Esdras 7:9 - La'aqtaqa Ñim Lo'onatac 'Enauacna 2013

⁹ Qaq somaye qataq so laỹepi, co'ollaq nnoxonec chegoqchiguiña ye Babilonia, nache huetoigui so la'auaxanec na'a'q so hua'auchiguiñi ca'agoxoic, nache nvita ye Jerusalén, so la'auaxanec na'a'q soua cinco ca'agoxoiqa, cha'aye da lqouagaxanaqtaic, qataq ltaunaxanaxac Ñim Lo'onatac 'Enauacna, nache hueta'aguet somaye.

Toba del Oeste

⁹ Qa'a joñe'me Esdras nataq'aen gaa'me ueteda'ajop yataqata yauata ca'li da'me lecochaĝac joñe'me Dios, qama'le queda'e di'me Babilonia jo'me nolo' 'uaechiñe, ga'me auoĝoic jo'ne 'uaechiñe, qama'le yovideta di'me Jerusalén ga'me nolo' jo'ne 'uaechiñe, auoĝoic jo'ne quinto.

Esdras 7:9 Referans Kwoze

Esdras 7:6

Qaq so Esdras, somaye neraxanaxanec qataq ỹataqta ỹaỹate'n naua lleco, na lqataxacpi Ñim Nataxala' maye Natamnaxala' so Israel le'ecpi, maye ỹanem co'ollaxa so Moisés. Qaq so nta'a Artajerjes ỹanem somaye 'enauac som iỹaxanaique, cha'aye Ñim Nataxala' ỹataqta hueta'aguet co'ollaxa somaye.

Nehemías 2:8

nataqa'en seỹaxanot da ỹo'ot aca lỹa lere da taỹa'a so Asaf, maye ilotague' so aviaq da yaqto' aỹem ỹanem ca qo'oipaqpi da yaqto' so'ot ca lasompi se'eso lpaqtaxanaxat aso nalloxolate, maye netaña so saqaỹapeque aso atamnaxaqui, nataqa'en so lpaqtaxat so huaqta'a't nỹecpi qataq ca ima' da yaqto' sonaigui. Nache se'eso nta'a aỹem ỹanem 'enauac so seỹaxanaiquepi, cha'aye aỹem hueta'aguet da lqouagaxanaqtaic Ñim Lo'onatac 'Enauacna.

Nehemías 2:18

Qaq cael sa'aqtaxanem da 'eetec de'era lqouagaxanaqtaic Ñim Lo'onatac 'Enauacna, qataq naua la'aqtaqa maye aỹem ỹanema se'eso nta'a. Huaña nache somayepi, 'eeta': «¡Qomoxochectaxa ño'oxonaxasheguem yemaye!» Huaña nache somayepi ỹataqta 'enauac da huo'o da la'añaxac qataq na'añaxata'a't.

Esdras 7:8

Qaq 'era da 'eetec so Esdras co'ollaq nvita ye Jerusalén, da huetoiguilo soua cinco ca'agoxoiqa so vi'i siete da lo'onataxanaxac da nta'a so Artajerjes.

Esdras 8:22

Cha'aye ỹataqta huo'o caillaye da icoxo da seỹaxanot ñi nta'a da ỹauo'o ca qomi' namaxaguelo nalleppi, maye huota'a lalopi caipi da qomi' nauanaleguete na qanqa'aic souaxat na qampa'aguenaxauapi. Cha'aye mashe sa'aqtaxanaxam ñi nta'a da lhuaqỹaxac Ñim Qatamnaxala' da npaxattalec ca pi'iỹa'a Ñimaye, qalaxaye da huo'otaq huo'o ca ỹaxanec Ñimaye, nache maiche nque'etaxangui ca nhuaxanaguec.

Esdras 8:31

Qaq so na'a'q doce so la'auaxanec ca'agoxoic nache sachegoxosoqchiguiña so tala Ahava da ñeqo'onaxa ye Jerusalén. Qaq Ñim Qanatamnaxala' qomi' ilotagueto da ñanaguenaqtague' so nqa'aic, qataq qomi' ntelaqna'agueta so qanpa'aguenauapi qataq so cachaxaicpi.

Isaías 66:14

Qaq qami' qom qauloỹa'a de'era, nache ntonapigui' qome da qarquiyaqteỹaxaqui, qataq dam qaro'ocỹaxaqui dasovi qome 'eeta'am aca huoue da dasovi. Ñim Nataxala' ỹachaxan qome da la'añaxac qom ỹalectaigui na lamaxashecpi, qataq ỹachaxan qome da lalemataic qom dataỹa'aguet nam ipa'agueetac Ñimaye.

Esdras 7:28

Qaq souaxat da lauotaxanaqtaic Ñim Lo'onatac 'Enauacna maye qaica ca loga't, Ñimaye ỹo'otec qome ñi nta'a qataq na chegoqtacot na nqataxacpi qataq 'enauac na ltauapi maye ỹataqta 'amaqtaqaicpi da huo'o naqa'en da lqouagaxanaqtaic da sheeta. Qataq Ñim Lo'onatac 'Enauacna ỹataqta aỹem hueta'aguet, ỹoqo'oye huo'o da ỹa'añaxac da sataxana't 'enauac na lataxala'pi na Israel le'ecpi, da yaqto' nasauaxat da aỹem nca'ategue da ñe'eguelaxasaxa na Jerusalén.»

Esdras 8:18

Qaq cha'aye Ñim Qanatamnaxala' ỹataqta qomi' hueta'agueta, nache qanamaq so shiỹaxaua maye Israel le'ec, cha'aye somaye ỹataqta huo'o na ỹaỹaten le'enaxat Serebías, qaq somaye nache llalec so Mahlí, maye lauo' le'ec so chegoxoguet so Leví. Ime, nache anac somaye nnaictagueto soua llalqa qataq so lqaỹañecpi, qaq da ima'a't somayepi nache ivi' dieciocho ye lcata.

Esdras 8:32

Qaq so mashe sevitaxa ye Jerusalén, nache ivittrec soua tres na'axa'te da ñemataxauec.

Salmos 80:18

yaqto' saishet qome da 'am saxanaxauec, ña qomi' 'avi'eguelaxatoto da qarca'alaxa, yaqto' nache sho'oxorenaqtac qome da 'are'enaxat.