Esdras 9:8 - La'aqtaqa Ñim Lo'onatac 'Enauacna 2013

⁸ Qalaxaye nagui 'am, Nataxala' maye Qanatamnaxala', de'era 'arauotaxanaqtaic da shenaqta nache chegoqchigui da huo'o na ishet da qaisoueeguesop da nlataguec, nache qomi' qoỹanema da ñanaguenaq da ỹoltaq sonaqalec ne'ena 'alhua maye qui'itta maye qomi' 'aỹa'anema. Qataq qomi' 'anema da dalaxaic qanaquitaxac qataq qomi' 'auo'oteque da ñe'eguelaxasheguem de'era qantonaxac.

Toba del Oeste

⁸ »Qalaĝaja nayi, ja cop'a da'me male qo'mi avichoĝode'n, da'me am Jaliaĝanec mach'e Qanedios, qa'a qo'mi auaje'tema da'me male qo'mi uojochidiñe qama'le aue'n qo'mi machidiñe da'me yitaĝa jonaqa'ña jena'me jenjo' aleua jo'ne joote qo'mi auanema joca'li. Yataqata qo'mi made'tape nayi, qa'a yitaĝa qo'mi a'uañaqate't nataq'aen auadalaĝat da'me qadamaic, mate mane'e da'me maliaĝa jouaqataue da'me qanelataguec.

Esdras 9:8 Referans Kwoze

Salmos 13:3

'Am Nataxala' maye 'Am Ñatamnaxala', ñaq aỹem 'anamataña, aỹem 'auasateguet qataq nauaachiyiñi 'anqa'en naua ỹa'ai'te. Yaqto' saishet da so'ochiỹaigui da nleuaxa.

Oseas 6:2

Nache sa qaỹaloq qome da qomi' no'oite' naqa'en, qataq sa qaỹaloq qome da qomi' nauaxaỹaxaayeshegue'm da yaqto' ñachaataqto'ot Ñimaye.

Habacuc 3:2

«'Am Nataxala', co'ollaq sa'axaỹa da 'ara'aqtac, nache ỹataqta lta'araic da icolanaxa. Ñaq 'auo'ot ne'enaua na'axa'te maye souaqtaiguilo, nam lta'araicpi maye 'auo'ot co'ollaxa soua hua'au' vi'iye. Qaq da nvi' da 'aralemataic, nache 'auennata'a qome da 'archoxonnataxanaxa.

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Salmos 85:6

Qataq ¿saishet peta'a da qomi' 'avi'eguelaxatema qome da qanachaalataxac, da yaqto' na 'aralamaxatpi nhuo' le'ecpi 'am ntootapeguec?

Apocalipsis 3:12

Qaq cam saishet da iqallem na lqalaiguesat, qataq saishet da ỹaxanec da lpi'iỹaxac Aỹem, nache Aỹem sami' ca ndaqa' maye ỹataqta ỹo'oxoraq añi lo'onaxanaxaqui Ñim Lo'onatac 'Enauacna, qataq saishet da ca'ai añimaye. Qaq camayepi serelec da le'enaxat Ñim Ita'a maye Lo'onatac 'Enauacna qataq ca le'enaxat ye nỹecpi maye neta'ague da piguem. Qaq yemaye nacheye yem dalaxaic Jerusalén maye anacta. Nataqa'en serelec camayepi ca dalaxaic ỹe'enaxat.

Romanos 9:27

Nataqa'en so na'aqtaxanaxanec Isaías co'ollaq detaxaỹa na Israel le'ecpi qalaq 'eeta': «Na'aictaxa da ỹataqta qalota na Israel le'ecpi da 'eeta'am na lsoche na delec maye hueto'ot na loigue aso auaxai, qalaxaye saq 'amaqtaq cam qanca'alaxatec.

Zacarías 10:4

Qaq namayepi nachena qome na chegaqaigui ca 'eeta'am ca coma' maye na'attalec ca nỹec, qataq ca 'eeta'am ana lashe ca npe'l, qataq ca 'eeta'am ca checnec maye alaataxaqui. Qataq nache chegaqaigui qome 'enauac cam nataxala'pi.

Zacarías 8:12

Qaq qom danaxan namayepi qalaq huo'o da l-lagaxayec. Qataq ana lañiguishe uva huo'o qome ana ala, qataq na na'alhua no'on naqa'en 'enauac nam nañiguishecpi, qataq na piguem chegaqasheguema qome na 'aỹa. Qaq Aỹem so'otec qome da yaqto' hueto'ot 'enauac de'era, nam no'onañipi ne'ena nhuo' le'ecpi.

Zacarías 8:6

Qaq que'eca na'a'q, nache 'enauac de'era, da 'eco' huo'o naqa'en da lqalaic ca no'onañipi ne'ena nhuo' le'ecpi, qalaxaye Aỹem qaica ñaqa'en ca lqalaic damaye. Qaq 'era da ỹa'aqtac Aỹem Nataxala' maye Qaica ca Saqalanapec:

Ezequiel 14:22

Qaq saq 'amaqtache qome caua no'oirañi da nca'altraue'c, nache ishet da quera'ai que'eca 'alhua lỹatec ca llalaqpi ỹalleppi qataq aca llalpi 'alpi. Qaq caamaye da ivita ca qoviita'a, nache qami' qauloỹa'a da 'eetec da lataxa'c, qataq nam ỹo'otpi nache qami' huo'o qome da qaramaicỹaxaqui, cha'aye qauaỹachiñi da huo'omshe ñamaxa da nhuaxanaguec ye Jerusalén.

Jeremías 44:14

Nache nam saq 'amaqtaq maye no'onañi na Judá, maye taỹa da naña ye Egipto, qaica qome ca ishet da naneltaxan, huo'otaq da nca'altauec. Qaq na'aictaxa da huotaique da ỹe'eguelaxa ye Judá da yaqto' naña yemaye, qalaq saishet qome da ỹañoxot. Nachaqcauate' caua sa 'amaqtache maye ishet da naneltaxa'n.»

Jeremías 42:2

na'aqtaxanaxanec Jeremías nache 'enapega, 'eeta': Qomi' sauoqtaique da 'am seỹaxanaqot, qalaq no'on qome da saishet da qomi' 'anhualoxonapeguema. Ñaq 'anachoxonnot Ñim Nataxala' maye 'Anatamnaxala' da qomi' 'auỹaxaaleguete, qomi' maye saq qomi' lamai' da ño'onqañi. Co'ollaxa maye qomi' qalotoiguilo, qalaxaye nagui qalaq qomi' salamai' da ño'onqañi, qaq mashe qomi' 'aumeteeta'ape nagui.

Isaías 56:5

nache sanem qome da ỹactec da no'on qaq saq 'ena'am da huo'o ca ñalec qataq aca ñale, qataq namayepi sanem qome da nache 'eetai' da nanettañi na le'enaxatpi na pa'auo aca ỹalamaqte atamnaxaqui qataq nam ipaqtaxanaxatpi, nache sanem qome ca ne'enaxat maye chochaq tatec qataq saishet da qaỹapalaxat.

Isaías 1:9

Ñim Nataxala' maye Qaica ca Ỹaqalanapec, taxa da qaica ca no'onaxatañi da nca'altauec da shenaqta, qaq nagui taxa nache shenaqta'ama soua Sodoma qataq Gomorra.

Eclesiastés 12:11

Naua la'aqtaqa nam ỹaanaxanaxaicpi qalaq 'eeta'am aca le aca na'araxanaqte, qaq da mashe ime da qalaỹona't, nache 'eeta'am aca lashe ca npe'l maye iuaxaañi cam qagueta lo'o.

Salmos 138:7

Naxa da huo'o da ỹachetataic qalaq aỹem nca'alaxattauec, na 'arhuaq qalaq npaxateguet da layeloxo na ñepa'aguenaxauapi, na 'arhuaq 'oiguishec aỹem nca'alaxatec.

Salmos 34:5

Na ỹamato'ot Ñimaye nache ỹataqta nlaqchigui da ntonaxac, qataq saishet da hueto'ot ca na'aloxonaxac.

Da na'aqtaguec so Job 33:30

da yaqto' nca'alaxateeguesop da nleuaxa, qataq queta da ilotaigui naqa'en na yo'oqchiguiñi.

Nehemías 9:31

Qalaxaye souaxat da lta'araic 'arauotaxanaqtaic, nache saishet da 'aulaxachigui somayepi, qataq saishet da 'aualat, cha'aye 'am maye Atamnaxala', ỹataqta 'am huotaxanaqtaqaic qataq 'am choxonnataxanaxaic.

Nehemías 1:11

'Am Nataxala', 'am ñachoxonnot da ñaq 'auqoche'eguet de'era ñatamnaxac, qataq da nachoxonnaxac ne'ena 'aramaxashecpi, cha'aye huo'o da lyaxa da 'am ỹo'oxoren. Qataq 'am seỹaxanot da yaqto' ne'ena 'aramaxashec ỹañoxot ca 'eetapeguec, qataq ivira'a da ñim nta'a ishet da aỹem ilo'oguet qataq aỹem ỹanem ca lqouagaxanaqtaic.» Qaq se'eso na'a'q qalaq nache aỹem da nỹomaxaqui lo'o se'eso nta'a Artajerjes.

Esdras 9:9

Qaq na'aictaxa da qomi' nlataqa, qalaxaye saishet da qomi' 'auala't, qaq de'era 'arauotaxanaqtaic da shenaqta ỹataqta lta'araic ỹoqo'oye 'auo'otec da ye nta'alpi ye Persia, qomi' ỹanema da ñe'eguelaxasoq da ño'oxonaxasheguem añi atamnaxaqui maye 'aralamaqte, maye nlachiguiñi co'ollaxa. ¡Qaq nagui da souaqta'a ne'ena Judá, qataq na Jerusalén nache qomi' 'anpaxattaleguete qome!

2 Reyes 19:4

Qaq 'onaxaictaxa da Ñim Nataxala' maye 'Anatamnaxala', ishet da hua'aqchigui da la'aqtac so 'amaqtaqaic nataxala' maye lamaxashec ñi nta'a ye Asiria, maye anaga da isheueetac Ñim Lo'onatac 'Enauacna. Qaq 'onaxaictaxa da Ñim Nataxala' maye 'Anatamnaxala' ỹauo'o ca nhuaxanaguec, souaxat de'era la'aqtac maye hua'aqchigui. Qaq ñaq 'anqouagaxaueelec qome nam shiỹaxauapi maye no'onañipi.»

1 Samuel 14:29

Nache so Jonatán 'enapeco': So ita'a ỹasouaxateguet da lque'emaxa na maiche nhuo' le'ecpi. Ña qaumichiñi da qaltaq dalaxaic da ỹa'añaxac, souaxat da she'eguen sotai' qapio'olec se'eso te'esaq lta'a lli'i,

1 Samuel 14:27

Qalaxaye so Jonatán, ye saishet co'ollaxa da hua'aqchigui so ỹan la'aqtac so lta'a da 'enapega so nalleppi, nache somaye ỹauota'a so npon maye nasoqta'a da ỹa'areua'a na laỹe so te'esaq lta'a lli'i, nache na huagui so lsheenec somaye nache chec, qaq huaña nache pasa'a da huo'o da la'añaxac.

Proverbios 29:13

Ca choxoraq qataq ca sa dechoxonnataxan caamaye nache 'eeta'a't, cha'aye Ñim Nataxala' ỹanema caamaye da huo'o da lmeenaxanaxa'c.

Isaías 14:3

Qami' Israel le'ecpi, qom ivita ca na'a'q da Ñim Nataxala' qami' nmataxaneguesopa da qanque'eenaxaqui, dam qaraquicoqoi qataq da ỹataqta qauem qanlataguiiqui maye qami' qoỹanegueta co'ollaxa,

Salmos 13:4

Yaqto' na ñepa'aguenaxauapi saishet qome da 'eeta': «Mashe ỹoxonec ñimaye.» Qataq saishet da ntootapeguec da souañi.

Isaías 6:13

Qaq da huo'otaq huo'o ca cien shiỹaxauapi qaq da no'oirañi caua diez, nache caamaye nataqa'en qailaxachiguilo qome, qaq 'eeta'am qome aca roble huo'otaq aca encina, da qaichec nache no'onañi aca lamo.» Qaq aca'aca lamo nachaca aca ñaxatec aca llaxataxa maye sa qaishetapec.

Sofonías 3:12

Nache ño'onaxatañi qome na shiỹaxauapi maye choxoraq qataq huesota da lataxac, maye Aỹem ỹacheto'ot qome da naquitaxac.