Esdras 9:7 - La'aqtaqa Ñim Lo'onatac 'Enauacna 2013

⁷ Qataq mashe qaỹoqteguelo soua vi'iye, choche ivitta'a nagui, da ỹataqta lta'araic de'era qarasouaxashet. Qaq souaxat ne'ena qauemsat, nache qomi', qataq na qarta'alpi, qataq na ntaxaỹaxanaxanecpi, qomi' qoỹanegueta da la'añaxac na lta'alpi na ỹotta'a't shiỹaxauapi maye qarhuoreuapi. Nache qomi' qaique'emaqcheteque so ỹeelonec, qataq qomi' nlataqa, qataq qomi' qanhuo't, qataq qomi' qane'eetapiguilo, choche ivitta'a nagui.

Toba del Oeste

⁷ Chiyoqochiñe ca'li uo'oe dia'me qadet'al chayovida'a nayi, joote jauoqotac da'me ja no'en. Chane'eja yajouaĝat jena'me jenjo' qadejamaĝataĝac, yema da'me qo'mi, chayovida'alo jogaa'me qadejaliaĝanaqa nataq'aen gaa'me tamenaĝaiqui lo'olpi, male qo'mi nejaliaĝatelo'te jogaa'me jaliaĝanaqa laqaya'. Chayovida'a nayi, gaa'me qadaute'u joote yauote da'me qadachoĝodec: qo'mi yala't, doĝotaĝanec da'me qadeuoyaĝac, nataq'aen qo'mi yeladedegue jenjo' qa'naleua.

Esdras 9:7 Referans Kwoze

2 Crónicas 29:6

Cha'aye so hua'au qarta'alpi ỹataqta sa ỹalaq co'ollaxa, nache ỹo'ot nam ỹataqta qauem ỹauaachigui naqa'en Ñim Nataxala' maye Qanatamnaxala', qataq ca'ai nache ỹo'otan yem lanataqa' Ñim Nataxala'.

Lamentaciones 5:7

Som qarta'alpi huo'o co'ollaxa na lasouaxashetpi qaq somayepi mashe ileu, qalaxaye qomi' taleguete nagui na lasouaxashetpi somayepi.

Jeremías 44:22

Qalaxaye Ñim Nataxala' mashe sa nalo'oguet co'ollaxa dam qauem, qataq deqaiga nam qauo'ocheetacpi. Qaq ỹoqo'oye yem qana'alhuai, nagui ỹataqta nlachiguiñi, qataq qaica ca hueta'a yemaye, nache nmeneguet da naloqnaxanaxat dam qauem, qataq cam ỹo'ot da ñi'iỹaxa da qailota'a.

Jeremías 25:18

Nataqa'en sanem da nỹomgui nam hueta'a ye Jerusalén qataq nam huaqta'a't nỹecpi maye ỹotta'a't naua nañalo ye Judá, nataqa'en na lta'alpi qataq na lataxala'pi, da yaqto' selaxachigui qataq da lapoosheguem ñaqa'en, nache ỹo'ot da ne'elaxa qataq da ñi'iỹaxa, qataq naloqnaxanaxat da huo'o na qaỹasaxalec ca qauem choche ivitta'a nagui.

Nehemías 9:30

Qataq qaỹoqteguelo soua vi'iye da 'anhualaxaueetague' somayepi, qataq 'auachegoxotchigui da lta'araic 'ara'añaxac, qataq so 'ara'aqtaxanaxanecpi da 'anhuoxoqtega somayepi qalaxaye ỹoqta 'am sana'axaỹaxana, ỹoqo'oye qaltaq 'aỹa'aneguet da lhuaqỹaxac so npa'aguenaxauapi, maye lma' yi'iye 'alhua.

2 Crónicas 30:7

Saishet qome da qavi'inaxache so hua'au qarta'ailpi, qataq so qarqaỹaipi, da somayepi sa ỹalaxaguet Ñim Nataxala' maye Natamnaxala' so hua'au lta'alpi, ỹoqo'oye Ñimaye ỹaneguet da qailaxachigui somayepi, dam qauauañiichigui nagui.

1 Samuel 12:15

Qalaxaye da sa qaualaqaiguet, qataq sa qauo'oche' naua lamaxasoxonaxaco, nache Ñimaye qami' iuaxa'n qome, 'eeta'am da 'eetec so hua'au qarta'ailpi.

Números 32:14

Qaq nagui, qami' llalaqpi so 'etaxaloxoicpi, qansheetaique da qoquiitegue da lataxac so qarta'ailpi, nache qanquigaxacheeuec da lalemataic Ñim Nataxala' da dalemataỹa na Israel le'ecpi.

1 Reyes 8:47

qaq da hueta'a que'eca 'alhua maye qaỹauega souaxat da noxonecpi, nache da nauattoola't da huo'o ca lasouaxashet, nache 'am nqouagaxaunot, 'eeta': Qomi' huo'o da qarasouaxashet, qataq so'otaq na qauempi, qataq na saỹaỹamaxañipi.

Esdras 9:13

Qaq 'enauac de'era souaqaigui souaxat na qauemsat qataq na qarasouaxashetpi. Qomi' sauattonaqta da nache 'am maye Qanatamnaxala' da qomi' 'aỹa'anema de'era qanhuaxanaguec, qalaxaye nataqa'en qomi' 'aỹa'anema da qomi' huesochiyiñi.

Jeremías 3:25

Ñaq ñemanaq qome, cha'aye huo'o da qara'agaxa qataq qomi' nlaqchiguilo da qane'enaguec, cha'aye chegoqta'a co'ollaq ñaq qomi' nsoxoppi, nache ivitta'a nagui da qomi' qataq so qarta'alpi huo'o da qarasouaxashet hueto'ot Ñim Nataxala' maye Qanatamnaxala' cha'aye saishet da salaxasoxoguet.»

Jeremías 32:23

Qalaxaye namayepi co'ollaq nnoxoneua'a ne'ena 'alhua, qataq nalec namaye, nache saishet da 'am ỹalaxaguet, qataq saishet da quegue dam 'arapaxaguenataxanaxac maye 'aỹa'anem co'ollaxa, qataq saishet da ỹo'ot nam 'auamaxalecpi. Qaq ỹoqo'oye 'Am 'anamaxa namayepi 'enauac ne'ena qauempi.

Jeremías 32:32

souaxat 'enauac nam qauem ỹo'otpi na nhuo' Israel qataq na Judá maye Aỹem inogoqchet, nataqa'en nam lta'alpi, qataq na lataxala'pi qataq na ltaxaỹaxanaxanecpi qataq na la'aqtaxanaxanecpi qataq 'enauac nam netaña na Judá qataq na Jerusalén.

2 Crónicas 34:24

da Aỹem Nataxala', shenapec: Aỹem ñamaq qome ca qauem, da talec ñaqa'en ne'ena nma', qataq nam shiỹaxauapi maye hueta'a namaye, ipacchigui qome 'enauac nam qauem maye nanettalec aso nere, maye hua'aqchigui qanqa'en ñi nta'a ye Judá co'ollaq qaitaxaỹaxan.

Isaías 64:4

Qaq ỹataqta saỹauanego' da qaỹa'axaỹa huo'otaq da qaỹauaachigui da huo'o ca lỹa atamnaxala' da ỹo'ot cam 'eeta'am nam 'auo'otpi, da talec naqa'en cam pe'etega camaye.

Jeremías 44:9

¿Peta'a mashe qaucouaỹa'ai 'enauac nam qauempi maye ỹo'ot co'ollaxa so hua'au qarta'ailpi, qataq nam qauempi maye ỹo'ot so nta'alpi qataq aso lhuapi ye Judá, qataq nam qauempi maye qami' qataq ana qarhuaipi, qauo'oche co'ollaq huaña ye 'alhua Judá, qataq na nqa'aicpi ye Jerusalén?

Ezequiel 11:9

Aỹem sacoolec qome da so'ot ca qanhuaxanaguiqui: Qami' ñeqateeguesopa qome ne'ena 'alhua, nache qami' sanegueta ca shiỹaxauapi maye chegaqauec.

Ezequiel 39:23

Qataq na ỹotta'a't shiỹaxauapi ana 'alhua ỹaỹaten qome da na Israel le'ecpi, qaỹauega co'ollaxa ye ỹaqa'a 'alhua souaxat na lasouaxashetpi, cha'aye Aỹem saỹalaxaguet co'ollaxa, qataq saneguet na ilaq nache saxaỹa'a da na mpa'aguenaxauapi loxonec namayepi, nache 'enauac da ỹalauat huaigui so alaataxac.