Esdras 9:4 - La'aqtaqa Ñim Lo'onatac 'Enauacna 2013

⁴ Qaq huaña nache 'enauac nam huo'o naq 'enec naqa'en da la'aqtac Ñim Natamnaxala' na Israel le'ecpi, ỹataqta daquico souaxat da lasouaxashet ne'ena cheta'ague da ñe'eguelaq nache aỹem qaicoleesop, qalaxaye aỹem nache ñeso'ootañi, qaica ca ỹa'añaxac choche ivitta'a so laloqo' da qaỹo'ot so nachetaqtaxanaxat ye avit.

Toba del Oeste

⁴ Qama'le naq'aeta da'me joue'ta chayovida'a da'me 'nalchiñe. Male uo'oe gaa'me jayem yotaua'n, nach'egaua jo'ne yataqata yoqochideta da'me 'laqatac joñe'me Qanedios, qama'le t'oita joñe'me ta'le ya'uo qomle joga'me lec'atenaĝanaĝac, yajouaĝat joga'me nautenaĝa'j gaa'me Israel laje'pi jo'ne chiyoĝotegue ca'li di'me Babilonia.

Esdras 9:4 Referans Kwoze

Esdras 10:3

Qaq nagui sanaxam da qara'aqtac Ñim Qanatamnaxala' da ñalaataxai' qome ana qaramoxouapi maye chegaqauec, qataq 'enauac na llalaqpi. Qataq so'otaq 'enauac ca qomi' 'auamaxaleguete, yaqto' sepagaqtelec na lamaxasoxonaxacpi Ñim Qanatamnaxala'. ¡Qataq ỹataqta salaxasoxoguet 'enauac na lqataxacpi Ñimaye!

Isaías 66:2

¡Ye Aỹem maiche ỹo'onatac 'enauac nam huo'o, qaq 'era da 'eetec da huo'omshe yo'oq namayepi! Qaq 'era da la'aqtac Ñim Nataxala'. Cam shiỹaxaua maye selotagui nacheca cam choxoraq qataq daquicotac, maye huo'o naq 'eneque naqa'e'n naua ỹa'aqtaqa.

Éxodo 29:39

Nache ca 'oonolec 'aỹa'aneuo ye nte'eta, qaq ca lỹa nache 'aỹa'aneuo ye avit.

Salmos 119:136

Cha'aye naua lache' naua ỹa'ai'te qalaq 'eeta'am ca tala da ipaxaalec, souaxat da sa qaỹalaxagueta naua 'arqataxaco.

2 Crónicas 34:27

qataq souaxat da huo'o da 'arhuogoxo, qataq Aỹem 'anañanot co'ollaq 'aua'axaỹa dam sa'axattac maye talec qome ne'ena nma', qataq nam shiỹaxauapi maye hueta'a namaye, qataq souaxat da Aỹem 'anmanot co'ollaq 'ancolaxata'aisalo soua 'ogo, qataq Aỹem 'anỹeeto'ot, qaq Aỹem nataqa'en 'am sa'axaỹa co'ollaxa. Qaq Aỹem Nataxala' 'era da ỹa'aqtac.

Hechos 3:1

Qaq huo'o so na'a'q, nache so Pedro qataq so Juan taresheguema aso no'onaxanaxaqui late'erai co'ollaq mashe dasheta aso nala', cha'aye nache laloxoqui da qaỹo'ot da qouagaxaunaxac.

Daniel 9:21

Qaq so ñaq ñatameetac, nache so Gabriel, som aỹem nachaxana co'ollaq huaigui so hua'auñi ỹauanaqchec, somaye anac huaỹotac da naỹa ye soota'a. Qaq da lviraxac somaye, hua'c da huetoigui so laloqo' naxa da qoỹanot Ñim Nataxala' ana nachetaqtaxanaqtepi ye avit.

Ezequiel 9:4

nache 'enapega, 'eeta': «'Aucoleelec qome ye huaqta'a't nỹecpi ye Jerusalén, nache 'auauo'o ca la'anaxat na latap 'enauac nam huo'o da lta'araic laquicoxo, souaxat 'enauac nam ỹataqta qaiqaiga maye qaỹo'ottac da huaña yemaye.»

Esdras 10:9

Nache so inoxoorec soua tres na'axa'te, maye huetoiguilo so na'a'q veinte so ca'agoxoic nueve, nache 'enauac so ỹalleppi maye chegoxoguetpi so Judá, qataq so Benjamín, laponaqa' ye Jerusalén. Qaq 'enauac somayepi hueta'a so nqasoxoc aso atamnaxaqui maye lalamaqte Ñim Lo'onatac 'Enauacna. Nache 'enauac somayepi ỹataqta iviloxola't souaxat da la'aqtac so Secanías, qataq souaxat so auot maye nactañi.

Daniel 10:2

Qaq se'esoua na'axa'te, aỹem Daniel ỹataqta saquico, ivittre'c soua tres semanas.

Éxodo 29:41

Qaq ca lỹa qagueta maye 'aỹa'aneuo ye avit, nache 'eeta'am 'anqa'en da lataxac ca hua'auñi nachetaqtaxanaxat, qataq ca lataxa maye 'aucorelec ca nachetaqtaxanaxat da ama laitaỹaxac ỹamaateguet Ñim Nataxala'.

Números 25:6

Qalaxaye co'ollaq laỹoota'a't so nhuo' le'ecpi, nỹeetagui netaña so ñegueuo so npe'l maye naponqa', nache ivireuo so 'oonolec Israel le'ec, ỹauectauo aso 'alo Madián lashe da yaqto' ỹachaxaneguet so maiche lauo' le'ecpi, nache ỹauaachigui 'enauac so laỹoota'a'tpi qataq so Moisés.

Isaías 66:5

Ñaq qana'axaỹaxañiỹa da la'aqtac Ñim Nataxala', qami' maye huo'o naq 'enec qanqa'eñi naua la'aqtaqa Ñimaye: «Huo'o nam maiche qarhuo'oi le'ecpi maye qami' nquiỹalo qataq qami' imaqta'ape souaxat da qaỹaxañiitega da ỹe'enaxat namayepi, 'eeta': ‹Ñim Nataxala' ña ỹachaxan qome da llo'oxoyec, sauoqtaique da qami' sauanaqchiguilo da qauamaichiguiñi.› Qalaxaye namayepi huo'o qome da la'aloxo.»