Esdras 8:1 - La'aqtaqa Ñim Lo'onatac 'Enauacna 2013

¹ Qaq 'ana ana lmalate maye nanettalec, na lataxala'pi na nalamaxat nhuo' le'ecpi, maye nnaictague' so Esdras, chegoqchiguiña ye Babilonia, maye huetoigui da lo'onataxanaxac so nta'a Artajerjes co'ollaq ñe'eguelaq:

Toba del Oeste

¹ Janjo' jana'me nedaĝanaĝalate gaa'me lenaqa'te jogaa'me lajoĝola'te gaa'me mach'e layipi, da'me queda'e di'me Babilonia qama'le quetedapegue' ñe'me Esdras, ca'li 'uo da'me lejaliaĝa ñe'me Artajerjes:

Esdras 8:1 Referans Kwoze

Esdras 7:7

Qaq so Esdras co'ollaq ñe'eguelaxa ye Jerusalén, nache huo'o so lỹatec Israel le'ecpi. Qaq somayepi huo'o so ntaxaỹaxanaxanecpi, qataq leviitapi, nataqa'en so no'onaxanaxanecpi, qataq so lasom lo'opi, qataq so ilotague' aso atamnaxaqui. Qaq se'eso lviraxac nache huetoigui co'ollaq ivi' soua siete vi'iye da nta'a so Artajerjes.

Esdras 7:13

Qaq aỹem san da ỹa'aqtac, da 'enauac na Israel le'ecpi maye netaigui ne'ena 'alhua maye selotague', da huo'o ca nshetaique da 'am ca'ategue da taỹa ye Jerusalén, nache camaye ishet da jec, nataqa'en na ntaxaỹaxanaxanecpi qataq na leviitapi.

Esdras 2:62

Qaq somayepi nataqa'en nmittac aso lmalate na le'enaxatpi so hua'au lta'alpi qalaxaye saishet da ilalec ca le'enaxat, ỹoqo'oye somayepi qanqateguesop da ỹalectaigui so ntaxaỹaxanaxanecpi.

Esdras 1:5

Qaq huaña, nache so lataxala'pi so nhuo' le'ecpi maye chegoxoguetpi so Benjamín qataq so Judá, huaxaiguet so ntaxaỹaxanaxanecpi qataq so leviitapi, qataq 'enauac som ỹachegoxotchigui Ñim Lo'onatac 'Enauacna da ỹanem da lhuennataxac da taỹa ye Jerusalén, da yaqto' no'oxoosheguem aso atamnaxaqui maye lalamaqte Ñim Nataxala'.

2 Crónicas 26:12

Qaq ye lcata da ima'a't som lataxala'pi so nhuo' le'ecpi, ivi' dos mil doscientos som alaataxaicpi maye 'añaxaicpi.

1 Crónicas 26:32

qataq ỹalecta'aguet so lauo' le'ecpi maye ỹataqta 'añaxaicpi, qaq somayepi ivi' dos mil setecientos som lataxala'pi so nhuo' le'ecpi. So nta'a David, ỹanem co'ollaxa da ilo'ogue so nhuo' le'ecpi maye chegoxoguetpi so Rubén, qataq so Gad, qataq som laỹe so maiche nalamaxat nhuo' le'ecpi maye chegoxoguetpi so Manasés, da yaqto' huapegue' 'enauac nam no'onatacpi maye lalamaxatpi Ñim Lo'onatac 'Enauacna, qataq so nta'a.

1 Crónicas 24:31

Qaq somayepi, nataqa'en qanaloqchiiñi co'ollaxa da lo'onataxanaxac, 'eeta'am som lqaỹañecpi maye llalaqpi so Aarón, ỹauaachigui qanqa'en so nta'a David, qataq so Sadoc, Ajimélec, qataq som lataxala'pi so llalaqpi so ntaxaỹaxanaxanecpi, qataq som leviitapi. Qaq som llalaqpi som ỹepi nqaỹañecpi, qalaq nache 'eeta'am qanqa'en da lataxac som llalaqpi so na'asa nqaỹañecpi.

1 Crónicas 9:34

Qaq se'eso nacheso som lataxala'pi co'ollaxa se'eso nhuo' le'ecpi, maye chegoxoguetpi so leviitapi, maye netaña co'ollaxa ye Jerusalén.

1 Crónicas 9:1

Qaq 'era da 'eetec da 'enauac so Israel le'ecpi, da qoỹettaua'a aso lere so nta'alpi ye Israel. Qaq so shiỹaxauapi maye Judá le'ecpi, qaỹauega co'ollaxa ye Babilonia, souaxat da lle'etaxaloxo.

1 Crónicas 4:33

qataq 'enauac som lauoreuapi nma'piolec maye coleesop se'eso huaqta'a't nỹecpi maye ỹotta'a't naua nañalo, nache ivitta'a ye Baalat. Qaq nam le'enaxatpi som 'alhuapi maye netalec co'ollaxa somayepi, maye naneraqa' som lauo' le'ecpi somayepi.

Esdras 7:28

Qaq souaxat da lauotaxanaqtaic Ñim Lo'onatac 'Enauacna maye qaica ca loga't, Ñimaye ỹo'otec qome ñi nta'a qataq na chegoqtacot na nqataxacpi qataq 'enauac na ltauapi maye ỹataqta 'amaqtaqaicpi da huo'o naqa'en da lqouagaxanaqtaic da sheeta. Qataq Ñim Lo'onatac 'Enauacna ỹataqta aỹem hueta'aguet, ỹoqo'oye huo'o da ỹa'añaxac da sataxana't 'enauac na lataxala'pi na Israel le'ecpi, da yaqto' nasauaxat da aỹem nca'ategue da ñe'eguelaxasaxa na Jerusalén.»

Esdras 8:2

Guerson maye chegoxoguet so Finés, Daniel maye chegoxoguet so Itamar, Hatus maye chegoxoguet so David.

Esdras 2:2

Qaq so nnaictague'pi so Zorobabel: Josué, Nehemías, Seraías, Relaías, Mardoqueo, Bilsán, Mispar, Bigvay, Rejún qataq so Baná. Qaq 'ana ana le'enaxat lmalate somayepi:

Esdras 2:3

Som chegoxoguetpi so Paros, ivi' dos mil ciento setenta y dos, ye lcata somayepi.

Esdras 7:6

Qaq so Esdras, somaye neraxanaxanec qataq ỹataqta ỹaỹate'n naua lleco, na lqataxacpi Ñim Nataxala' maye Natamnaxala' so Israel le'ecpi, maye ỹanem co'ollaxa so Moisés. Qaq so nta'a Artajerjes ỹanem somaye 'enauac som iỹaxanaique, cha'aye Ñim Nataxala' ỹataqta hueta'aguet co'ollaxa somaye.