Esdras 9:13 - La'aqtaqa Ñim Lo'onatac 'Enauacna 2013

¹³ Qaq 'enauac de'era souaqaigui souaxat na qauemsat qataq na qarasouaxashetpi. Qomi' sauattonaqta da nache 'am maye Qanatamnaxala' da qomi' 'aỹa'anema de'era qanhuaxanaguec, qalaxaye nataqa'en qomi' 'aỹa'anema da qomi' huesochiyiñi.

Toba del Oeste

¹³ »Chane'eja chayovida'a nayi, am Qanedios, 'uo joga'me qadachoĝodec jo'ne yajouaĝa't gaa'me jalcote jo'ne qadoeco nataq'aen gaa'me qadejamaĝataĝaco, qalaĝaja da'me am ja naq'aeta ja'me qane'uaĝanaguec jo'ne qo'mi auanema, maq da'me qo'mi auanema nayi da'me qat'emaĝac.

Esdras 9:13 Referans Kwoze

Salmos 103:10

qataq saishet da ipacchigui naqa'en ca lashiichiỹaxac na qarasouaxashetpi, qataq na qaye'etaxaloxopi,

Lamentaciones 3:22

Dam lauotaxanaqtaic Ñim Nataxala', qaica ca loga't, qataq dam lsoxoyec Ñimaye, saishet da imeuo,

Da na'aqtaguec so Job 11:6

Nache Ñimaye 'am ỹapaxaguenec na saqcha'a naỹaanecpi, maye ỹataqta huo'o da lqalaic da yaqto' qaỹaỹaten. Huaña taxa nache 'am 'auaỹaten da Ñim Lo'onatac 'Enauacna, saishet da ipaigui da ỹoqta 'anhuaxanaguec taxa.

Gálatas 3:4

¿Peta'a saisheto' da huo'o ca naigui 'enauac da qanque'eenaxaqui? ¡'Onaxaico' da huo'o ca qauachegoxochiỹaigui damaye!

Habacuc 3:2

«'Am Nataxala', co'ollaq sa'axaỹa da 'ara'aqtac, nache ỹataqta lta'araic da icolanaxa. Ñaq 'auo'ot ne'enaua na'axa'te maye souaqtaiguilo, nam lta'araicpi maye 'auo'ot co'ollaxa soua hua'au' vi'iye. Qaq da nvi' da 'aralemataic, nache 'auennata'a qome da 'archoxonnataxanaxa.

Nehemías 9:32

Qaq ỹoqo'oye 'am Qanatamnaxala', Atamnaxala' maye 'amaqtaqaic, 'añaxaic, qataq ncolanaxat, maye 'aupacchigui da 'anaỹamataxac qataq da nache 'eetai' da 'arauotaxanaqtaic ne'ena 'aralamaxat nhuo' le'ecpi, saishet qome da saq 'amaqtaq 'anqa'en da 'aulotagui da nque'eenaxac so qarta'alpi, qarataxala'pi, ntaxaỹaxanaxanecpi, na'aqtaxanaxanecpi, qataq so hua'au qarta'alpi qataq 'enauac na nalamaxat nhuo' le'ecpi, chegoqchiguiña se'eso na'a'q da lo'onataxanaxac so nta'alpi ye Asiria, nache ivitta'a nagui.

Nehemías 13:18

Cha'aye nachera da 'eetec co'ollaxa so hua'au qarta'ailpi, ỹoqo'oye Ñim Qanatamnaxala' qomi' namaxalo de'era qarachoxoyec, qataq ne'ena sonaqta'a huaqta'a't nỹecpi. Nache qami' ỹataqta qanogoqchichi Ñim Lo'onatac 'Enauacna, souaxat da qaica ca 'enec qanqa'eñi ye na'a'q mataxaqui.