe huetangui aso nshere, nache qandouo so coma', nache qaỹapogongui so alap aso nshere, nache so nta'a itoqoolec somaye aso la'anaxanaqte, qataq aso la'anaxanaqte som 'amaqtaqaicpi ltauapi dam lo'onataxanaxac, yaqto' nataqa'en dam huaigui so Daniel, ipacchigui qanqa'en so mashe lapaqtañi nqataxac.

Ester 3:9

Qaq ỹoqo'oye 'am nta'a, da 'auaỹamaxareeta de'era, nache iuen da 'aua'axatec cam 'alapaxañi lataxac da 'auamaxasoxoolec da nmichiguiñi qanqa'en da qaỹalauat namayepi, qaq aỹem sanem qome na 'aramaxashecpi aca trecientos treinta mil kilos na lcat plata, da yaqto' ỹaneua'a añi laỹe' ana 'om 'am nta'a.

1 Reyes 3:28

Qaq 'enauac so Israel le'ecpi co'ollaq ỹaỹaten de'era 'eetec so nta'a, da ỹaỹamaxaañi de'era cotaxac, nache huo'o naq 'enec naqa'en se'eso nta'a, cha'aye ila'a da Ñim Lo'onatac 'Enauacna ỹanem da laỹaanec somaye da yaqto' ỹo'ot da nalochiguiñi lataxac.

Ester 1:21

Qaq de'era lhuennataxac so Memucán, ỹaỹamaxareeta so nta'a, qataq so na'atta'a't ltauapi, nache so nta'a ỹacoolec da ỹo'ot.

Ester 1:18

Qaq anam lhuapi na nataxala'pi na Persia qataq na Media, qom ỹaỹaten de'era ỹo'ot aso nate'e, qaq nachena na na'a'q nache ncotaỹapegue' na lhuapi, qaq damaye ỹo'ot qome ca no'otanaxanaxac, qataq ca nalemataic.

Ester 2:1

Qaq co'ollaq mashe huo'oi soua inoxoorec na'axa'te, co'ollaq so nta'a Asuero mashe imeuec da lalemataic, nache tachigui lauel aso Vasti, qataq dam ỹo'ot asomaye, qataq som qalapaxañi lataxac maye qaỹa'axatec da dataỹa'aguet asomaye.