Esdras 9:2 - La'aqtaqa Ñim Lo'onatac 'Enauacna 2013

² Qaq namayepi qataq na llalaqpi huaroneguet na llalpi ne'ena shiỹaxauapi, qaq ỹoqo'oye ne'ena nhuo' le'ecpi maye lalamaxat Ñim Lo'onatac 'Enauacna, ỹaleeguet 'enauac ne'ena ỹotta'a't shiỹaxauapi. Qaq na la'auaxanec da ỹo'ot de'era nasouaxashet, nachena nam nta'alpi, qataq nam 'amaqtaqaic nataxala'pi.»

Toba del Oeste

² Gaa'me judiopi chayovida'alo gaa'me lec'oqo'tepi, joote uo'oe naa'me loua' jo'ne chiyaqauelo naa'me naajo' noyaqa, qama'le jogaa'me Dios lec'oqo'tepi male yataqata yalegueta jena'me jenjo' jiyaĝadipi. Nataq'aen jogaa'me 'uaediñe yauote jenjo' loe'j nach'egaua gaa'me qadajoĝola'te nataq'aen gaa'me qadejaliaĝanaqa.»

Esdras 9:2 Referans Kwoze

Deuteronómio 7:6

Cha'aye qami', ỹataqta qami' qaiỹotaugalo da qami' lalamaqa'ate Ñim Nataxala' maye Qanatamnaxala'ai. Qataq Ñimaye qami' lca'agui'she co'ollaq lca'agui 'enauac na shiỹaxauapi ana 'alhua da yaqto' qami' lalamaxatpi.

Éxodo 34:16

huo'otaq da ỹaronaxanaxan ca llalpi, nache ỹaronaxaneguet ca qaỹa'alquipi, qaq aca llalpi yemayepi da huo'otaq nquisheshe da natamnot na natamnaxala'pi, nache acamayepi ishet da nquisheshaxanaxan ca qaỹa'alquipi da huo'otaq ỹo'ot de'era quishishaxac maye ỹo'ottac acamayepi.

Esdras 10:2

Nache so Secanías, som llalec so Yejiel, maye chegoxoguet so Elam, somaye 'enapego' so Esdras, 'eeta': «Qomi' saishet co'ollaxa da salaxasoxoguet Ñim Qanatamnaxala', ỹoqo'oye saronaxaguet na 'alpi maye chegaqauec, maye natameetacot na ỹaqa'a atamnaxala'pi, qalaxaye ñaq huo'o da qanaquitaxac.

1 Corintios 7:14

Cha'aye Ñim Lo'onatac 'Enauacna ivira'a da ỹaconeguet qome ca ỹale souaxat da huaroneguet aca ỹa'amaqteetac So Cristo. Nataqa'en ivira'a da ỹaconeguet aca 'alo souaxat da huaroneguet ca ỹale maye ỹa'amaqten So Cristo. Nataqa'en ca llalaqpi caamaye Ñim Lo'onatac 'Enauacna ỹaconeguet da ỹalecnoigui na lalamaxatpi, qaq saishet da imaqa'aguet camayepi da 'ena'am naqa'en ca nshepaxan.

Malaquías 2:15

Qaq ¿Saisheto' peta'a da ỹo'ot Ñim Nataxala' dam 'oonolec no'ocỹaxac qataq dam saq cha'a nca'alaxa? Qaq ¿ta'ainco' da 'oonolec? Cha'aye Ñimaye nmittaique da 'enauac nam nhuo' le'ecpi ỹataqta ñañanot Ñimaye. Qaq ỹoqo'oye qanchelỹa'a qome da maiche qarca'alaqai, qataq saishet da qoquiỹa'ai anam qarhuaipi co'ollaq ñaq qami' nsoxoppi.

Malaquías 2:11

Na Judá le'ecpi, saỹalaxaguet Ñim Lo'onatac 'Enauacna, qataq ỹo'ot nam ỹataqta qaiqaiga da huaña na Jerusalén, maye hueta'a na Israel. Na Judá le'ecpi, qalaq saipaguelec dam qui'itta lataxac añi atamnaxaqui maye lauotaqte Ñim Nataxala', qataq nam ỹalleppi na Judá huaroneguet na 'alpi maye natameetacot na atamnaxala'pi maye saq'en.

Deuteronómio 14:2

Cha'aye Ñim Nataxala' maye Qanatamnaxala'ai ỹataqta qami' iỹotaugalo, Ñimaye qami' lca'agui'she co'ollaq lca'agui na shiỹaxauapi ana 'alhua da yaqto' ỹataqta qami' lalamaqa'ate.

Éxodo 22:31

Qataq qami' maye qaiỹotaugalo da ỹataqta qami' ỹalamaqa'ate. Saishet qome da qollequi na lapat ca ltoc ca shiguiỹac maye dequi'iỹapec, nacherata da qauasaqaiỹot ca pioxoppi.»

Éxodo 19:6

Nache qami' ltaxaỹaxanaxanecpi ñaqa'en na ỹotta'a't shiỹaxauapi da Aỹem qaitaxaỹapegue', qataq qami' nhuo' le'ecpi maye seỹotauga da Aỹem do'onataxanot. Qaq 'era qome da 'aua'axatem na Israel le'ecpi».

2 Corintios 6:14

Saishet da qa'aitapegueua'a nam ỹo'ottacpi nam saishet da quetague' So Cristo. Cha'aye da no'on saishet da taỹapegueua'a cam qauem. Nataqa'en saishet da huaqta'a't na yo'oqchiguiñi qataq na napalaxa.

Génesis 6:2

nache som llalaqpi Ñim Lo'onatac 'Enauacna, ila'a co'ollaxa da se'eso 'alpi ỹataqta 'onaxaipi, nache lca'agui asomayepi, nache huaroneguet anam ỹataqta lauela.

Isaías 6:13

Qaq da huo'otaq huo'o ca cien shiỹaxauapi qaq da no'oirañi caua diez, nache caamaye nataqa'en qailaxachiguilo qome, qaq 'eeta'am qome aca roble huo'otaq aca encina, da qaichec nache no'onañi aca lamo.» Qaq aca'aca lamo nachaca aca ñaxatec aca llaxataxa maye sa qaishetapec.

Nehemías 13:28

Qaq huo'o so 'oonolec llalec so Joyadá, som llalec so lataxala' so ntaxaỹaxanaxanec Eliasib, somaye so'orauec souaxat da lacho' so Sambalat maye horonita.

Nehemías 13:17

Qaq huaña nache seviraxato'ot so nataxala'pi ye Judá, sheeta': Qami' ỹataqta sa ỹaỹamaxañi da qauo'ocheetac, cha'aye qaica ca 'enec qanqa'eñi ye na'a'q mataxaqui.

Josué 23:12

Cha'aye da qoquiỹa'ai Ñim Lo'onatac 'Enauacna, da qaualliquiiguet na ỹaqa'a shiỹaxauapi maye ñaq qami' netanguilo, qataq qauaroñiiguet namayepi, nache qaualliquiiguet, qataq namayepi qami' ỹaleegueta,

Esdras 9:12

Nataqa'en qomi' 'auqattegalo caillaye da saishet da sashenaqtem na qoyalpi da huaroneguet na llalaqpi ne'ena shiỹaxauapi, qataq na llalpi 'alpi da huaroneguet na qoyalaqpi. Qataq saishet da setauanaq ne'ena shiỹaxauapi da yaqto' huo'o da l-lagaxayec qataq da lsallaxa. Yaqto' nache 'eetai' da qomi' 'añaxaiqa, qataq saconaqtaigui da alaỹaxac 'enauac na huetalec ne'ena 'alhuapi, qataq da ca qomi' chegoxogueta nache 'eetai' qome da lalamaxat 'enauac ne'ena 'alhua.

Esdras 9:14

Qaq taloxochiyectoxo' da she'eguelaxasoxolec da sa salaxasoxoguet na 'aramaxasoxonaxacpi, da saronaxaguet na 'alpi maye chegaqaigui ne'ena shiỹaxauapi maye ỹataqta qauema naua no'onataxaco. Cha'aye da nache shenaqtec, nache qomi' 'aualemataỹalo, qataq qomi' 'anlaxaayiñi, ivitta'a da ỹataqta qaica ca no'onañi da 'anca'alaxattauec da shenaqta.

Levítico 21:15

yaqto' saishet da huo'o ca ne'enaguec ca chegoxoguetpi camaye, da netangui ca nhuo' le'ecpi. Cha'aye Aỹem Nataxala', sanagui camaye da yaqto' nalemaqte' da Aỹem do'onataxanot.»

Josué 22:15

Nache 'enauac somayepi da nqo'ona ye Galaad, maye netaña so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, nache 'eeta':

1 Reyes 11:1

Qaq so nta'a Salomón, saishet da nachasota aso llale so faraón da lhua co'ollaxa, cha'aye huaroneguet nataqa'en aso qalota chegaqauec 'alpi, maye lma' ye Moab, Amón, Sidón qataq aso hitiitapi,