Esdras 9:12 - La'aqtaqa Ñim Lo'onatac 'Enauacna 2013

¹² Nataqa'en qomi' 'auqattegalo caillaye da saishet da sashenaqtem na qoyalpi da huaroneguet na llalaqpi ne'ena shiỹaxauapi, qataq na llalpi 'alpi da huaroneguet na qoyalaqpi. Qataq saishet da setauanaq ne'ena shiỹaxauapi da yaqto' huo'o da l-lagaxayec qataq da lsallaxa. Yaqto' nache 'eetai' da qomi' 'añaxaiqa, qataq saconaqtaigui da alaỹaxac 'enauac na huetalec ne'ena 'alhuapi, qataq da ca qomi' chegoxogueta nache 'eetai' qome da lalamaxat 'enauac ne'ena 'alhua.

Toba del Oeste

¹² Chane'eja da'me ami, ena'te auajeñe'tema jogaa'me ac'oqocheldi' ta'le 'uonegueta jogaa'me nejo' jo'ne ja 'lachaqadiaĝa'u, uotaĝa ta'le jogaa'me ac'oqo'chedi' e'n loua' jogaa'me q'añolel jo'ne ja 'lachaqadiaĝa'u. Nataq'aen ena'te auajeñe'tema gaa'me 'lachaqa'tedi ta'le machidiñe, uotaĝa ta'le 'noote' jogaa'me. Qom naq'aeta da'me auauoyi qama'le yataqata ami 'uañaĝayaqa qomle, yataqata 'uo qomle ga'me adamaiqui da'me ovi'ta jena'me jenjo' aleua, qama'le qom 'te gaa'me ac'oqo'che chayovida'alo gaa'me adauadi' male yaqanate't ta'le yacota yema jena'me jenjo' jo'ne ami janema nayi.”

Esdras 9:12 Referans Kwoze

Deuteronómio 7:3

Qataq saishet da qauashiñiiguet na qaỹa'alquipi qataq qaỹa'alliipi da huaroneguet na llalaqpi yi'iye shiỹaxauapi,

Deuteronómio 23:6

Ỹoqo'oye saishet qome da huo'o qanqa'eñi ca l-lagaxayec, qataq da qaica cara qanqa'eñi namayepi qom ñaq huo'o da qanachaalataxaqui.

Proverbios 13:22

Ca ỹale no'on da lataxac qalaq no'onaxata'aguet na laualpi na lalamaxatpi, qaq da lsallaxa ca 'etaxaloxoic qalaq talec ca no'on da lataxac.

Isaías 1:19

Da qauasacheeguet da qami' laxaraiqa, qaq huaña nache qolliquiitac qome na ỹataqta no'on maye chegaqaigui ana 'alhua,

Proverbios 20:7

¡Ỹataqta ỹo'oxoraq ca no'on da lataxac, qataq machiguiñi ca llalaqpi da quetegue da no'on lataxac camaye!

Esdras 9:2

Qaq namayepi qataq na llalaqpi huaroneguet na llalpi ne'ena shiỹaxauapi, qaq ỹoqo'oye ne'ena nhuo' le'ecpi maye lalamaxat Ñim Lo'onatac 'Enauacna, ỹaleeguet 'enauac ne'ena ỹotta'a't shiỹaxauapi. Qaq na la'auaxanec da ỹo'ot de'era nasouaxashet, nachena nam nta'alpi, qataq nam 'amaqtaqaic nataxala'pi.»

Éxodo 23:32

Qaq saishet qome da qanaỹamaxache' yemayepi, qataq saishet da qauatailec ye natamnaxala'pi.

2 Crónicas 19:2

Qalaxaye so na'aqtaxanaxanec Jehú, som llalec so Jananí, ca'ata'aguet somaye nache inat, 'eeta': ¿Ta'ainco' da 'autauan nam qauemaicpi, qataq 'auauo'o 'anauochaxaua na npa'aguenaxauapi Ñim Nataxala'? Qaq souaxat de'era 'auo'ot, nache Ñim Nataxala', 'am dalemataỹa.

Deuteronómio 23:7

Qalaxaye saishet qome da qauqaiquiitega na edomiitapi, cha'aye namayepi maiche qarhuo'oi le'ecpi. Qataq na Egipto le'ecpi, cha'aye co'ollaq qoñiitaña ye na'alhua namayepi, nache qami' choche qauachegoqỹauec.

1 Crónicas 28:8

Qaq nagui, qauauañiichigui 'enauac qami' Israel le'ecpi, huaigui ne'ena naponaxac maye ỹo'ot Ñim Nataxala', qataq Ñim Lo'onatac 'Enauacna qomi' hua'aqtegalo da qami' seqatalo da ỹataqta qaualaqaiguet 'enauac nam lamaxasoxonaxacpi Ñim Nataxala' maye Qanatamnaxala'ai, yaqto' ne'ena ỹataqta no'on 'alhua, nache 'eetai' qome da qaralamaxache, qataq nache taỹa'a da lalamaxat cam qaỹa'alquipi.