Esdras 9:3 - La'aqtaqa Ñim Lo'onatac 'Enauacna 2013

³ Qaq can sa'aqchigui de'era na'aqtaxanaxac, nache aỹem ñecolaxata'aisalo naua aỹogo, qataq ño'otegue' na ỹaue, qataq ana iqa' laue souaxat da ñiqui'ic. Ime, nache ñeso'ootañi ỹataqta qaica ca ỹa'añaxac.

Toba del Oeste

³ Ca'li janoma'a jena'me jenjo', qama'le jecolaĝata'aguelo naa'me yeuo lael, 'ñotec jena'me yayoĝot nataq'aen jena'me yaqa' layoĝot, qaedi jayem qoyauana da'me 'uo ga'me jec'on, nataq'aen yataqata 'uo da'me jayem totelegue, qama'le jonaue jena'me aleua.

Esdras 9:3 Referans Kwoze

Nehemías 1:4

Qaq can sa'aqchigui de'era nache ñeso'ooñi da ñeỹen, nache huo'oi soua na'axa'te da huo'o da ỹaquicoxo qataq ñeqouaqchet, qataq ñatameetacot Ñim Lo'onatac 'Enauacna maye ilotague' na piguem.

Josué 7:6

Huaña nache so Josué qataq so nqueroxonecpi maye lataxala' so Israel le'ecpi ncolaxata'aisalo soua alogo, qataq imeeleguete naua lqaigo na 'alhua lsoche da la'anaxat naqa'en da nqui'ic, ime qaq ỹa'aroto naua l-llectel aso arca maye laỹe' da naỹamaxataxac Ñim Nataxala', qataq iviraxata'aguet naqa'en na latap na 'alhua, ivitta'a da inoxooñi aso nala'.

Miqueas 1:16

Qaq qami' maye qarma'ai na Sión, qanamarequiite' qome naua qarqaigolle' souaxat da qanqui'iqui, souaxat nam qaỹa'alquipi maye ỹataqta qarauotaxache, nache ỹataqta qanamarequiite' naua qarqaigolle' nache ivira'a da ỹataqta qami' qui'itaiqa qoñeeta'am ca teguesan, cha'aye na qaỹa'alquipi qaỹauega qome ca ỹaqa'a 'alhua.

Daniel 8:27

Qaq Aỹem Daniel, ñanomteguet co'ollaxa da qaica ca ỹa'añaxac, nache huo'oi soua na'axa'te da aỹem sa no'on. Qaq so huo'o da ỹa'añaxac nache soosheguem da qaltaq souapegue' nam no'onatacpi maye aỹem ỹamaxalec so nta'a. Qalaxaye ỹataqta saishet da samaguiñi, souaxat se'eso ỹauanaqchec co'ollaxa, cha'aye aỹem saishet da saỹateeteguet somaye.

Daniel 4:19

Qaq huaña nache so Daniel maye nataqa'en le'enaxat Beltsasar, cara'acolec da na'axaỹaxanañi, qataq icolanaqchet na lhuennataxacpi maye taigui na lqaic. Qalaxaye aỹem nta'a shenapega somaye, sheeta': «'Am Beltsasar saishet qome da ỹapacauec da 'arhuogoxo, souaxat so ichoxonaxac, qataq da 'aua'axat ca naigui somaye. Nache so Beltsasar ỹasat, nache 'eeta': ‹¡Aicoue, ñaq talec qome 'enauac na 'ampa'aguenaxauapi ca naigui som 'archoxonaxac 'am nta'a!›

Ezequiel 7:18

Qataq ỹaayiñi naua sansattegueta alogo souaxat da nqui'ic, qataq 'enauac da lo'ocỹaxac da cholaxan qome, qataq ỹataqta napagaqtec da lasheguiỹaxac souaxat da lcoxo, qataq namarec 'enauac na lqaic.

Ezequiel 3:15

Qaq 'era da 'eetec da sevira'a ye Tel Abib maye hueto'ot na loigue so tala Quebar, yem hueta'a so Israel le'ecpi maye ncoñeteguishecpi, nache ivittrec soua siete na'axa'te da soota'aguet somayepi, qaq sasaỹaten ca sheetec qataq ca ỹa'aqtac.

Jeremías 36:24

Qaq so nta'a, qataq so 'amaqtaqaicpi ltauapi somaye maye na'axaỹaxaatega co'ollaq qaitaxaỹaxaatac aso nere, somayepi saishettaxa da choche nomteguet ca lcolanaxa, qataq da ỹo'ot ca la'anaxat da nqui'ic.

Jeremías 7:29

¡'Am Jerusalén, 'auchec qome na 'araue nache 'auasaxauec! ¡Qataq 'auo'on ca no'onec maye choxoraqta, da hualec ana lcomaraxalatepi maye toolec! Cha'aye Ñim Nataxala' mashe dalemataỹa na 'am hueta'a shiỹaxauapi, mashe ca'ai qataq saỹaconeguet.

Isaías 15:2

Na shiỹaxauapi maye hueta'a ye Dibón, tasheguema ye natamnaqa' maye nalec na pa'asheguem, añi lcomaraxalate da yaqto' nỹen, qaq ye Moab qalaq huo'o da laquicoxo souaxat da qailaxachigui ye Nebo qataq ye Medeba. Nache 'enauac namayepi da namarec na lqaic qataq ana lqa' laue.

Salmos 143:4

Aỹem mashe qaica ca ỹa'añaxac, añi iquiyaqte qalaq mashe nquictañi da la'añaxac.

Salmos 66:3

Qoñiita': «Na 'aro'onatacpi ỹo'ot da na'aalaxa. Qaq souaxat da 'ara'añaxac, nache na 'ampa'aguenaxauapi huañi, souaxat da lcolanaxa da qoneta.

Da na'aqtaguec so Job 1:20

Nache so Job nachaañi, ỹataqta lta'araic da nqui'ic, nache ncolaxata'aisalo soua alogo, qataq namarecta na lqaic, nache ỹa'alyiñi naua l-llecte da natamen.

Nehemías 13:25

Ỹoqo'oye ỹataqta shenapega qataq ñelaxa, nache huo'o so samaxasoxoolec da qaiuaxan, qataq da qanapogue' na laue, qataq samaxalec da ipacchigui ca la'aqtac da ỹanot Ñim Lo'onatac 'Enauacna. Nache sheeta': Saishet qome da qauashiñiiguet ana qaỹa'allipi da huaroneguet na llalaqpi namayepi, qataq na llalpi namayepi saishet da huaroneguet na qaỹa'alquipi, nataqa'en qami' saishet qome da qauaroñiiguet ana llale namayepi.

2 Reyes 18:37

Huaña nache so Eliaquín, maye ilotague' naxa so nma' lta'araic, qataq so Sebna, som neraxanaxanec maye ỹettapiguiñi 'enauac nam ỹo'otpi so nta'a, qataq so Yoaj, maye leraxanaxanec so nta'a, soomaye ỹataqta daquigoi' co'ollaxa, nache ncolaxata'aisalo soua alogo, nache nqo'ooreua'a so Ezequías da da'aqtaxaarem nam la'aqtacpi so 'amaqtaqai nataxala' maye Asiria le'ec.

Levítico 21:5

Namayepi nataqa'en saishet qome da nmatta na laue na lqaic, qataq saishet da ichec ana lqa' laue, qataq saishet da ipelectac na lo'oc souaxat da lasouaxac.

2 Samuel 1:11

Nache so David qataq so nalleppi co'ollaq hua'axaỹa de'era, nache ncolaxata'aisalo soua alogo souaxat da nqui'ic,

Salmos 119:53

Cha'aye aỹem nlaqchigui da inogoxonaxac souaxat na 'etaxaloxoicpi, nam ca'aisalo co'ollaxa naua 'arqataxaco.