Esdras 9:5 - La'aqtaqa Ñim Lo'onatac 'Enauacna 2013

⁵ Qaq so ivita ye laloqo' da qaỹo'ot so nachetaqtaxanaxat nache qaltaq huo'o da ỹa'añaxac, qalaxaye ñaq saatrañi soua aỹogo maye colaqta'ape qataq so ipo', nache aỹem sa'alyiñi naua illecte, qataq sachaxanoto naua ihuaxaye Ñim Nataxala' maye Ñatamnaxala',

Toba del Oeste

⁵ Ca'li joote 'nalchiñe, da'me male qoya'uo joga'me najaqajec, qama'le yemta jaĝañi da'me yachoĝodaĝaiqui. Maliaĝa ja ñaqa't naa'me yeuo lael jo'ne yataqata colqa'aguelo, qama'le jejoidiñe naa'me yeliquetel, ñodedegue naa'me youa', qaedi ñetamenot joñe'me Jaliaĝanec mach'e Ñedios.

Esdras 9:5 Referans Kwoze

1 Reyes 8:54

Qaq so Salomón co'ollaq ime da natamnaxac, qataq da nachoxoreetacot Ñim Nataxala', huaña aso nca'atoxonaxalate ỹa'attrañi naua l-llecte, qataq ỹachaxaato'oto naua lhua'q na piguem,

1 Reyes 8:38

qaq no'on qome da 'aua'axaỹa ca natamnaxac, huo'otaq nachoxonnaxac, ca camachaqca shiỹaxaua, huo'otaq 'enauac nam 'aralamaxat nhuo' Israel le'ecpi, da ỹachaxaatra'ague naua lhua'q cam pa'aỹa'ague ana'ana atamnaxaqui,

1 Reyes 8:22

Ime, nache so Salomón nachaateua'a aso nca'atoxonaxalate maye lalamaqte Ñim Nataxala', nache ỹauaachigui naqa'en 'enauac so lapoota'a't Israel le'ecpi da ỹachaxaato'oto naua lhua'q na piguem,

Éxodo 9:33

Nache so Moisés co'ollaq mashe inoxoneueegue da laỹe so nỹecpi, co'ollaq mashe ime da detaqtague' so faraón, nache ỹachaxaayishegue'm naua lhua'q da natamnot Ñim Nataxala'. Nache vi'iteguet aso lache, qataq so nalataxa, nataqa'en so auot.

Éxodo 9:29

Nache so Moisés, 'enapeco': «Qom choche senoxoneueegue da laỹe ne'ena nỹecpi, nache sachaxaayishigue'm naua ihua'q da ñeqouagaxaunot Ñim Nataxala', yaqto' vi'iiguet ana lache qataq na nalataxa, yaqto' 'am 'auaỹateeta da ana 'alhua lalamaqte Ñim Nataxala'.

Efesios 3:14

Qaq 'era da huo'omshe aỹem sa'attrañi naua illecte da ñatameetacot Ñim Lo'onatac 'Enauacna maye Nta'a,

Salmos 143:6

'Am sachaxaato'oto naua ihua'q, cha'aye da ñachaalataxac ỹataqta 'am iuen, sheeta'am ca 'alhua deqaqta maye iuen ca 'etaxat.

Salmos 141:2

Ñaq 'am iviro'ot qome da ñatamnaxac, 'eeta'am ca nchenaxanaxat maye ama na laita, naua ihuaxaye maye 'am sachaxaato'oto, qalaq 'eeta'am ca nachetaqtaxanaxat da mashe avit.

Salmos 95:6

Qauanaqui qome, sa'araxayiñi naua qarllecte da sho'oxorenaq, sa'araqoto naua qarllecte Ñim Nataxala' maye qomi' lo'onataqa.

2 Crónicas 6:13

Cha'aye somaye damaxasoxoolec co'ollaxa da qaỹo'ot so lapiaxala', maye chegaqaigui na bronce, maye ivi' dos metros y veinticinco centímetros ye lalogaxa qataq nache 'eeta'am ye lcategue somaye, qataq un metro treinta y cinco centímetros ye lshequitcheguema, qaq somaye ỹanaña co'ollaxa so laiñi so qasoxoc, qaq nache talec somaye da ỹa'alyiñi naua l-llecte, ỹauaachigui so lapoota'a't Israel le'ecpi, da ỹaayishegue'm naua lhua'q, ỹanoto na piguem, nache 'eeta':

Hechos 21:5

Qaq can inoxoore'c soua siete na'axa'te, nache qaltaq qolaq. Nache 'enauac so 'amqaanataxanaxaicpi lỹatac na 'alpi qataq na llalaqpi da qomi' ca'ateueeguelo da laỹe ye nỹecpi. Qaq can seviraqaama so loigue, nache qomi' sa'araxayiñi naua qarllectel, nache ñeqouagaxaunaqtac.

Lucas 22:41

Nache So Jesús ca'aisalo, taỹa cam qaỹata'a cam huetra'a soomaye. Ime, nache ỹa'alyiñi naua l-llectel da nqouagaxauen.

Isaías 1:15

Qami' naxa da qaỹa'añeetrasheguem naua qarhuaxayilli' da qanatamñi, nache Aỹem ỹaqa'a da samata'ague, qaq na'aictaxa da ỹaguec da qanatamnaxaqui, qalaxaye Aỹem saishet da qami' sa'axaỹalo, cha'aye naua qarhuaxayilli' ỹataqta nlaqchiguilo na ntago'q.

Daniel 10:2

Qaq se'esoua na'axa'te, aỹem Daniel ỹataqta saquico, ivittre'c soua tres semanas.

Nehemías 1:4

Qaq can sa'aqchigui de'era nache ñeso'ooñi da ñeỹen, nache huo'oi soua na'axa'te da huo'o da ỹaquicoxo qataq ñeqouaqchet, qataq ñatameetacot Ñim Lo'onatac 'Enauacna maye ilotague' na piguem.