Esdras 8:21 - La'aqtaqa Ñim Lo'onatac 'Enauacna 2013

²¹ Qaq so ñaq sonaqtaña so loigue so tala Ahavá, nache samaxalec somayepi da nqouaqcheela't qataq ỹataqta ñemanaqot Ñim Qanatamnaxala', qataq seỹaxanaqot Ñimaye da qomi' nnaictagueto de'era qoyecỹaxac, qataq da ntela'a so qoyalaqpi, qataq 'enauac so qorogoxoshetpi.

Toba del Oeste

²¹ Yem ca'li da'me yataqata qadema'a't, jouaqa'ta di'me lae jena'me lachegue jo'ne dajoyi di'me Ahavá, qama'le ua'a da'me jamaĝajoĝolegue da'me cha'li qanoqouaqatela't, qaedi yataqata ñachoĝodenoqot ñe'me Qanedios qaedi yataqata qo'mi netelalo, nataq'aen jena'me qadayi nataq'aen yema jena'me jauanaĝa, chayovida'a qom jovitaĝa di'me Jerusalén.

Esdras 8:21 Referans Kwoze

2 Crónicas 20:3

Nache so Josafat, ỹataqta huo'o da lcolanaxa, nache ỹe'eguenot Ñim Nataxala', ỹoqo'oye ỹamaxa da la'aqtac 'enauac so netaña ye Judá da ỹo'ot da nqouaqchetaxac.

Joel 1:14

Qalaỹoñiỹa't qome na Israel le'ecpi nache qauo'oche ca qanqouaqchetaxaqui, qataq qalaỹoñiỹa't na nqueroxonecpi qataq 'enauac nam netalec ne'ena 'alhua, huaña añi atamnaxaqui maye lalamaqte Ñim Qanatamnaxala'ai, nache qauỹaxañiỹot Ñim Nataxala'.

Isaías 30:21

Qaq da huo'otaq qoquiigue nam pa'aỹa'ague da qo'oiqui, huo'otaq na qane'emaqai, nache qaua'aqaỹa qome ca na'aqtac chemaxague da qauachegoqoỹa'ague, 'eeta': «'Ena na nqa'aic nache qoquiitegue namaye.»

1 Samuel 7:6

Nache so Israel le'ecpi laỹona'to' hua'a ye Mispá, qaq nache huaña yemaye da nqatsheguem so 'etaxat, nache icorec da ỹanot Ñim Nataxala' da 'eco' lachetaqtaxanaqte da ỹanot Ñimaye, qataq ỹataqta nqouaqchet, qataq ỹa'axatta da huo'o da lasouaxashet hueto'ot Ñim Nataxala'. Qaq nache huaña ye Mispá, da so Israel le'ecpi ỹauo'o lataxala' so Samuel.

Jonás 3:5

Nache so lma' ye Nínive ỹa'amaqten Ñim Lo'onatac 'Enauacna, nache ỹa'axatec da ỹo'ot ca qouaqchetaxac, nache 'enauac so ỹepi ivira'a so ñaqpiolec, da ỹaayiñi naua sansatte' alogo, maye naigui da lta'araic da nqui'ic souaxat na qauempi maye ỹo'ottac.

Levítico 16:29

Qaq 'era da nache 'eetai' qome lataxac da qoyecỹaxaqui: Da ivita ca na'a'q diez caua siete ca'agoxoiqa, nache qanqouaqchichi qataq qaica ca do'onataxan 'enauac na Israel le'ecpi qataq na chegaqauecpi maye qami' netaiguilo.

Levítico 23:29

Qaq ca shiỹaxaua, da saishet da ỹo'ot ca na'a'q maye qaỹo'ot da qouaqchetaxac, nache camaye qaỹo'orauec, ca'ai qanqa'en ca lauo' le'ecpi.

Hechos 2:39

Cha'aye de'era qaỹachaxanapec co'ollaxa, damaye qaralamaxache, nataqa'en nam qaỹa'alquipi, qataq 'enauac na laỹepi shiỹaxauapi. Cha'aye damaye qaỹauotaique da taỹot 'enauac nam iỹaxaneuga Ñim Lo'onatac 'Enauacna maye Qarataxala'.

Isaías 42:16

Qaq na qanamaicpi qalaq quetegue ñaqa'en ca nqa'aicpi qataq na sa lca'ague ñecpiolec maye sa ỹauana namayepi. Qataq ỹauaachigui qome ñaqa'en namayepi da nam napalaxa nmeneguet ñaqa'en na yo'oqchiguiñi, qataq nalochiguiñi ñaqa'en na sa naloguiñi 'alhua. Qaq Aỹem so'ot qome 'enauac ne'enapi cha'aye saishet da salat nam ỹalamaxatpi.

Salmos 5:8

Qaq 'Am Nataxala', souaxat ne'ena ñepa'aguenaxauapi nache aỹem 'auauega qome da so'ot ca nalochiguiñi lataxac, qataq aỹem 'auachaxanegue ca nalochiguiñi 'anqa'aic.

Esdras 8:15

Qaq aỹem, Esdras, sataxana't 'enauac ne'ena lataxala'pi na nalamaxat nhuo' le'ecpi, cai huaña so la'auaxac maye taỹaxaama aso tala Ahava, qaq huaña somaye nache souaqta'a soua tres na'axa'te. Qaq co'ollaq setaxaỹaxaatac aso lmalate 'enauac se'eso maiche nhuo' le'ecpi, qataq na ntaxaỹaxanaxanecpi, nache saishet da selalec na nalamaxat nhuo' le'ecpi maye chegoxoguet so Leví.

Jeremías 10:23

'Am Nataxala', aỹem saỹaten da ca ỹale saishet da lalamaxat da nachaalataxac, qataq saishet da maiche ỹoiqueetac ca llecỹaxac.

Isaías 58:5

¿Qalqo' qaupichiitega da saỹamaxareeta da qouaqchetaxac maye qaỹo'ot naxa da naquicoxo, qataq da naqtañi ca shiỹaxaua 'eeta'am aca na'aate, qataq da qoỹaatrañi naua nogo maye sansattegueta da qannaatangui na alo? ¿Qaq nachera peta'a dam qauamachiỹa'ac qouaqchetaxac, qataq na'a'q maye ỹaỹamaxareeta Ñim Nataxala'?

Isaías 58:3

qalaxaye namayepi, 'eeta': ¿Ta'ainco' da ñeqouaqchetaq, ye Ñim Lo'onatac 'Enauacna, qomi' sa ỹauanguilo? ¿Ta'ainco' da sauoqo'o da qanque'eenaxac ye Ñimaye sa qomi' nomalo? Qaq ye na'a'q maye huaigui naxa da qanqouaqchichi, qalaq nache huaigui qanqa'eñi da qanmiñeetac, qataq da qauchoxoyiñi nam qami' do'onataxaatacoto,

Isaías 49:10

Qaq huaña qome nache qaica ca qarqouaqai qataq saishet da qaviñiitaique ca qaraquipi, qataq saishet da qami' sa ỹalemaxa't na le'eraxa añi nala', qataq na napaxaỹaxa, cha'aye aỹem qami' sauoteque, nache qami' sauecta'agueta, qataq qami' sauegalo ca huaña na npaxaatasheguem 'etaxat.

Proverbios 3:6

'Auacho'ot Ñim Nataxala' 'enauac nam 'auo'otpi, yaqto' Ñimaye ỹo'ot da no'oitegue da 'icỹaxac.

Jueces 20:26

Nache 'enauac so Israel le'ecpi qataq so nalleppi ỹoltaq ỹe'eguelaxa ye Betel, da qaltaq nỹeeto'ot Ñim Nataxala', nache imauec se'eso na'a'q da nqouaqchet somayepi, qataq ỹanot Ñim Nataxala' aso lachetaqtaxanaqte qaỹavigaxatta, qataq aso lachetaqtaxanaqte maye qanhuaachigui.

Levítico 16:31

Qaq 'era da qoñiitec da ivireuga yi'iye na'a'q, nache imauec da qanmachiiuec qataq saishet da huo'o ca qollequi. Qaq 'era qome da nache 'eetai' da qoyecỹaxaqui.

Isaías 35:8

Qaq yemaye nache ỹa'axasosoolec qome ca nqa'aic maye le'enaxat «Nqa'aic Qui'itta». Qaq nam shiỹaxauapi maye saishet da qui'itta, qalaq saishet qome da ỹañoxot da quegue camaye, qataq nataqa'en nam qaica ca ỹaỹaana'a saishet qome da quetague' camaye.

Salmos 8:2

Qaq souaxat na 'ampa'aguenaxauapi, nache 'auachegoxotchigui da llo'oxonnataxanaxac na ñaqpiolecpi qataq natai' ñaq lleptacpi, da 'ano'oxoosheguem ca ñi'iguenaxaqui, da yaqto' vi'iiguet 'anqa'en da ltaxaỹaxac na sa ỹalaqpi qataq na depa'aguenataxaatacpi.

Esdras 8:31

Qaq so na'a'q doce so la'auaxanec ca'agoxoic nache sachegoxosoqchiguiña so tala Ahava da ñeqo'onaxa ye Jerusalén. Qaq Ñim Qanatamnaxala' qomi' ilotagueto da ñanaguenaqtague' so nqa'aic, qataq qomi' ntelaqna'agueta so qanpa'aguenauapi qataq so cachaxaicpi.

Números 14:31

Qaq na qaỹa'alquipi, maye qoñiitega loxonec na qanpa'aguenaxauaipi, namayepi sauegueua'a qome ye 'alhua maye qauo'otañi, nache nalec ñaqa'en.

Números 14:3

¿Ta'ainco' Ñim Nataxala' da qomi' nauegalo ne'ena 'alhua da yaqto' qomi' qaira'alo ca ỹeelonec da qomi' qaỹalaua't, qataq da na qampa'aguenaxauapi ỹacona ana qaramoxouapi, qataq na qoyalaqpi? ¡Ỹoqo'oye 'onaxaictoxo' da she'eguelaxasoxogue da Egipto!»

Jonás 3:7

Qaq ime, nache so nta'a ỹamaq so ltauapi da da'aqtaxanem 'enauac so netaña ye Nínive da la'aqtac maye, 'eeta': «Qaica qome ca deque'e na shiỹaxauapi, qataq saishet da iquia'axan huo'otaq da nỹomaxan ca na'atetpi shiguiỹacpi, ca lta'araic, qataq ca qapio'olec.

2 Crónicas 20:4

Huaña nache 'enauac so shiỹaxauapi maye chegaqa'a so huaqta'a't nỹecpi maye ỹotta'a't naua nañalo ye Judá, laỹona't da yaqto' iỹaxanot Ñim Nataxala', da ỹauo'o ca ntaunaguec.

Nehemías 9:1

Qaq so na'a'q veinticuatro se'eso ca'agoxoic siete, nache so Israel le'ecpi qaltaq ỹo'ot so laponaxac da yaqto' nqouaqchet, qataq ỹaatrañi soua sansatte' alogo qataq imeelec na lqaic so alo,

Ester 4:16

«'Am qojec qome, nache 'alaỹona't 'enauac na judiopi maye hueta'a na Susa, da yaqto' nqouaqchet da aỹem itauan. Nache saishet qome da deque'e qataq saishet da nỹom, ivittre'c caua tres na'axa'te, qataq caua tres pe'. Qaq ana ỹamaxashepi qataq aỹem nataqa'en ñeqouaqchetaq qome, qaq qom ime, nache aỹem ñeqo'oneua'a ñi nta'a, na'aictoxo' damaye da dataỹa'aguet dam qalapaqtañi nqataxac. Qaq da aỹem qaỹalauat, qalaq na'aictaxa aỹem qaỹalauat.»

Salmos 5:9

Cha'aye namayepi saishet da 'eesora naua la'aqtaqa, qataq naua lhuennataxaco qalaq nda'a't na qauem, ana lqoichiqui qalaq 'eeta'am aca huachiqui nauattangui ñi lachaxat qalaq ỹataqta shepecaic.

Salmos 137:1

Qomi' co'ollaq ñeso'onaqto'oto naua loiguiye so talapi ye Babilonia, nache ñeỹenaqtac naxa da tachigui ye qarhuel ye Sión.

Jeremías 42:3

Ñaq 'anachoxonnot Ñim Nataxala' maye 'Anatamnaxala', da qomi' ỹapaxagueneque cam nqa'aic maye iuen da qolaxague, qataq cam iuen da so'otaq.

Daniel 9:3

Qaq huaña, nache ñatamen da ñachoxonnot Ñim Nataxala' maye Ñatamnaxala', qataq ñeqouaqchet qataq saayiñi soua sansatte' anogo, qataq ñeso'ongui so alo.