Esdras 8:16 - La'aqtaqa Ñim Lo'onatac 'Enauacna 2013

¹⁶ Huaña nache samaq so Eliezer, Ariel, Semaías, Elnatán, Jarib, Elnatán, Natán, Zacarías qataq so Mesulán, cha'aye soomaye 'amaqtaqaiqa, qataq soua paxaguenataxanaxaiqa Joyarib qataq so Elnatán,

Toba del Oeste

¹⁶ Chane'eja jiyaĝanalo ca'li joñe'me Eliézer nataq'aen Ariel, Semaías, Elnatán, Jarib, ga'me laqaya jo'ne nach'e ena'am da'me lenaĝat da'me Elnatán, nataq'aen Natán, Zacarías, p'ategue joñe'me Mesulam, naajo' mach'e yataqata najoĝola'te jena'me noic, choqogaa'me paĝaguenataĝanaĝayaqa jo'ne Joiarib nataq'aen Elnatán.

Esdras 8:16 Referans Kwoze

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

2 Timoteo 2:7

'Auennataxaaleco' qome de'era sheetega, qaq So Qarataxala' 'am itauan da 'auaỹaten 'enauac de'era.

Daniel 2:21

Ñimaye naralaxa't naua na'axa'te qataq naua laloqo'ote, nqat ca nta'a qataq ỹauo'o ca nta'a, qataq ỹanem da laỹaanec nam ỹaanaxanaxaicpi, qataq ỹanem da laỹaanataxanaxac nam ỹaanataxanaxaicpi.

Proverbios 28:2

Da huo'o da loquiaxac ca qanayeutaña 'alhua, nache ỹo'ot da nquictauec na nataxala'pi, qalaxaye ca nataxala' maye huo'o na ỹaỹaten da ilo'ogue camaye nache ỹaỹamaqchiguiñi naqa'en da lataxac que'eca qanayeuta'a.

Proverbios 20:5

Naua nhuennataxaco saqcha'alo 'eeta'ama ca qaỹoqchiguingui 'etaxat, qalaxaye ca sanqalat ỹaỹaten da ỹanatalo.

Proverbios 2:6

Cha'aye Ñim Nataxala', nacheñi ñi ỹan da naỹaanec, cha'aye naua la'aqtaqa nache chegaqaiguilo da nauattonaxanaxac qataq da naỹaanataxanaxac.

Esdras 10:39

Selemías, Natán, Adaías,

Esdras 10:21

Qaq so chegoxogueta so Jarín: Maseías, Elías, Semaías Yejiel qataq so Uzías.

Esdras 8:18

Qaq cha'aye Ñim Qanatamnaxala' ỹataqta qomi' hueta'agueta, nache qanamaq so shiỹaxaua maye Israel le'ec, cha'aye somaye ỹataqta huo'o na ỹaỹaten le'enaxat Serebías, qaq somaye nache llalec so Mahlí, maye lauo' le'ec so chegoxoguet so Leví. Ime, nache anac somaye nnaictagueto soua llalqa qataq so lqaỹañecpi, qaq da ima'a't somayepi nache ivi' dieciocho ye lcata.

Esdras 8:13

Elifelet, Jeiel qataq so Semaías, som pa'atrec chegoxogueta so Adonicán, soomaye sesenta so nnaictague' ỹalleppi.

2 Crónicas 2:12

So Jirán nataqa'en, 'enapec: «¡Ỹataqta qaỹo'oxoren qome Ñim Nataxala', maye Natamnaxala' na Israel le'ecpi, maye lo'onatac na piguem qataq ana 'alhua, cha'aye ỹanem co'ollaxa so nta'a David, ñim llalec maye ỹataqta ỹaanaxanaxaic, ỹaanataxanaxaic, qataq ỹaỹaten da ntelañi maye ỹo'ot qome aca atamnaxaqui maye lalamaqte Ñim Nataxala', qataq ca nma' lta'araic maye maiche lalamaxat!

1 Crónicas 26:14

Qaq co'ollaq nallera't somayepi, nache so Selemías, taalec da ilo'ogue so ñegueuo maye pa'aỹa'ague da nala' lliguisheguem, qaq so llalec Zacarías maye ỹaanataxanaxaiqa naua lqataxaco, taalec da ilo'ogue so ñegueuo maye pa'aỹa'ague da sheu'.

1 Crónicas 12:32

Qaq so nhuo' le'ecpi maye chegoxoguetpi so Isacar, ivi' doscientos so nataxala'pi maye ỹaỹateeta'aguelo naua na'axa'te, qataq ỹaỹateeta'a nam taỹa'a da ỹo'ot so Israel le'ecpi, qaq som lauo' le'ecpi ỹo'ottac nam damaxasoxoolecpi somayepi.

1 Reyes 3:11

nache 'enapego', 'eeta': «Ta'ainco' da 'auỹaxaneua'a de'era, qaq saisheto' da 'auỹaxaneua'a da qaỹoqtec da 'anachaalataxac, huo'otaq ca 'arsallaxa, huo'otaq da l-leuaxa nam 'am ipa'agueetacpi, qaq nda'a'to' da 'auỹaxaneua'a cam 'araỹaanec da yaqto' 'auaỹaten da huo'o ca 'ana'axaỹaxana, qataq da 'aulo'ogue na shiỹaxauapi.

Esdras 8:15

Qaq aỹem, Esdras, sataxana't 'enauac ne'ena lataxala'pi na nalamaxat nhuo' le'ecpi, cai huaña so la'auaxac maye taỹaxaama aso tala Ahava, qaq huaña somaye nache souaqta'a soua tres na'axa'te. Qaq co'ollaq setaxaỹaxaatac aso lmalate 'enauac se'eso maiche nhuo' le'ecpi, qataq na ntaxaỹaxanaxanecpi, nache saishet da selalec na nalamaxat nhuo' le'ecpi maye chegoxoguet so Leví.

Esdras 8:17

nache samaxalo soomaye so Iddo, maye lataxala' so netaña ye Casifia, da iỹaxanot somaye qataq so ltauapi, da huo'oi ca qomi' namaxalo nam ỹaỹaten da ilo'ogue añi atamnaxaqui maye lalamaqte Ñim Qanatamnaxala'.