Ester 1:12 - La'aqtaqa Ñim Lo'onatac 'Enauacna 2013

¹² Qalaxaye aso nate'e saishet co'ollaxa da ỹalaxaguet da la'aqtac so nta'a, maye ỹanema soua shiỹaxau' maye ỹataqta lpe'e'te. Nache so nta'a ỹataqta dalemata qataq ỹataqta nlaxagui da lalemataic,

Toba del Oeste

¹² Qalaĝaja ca'li qo'yaĝatem da'me 'laqatac ñe'me jaliaĝanec, jañe'me jaliaĝana ja yoqo'cha. Qama'le ca'li noma'a jenjo', ñe'me jaliaĝanec yataqata dalemata.

Ester 1:12 Referans Kwoze

Proverbios 19:12

Da lalemataic ca nta'a 'eeta'am ca quiyoc da desoqo, qaq da lqouagaxanaqtaic 'eeta'am na 'aỹa da talec na 'auaqpi.

1 Pedro 3:1

Qami' 'alpi maye mashe qauaroñi, añi 'oonole da qoñiita iuen da ỹalaxaguet ca lhua. Cha'aye da nache qoñiitec de'era, nache camayepi da saishet da ỹa'amaqten da na'aqtaxanaxac maye nachera dam no'on na'axaỹaxac, qalaxaye ila'a dam lataxac añi 'oonole da qoñiita, nache nachera dam ishet da da'amqaanataxan naqa'en. Saishet da iuen da qautaqaitecot,

Efesios 5:24

Qaq ỹoqo'oye aca 'alo ỹataqta ỹalaxaguet ca lhua, qaq nache 'eeta'am na 'amqaanataxanaxaicpi da ỹataqta ỹalaxaguet So Cristo.

Efesios 5:22

Aca 'alo mashe huaron, ỹataqta ỹalaxaguet ca lhua, ỹe'enaxatchigui naqa'en da ỹalaxaguet So Cristo.

Nahúm 1:6

Qaq ¿negue'tom cam ishet da nachaateguet da layeloxo Ñimaye? Qataq ¿negue'tom cam ishet da nalota'aguet da layeloxo? Qaq de'era layeloxo Ñimaye 'eeta'am ca norec, qataq da choche nlectelec aca coma' late'erai nache acamaye dolagui.

Daniel 3:13

Nache so Nabucodonosor ỹataqta dalemata, nache damaxasoxoneugalo da qanauegueua'a somaye, so Sadrac, Mesac, qataq so Abednego. Qaq co'ollaq ivildeuo soomaye

Daniel 2:12

Qaq so nta'a, co'ollaq hua'axaỹa de'era, nache ỹataqta dalemata, nache damaxasoxoolec da qaỹalauat 'enauac so ỹaanaxanaxaicpi ye Babilonia.

Proverbios 20:2

Ca nta'a da denotac qalaq 'eeta'am ca quiyoc da desoqtac, qaq ca inogoqchet camaye, nache huetalec da lchec da nachaalataxac.

Salmos 79:5

'Am Nataxala', ¿chaq laguio' da vi'iiguet da 'aralemataic? ¿peta'a chochaq tatec da 'ettaigui da 'arayeloxo da 'eeta'am ca norec?

Salmos 74:1

'Am Ñatamnaxala', ¿ta'ainco' da qomi' 'auala't? ¿ta'ainco' da ỹataqta 'eroigui da 'aralemataic, da 'aualemataỹa ana qaguetapi maye maiche 'arhuateguishe?

Deuteronómio 29:20

Qaq Ñim Nataxala' saishet qome da ỹapalaxat cam lasouaxashet que'eca shiỹaxaua, cha'aye Ñim Nataxala' ca'alaxanaxaic, nache 'eroigui qome da layeloxo nache talec naqa'en que'eca shiỹaxaua 'enauac ne'ena nhuaxanaguecpi cam shiỹaxaua maye nanettalec ana'ana nere, nache Ñim Nataxala' pal naqa'en ca le'enaxat camaye da huetalec ana 'alhua.

Éxodo 32:22

Nache so Aarón 'enapeco': «'Am ỹataxala', saishet qome da aỹem 'aualemataỹa. Qataq 'auaỹaten mque' da ne'ena shiỹaxauapi nqopita da ỹo'ot na sa ỹaỹamaxañi.

Éxodo 32:19

Qaq co'ollaq sa qaỹapeque so mataqa' maye qanayeuta'a, nache so Moisés ila'a co'ollaxa so ne'enaqtac huaca llalec, qataq so dasottacpi, nache somaye ỹataqta 'eroigui da lalemataic, nache nhuaxaayiñi soua nasoqta'alo coma'ye, ỹataqta dolachiguilo naqa'en huaña so loigue añi qasoxonaxa.

Génesis 3:16

Qataq 'enapega aso 'alo, 'eeta': «Ñequigaxatec qome da 'anque'eenaxac qom ivita da huo'o ca 'aỹa'alec, qataq ỹataqta huo'o da 'anqui'ic qom 'auco'o. Qalaxaye imalec qome da 'arauoche da 'arhua, qaq damaye 'am ilo'ogue qome.»

Daniel 3:19

Qaq so Nabucodonosor co'ollaq hua'axaỹa de'era la'aqta'c soomaye, nache ỹataqta ntoguec na lashec souaxat da lauel da ỹalleto'oto soua tres nsoxorolqa. Huaña nache damaxasoxoolec da siete da qaỹe'eguelaxalec da qaỹalonoigui aso nqatelaxanaxaqui, napacalec ye lcata naxa da qaỹalonoigui asomaye,

Ester 1:11

da yaqto' ỹe'eguenauga da ỹauegueua'a somaye aso nate'e Vasti, qataq da ỹaatañi naqa'en aso naro'o aca nate'e, yaqto' so nhuo' le'ecpi, qataq so 'amaqtaqaicpi ỹalleppi, ishet da ỹa'aalac da lyac aso nate'e, cha'aye asomaye 'eesa da 'onaxai.

Ester 1:13

nache nnate' som shiỹaxauapi maye ỹaỹaten so nqataxacpi, cha'aye maiche lataxac naxa so nta'a da huo'o ca ỹo'ot, qalaq iuen da nnate' som ỹaỹaten na nqataxacpi, qataq dam nalochiguiñi lataxac.

Ester 7:7

Nache so Asuero ñisheguem, ỹataqta nlaqchigui da lalemataic, nache ca'ai so huaña so nquia'axac, nache tauga so nanaxanaqa' se'eso nma' lta'araic. Qalaxaye so Amán, co'ollaq ỹauatton da so nta'a mashe lhuennataxac da ỹaneguet da nleuaxa somaye, nache somaye no'onañi da yaqto' nachoxonnot aso Ester da nca'alaxatec somaye.