Esdras 7:5 - La'aqtaqa Ñim Lo'onatac 'Enauacna 2013

⁵ Abisúa, Finés, Eleazar, qataq so la'auaxanec ntaxaỹaxanaxanec le'enaxat Aarón.

Toba del Oeste

⁵ Abisúa, Finees nataq'aen Eleazar. Yema dia'me diajo' chiyoqo'teguet ca'li di'me Aarón, nach'ena jenjo' 'uaechiñe tamenaĝaiqui lo'o di'me Israel.

Esdras 7:5 Referans Kwoze

Hebreos 5:4

Qalaxaye qaica ca ishet da lataxala' na ntaxaỹaxanaxanecpi da maiche lhuennataxac camaye. Nachaqrata da Ñim Lo'onatac 'Enauacna maye nacheñi ñim lca'aguishec camaye qataq ỹami' da 'enec. Qaq 'era da 'eetec co'ollaxa Ñim Lo'onatac 'Enauacna da lca'aua'a so Aarón da yaqto' lataxala' na ntaxaỹaxanaxanecpi da qaitaxaỹapegue' Ñimaye.

2 Crónicas 26:20

Qaq so Azarías maye lataxala' so ntaxaỹaxanaxanecpi, qataq 'enauac som laỹepi ntaxaỹaxanaxanecpi co'ollaq ỹamato'ot somaye, nache ila'a da nasheguem so lepra na latap, nache sa ỹaỹaloxon da nqateeguesop yem hueta'a, qataq somaye nache sanaỹaloxon da pa'auec, cha'aye Ñim Nataxala' mashe ique'emaqchet somaye.

2 Crónicas 19:11

Qaq so lataxala' so ntaxaỹaxanaxanecpi Amarías, nacheso so ilo'ogue nam lataxacpi da ño'oxonnataxanaxac, qaq so Zebadías, som llalec so Ismael, maye lataxala' som chegoxoguetpi so Judá, nacheso so ilo'ogue da lataxac nam lo'onataxanaxacpi so nta'a, qaq nam leviitapi nataqa'en qami' itauaata'ape qome. Qaq ỹoqo'oye qana'añaxache qome nache qauacoñiilec da no'onataxanaxac, cha'aye Ñim Nataxala' hueta'aguet ca ỹo'ottac ca no'on.»

1 Crónicas 6:4

Qaq so Eleazar, nacheso so lta'a so Finés, qaq so Finés, nacheso so lta'a so Abisúa,

Jueces 20:28

Qaq so Finés, som llalec so Eleazar qataq laual so Aarón, nacheso som ilotague' asomaye. Nache qainat, qoỹeeta': ¿Peta'a qolaqto'ot da seloquiaxanaq ye qarqaỹañicpi maye chegoxoguetpi so Benjamín, qalqo' ñañaxanaxañi? Nache Ñim Nataxala', 'enapeco': Ỹoltaq qavi'iguelaqailec da qauloquiaxañi, cha'aye qonte' nache qami' sanema qome da qoroxoñiqui yemayepi.

Josué 24:33

Qaq co'ollaq ileu so Eleazar, som llalec so Aarón, nache qailareña aso lcomaraxalate maye lalamaqte so llalec Finés, maye qoỹanem co'ollaq huaña aye qasoxonaxapi ye Efraín.

Josué 22:31

Huaña co'ollaxa, nache so Finés, som llalec so ntaxaỹaxanaxanec Eleazar, 'enapego' somayepi, 'eeta': «Nagui saỹatenaqta da Ñim Nataxala' qomi' hueta'agueta, cha'aye qami' saishet da qauauoitaique da qauataiỹa'aguet Ñimaye, nache qomi' qanca'alaxacheueeguesopa da lhuaxanaxanaxac Ñim Nataxala'.»

Josué 22:13

Qalaxaye hua'auñi da qaỹamaq co'ollaxa so Finés, som llalec so ntaxaỹaxanaxanec Eleazar, da yaqto' nqo'ona ye hueta'a se'eso maiche nhuo' le'ecpi maye chegoxoguetpi so Rubén, Gad qataq som laỹe so maiche nhuo' le'ecpi maye chegoxoguetpi so Manasés.

Josué 14:1

Qaq 'ena na 'alhuapi maye huaña ye Canaán maye ỹaconeguet co'ollaxa da yaqto' ỹauo'o lalamaxat so Israel le'ecpi. Qaq se'eso 'alhuapi naloqnec co'ollaxa so ntaxaỹaxanaxanec Eleazar, qataq so Josué, nataqa'en so lataxala'pi na maiche nhuo' le'ecpi maye chegoxoguetpi so Israel.

Números 31:54

Qaq so Moisés qataq so ntaxaỹaxanaxanec Eleazar ỹaconeguet co'ollaxa so oro maye lachetaqtaxanaxatpi so nataxala'pi, nache iroua'a so npe'l da yaqto' Ñim Nataxala' saishet da icoua'ai na Israel le'ecpi.

Números 31:31

Nache so Moisés qataq so Eleazar ipacchiguilo da lamaxasoxonaxac Ñim Nataxala' maye ỹamaxalec co'ollaxa so Moisés.

Números 31:6

Nache so Moisés ỹamaq somayepi da nalat, nnaictague' naqa'en so Finés, som llalec so ntaxaỹaxanaxanec Eleazar, qaq somaye ỹachetac so nogoxoshetpi maye sa qaishetapec, qataq aso nasheerepi da yaqto' qaỹamaq da nalat so alleppi.

Números 27:2

Qaq se'esoua cinco nqaỹa't, tareua'a co'ollaxa so ñegueuo so npe'l maye naỹonqa' da detaxaỹapegueto so Moisés qataq so ntaxaỹaxanaxanec Eleazar, qataq so lataxala'pi so lapoota'a't nhuo' le'ecpi, nache soomaye 'eeta':

Números 3:32

Qaq so Eleazar som llalec so ntaxaỹaxanaxanec Aarón, nacheso so lataxala' se'eso leviitapi, qaq somaye nache lataxala' so ilotague' so npe'l.

Levítico 10:16

Qaq co'ollaq ime, nache so Moisés denataxanaique so quetaq maye qoỹaneuo da nachetaqtaxanaxat maye sa imauaq da qaỹavigaxat, nache choche ỹe'elaqtem da mashe qaỹavixaxat. Nache ỹataqta dalemataỹa so Eleazar qataq so Itamar, soua no'oirañi llalqa so Aarón, nache inatta'apo', 'eeta':

Levítico 10:12

Ime, nache so Moisés 'enapega so Aarón qataq soua llalqa maye no'oirañi, Eleazar qataq so Itamar, 'eeta': «Ca no'onañi lsoche aca ala ca nañiguishec maye nachetaqtaxanaqte acamaye qami' taỹoto, nache qauo'oche aca nauole qaca aca lalecte maye ỹasheeraxachigui, nache qollequi da qoviita'a ye sa qaỹapeque añi nca'atoxonaxalate, cha'aye acamaye ỹataqta sa qaishetapec.

Levítico 10:6

Ime, nache so Moisés 'enapega so Aarón qataq soua no'oirañi llalqa, Eleazar qataq so Itamar, 'eeta': «Qami' saishet da huesotagui qanqa'eñi na qaravi, qataq da qaucolaxachiỹa'aguelo naua qorogolli' da la'anaxat da qarasouaxaqui, yaqto' saishet da qaullivi, cha'aye saishet da ivirauga na laỹe Israel le'ecpi da layeloxo Ñim Nataxala'. Nacherata da huo'o da 'eeta namayepi souaxat yeua lauo' lashe', cha'aye Ñim Nataxala' Nacheñi Ñim anacot so norec.

Éxodo 6:25

Qaq so Eleazar, som llalec so Aarón, somaye huaroneguet aso llale so Futiel, qaq asomaye nachaso aso late'e so Finés. Qaq 'eso co'ollaxa so lataxala'pi som llalaqpi so Leví, ñi 'oonolec ỹataqtac nam llalaqpi.

Esdras 7:4

Zeraías, Uzi, Buqui,

Esdras 7:6

Qaq so Esdras, somaye neraxanaxanec qataq ỹataqta ỹaỹate'n naua lleco, na lqataxacpi Ñim Nataxala' maye Natamnaxala' so Israel le'ecpi, maye ỹanem co'ollaxa so Moisés. Qaq so nta'a Artajerjes ỹanem somaye 'enauac som iỹaxanaique, cha'aye Ñim Nataxala' ỹataqta hueta'aguet co'ollaxa somaye.