Esdras 7:25 - La'aqtaqa Ñim Lo'onatac 'Enauacna 2013

²⁵ Qaq 'am Esdras, maye Ñim Lo'onatac 'Enauacna 'am ỹanem 'enauac da naỹaanec, 'auauo'o qome ca 'aỹa'aneuopi da nmit qataq ỹaỹamaxaañi ca nasouaxashet, qataq ca nta'alpi, nam mashe ỹaỹaten da llec na nqataxacpi da yaqto' ilo'ogue 'enauac ye netalec ye 'alhua maye pa'aỹa'ague da avit so tala Éufrates, cha'aye nacheca cam ỹapaxaguen qome na judiopi maye ñaq saxanaxa da ỹaỹaten na lqataxacpi Ñim 'Anatamnaxala'.

Toba del Oeste

²⁵ »Da'me am Esdras, joñe'me Anedios joote en jalcote da'me adayatenaĝanaĝac, qama'le 'noota qom auauo'oe jaliaĝanaqa nataq'aen c'atenaĝanaĝayaqa, qaedi nejaliaĝatelo'te naa'me neteda'ña na'me aleua lae jo'ne chauo'o na'me ñache Éufrates. 'Noota qom aueloyilo'te yemeda jogaa'me jo'ne yataqata yayate'n daa'me lamajoĝonaĝaco joñe'me Dios, nataq'aen auapaĝagueñiyeque jogaa'me jo'ne maliaĝa ja yayate'n naa'me naajo' namajoĝonaĝaco.

Esdras 7:25 Referans Kwoze

Esdras 7:10

Qaq so Esdras, ye ỹataqta lquiyaqteỹaxac da napaxaguena nam lqataxacpi Ñim Nataxala', qataq da ỹataqta ipactelec da ỹapaxaguenec so Israel le'ecpi nam qalapaxañi lataxacpi qataq nam namaxasoxonaxacpi.

Deuteronómio 16:18

Nache 'enauac ñi 'oonolec que'eca huaqta'a't nỹecpi maye ỹotta'a't naua nañalo, maye Ñim Nataxala' maye Qanatamnaxala'ai qami' ỹanema qome, qauauoi qome cam nataxala'pi qataq ca aloico lo'opi, da yaqto' ilo'ogue qataq nalochiguiñi naqa'en da nmit ca nasouaxashet.

Santiago 1:5

Da huo'o ca 'oonolec da qoñiita da iuen ca laỹaanec, qaq no'on da iỹaxanot Ñim Lo'onatac 'Enauacna. Qaq Ñimaye ỹami' camaye ỹataqta sa naloqnañi, cha'aye saishet da ỹauota'a da la'aloxo ca shiỹaxaua.

Malaquías 2:7

Cha'aye nache lo'onataxanaxac, cam ntaxaỹaxanaxanec da ỹapaxaguen nam shiỹaxauapi, yaqto' namayepi Aỹem ỹauatton, qataq 'enauac namayepi da iuen da ỹe'eguenot nam ntaxaỹaxanaxanecpi, da yaqto' ỹaconeguet ca napaxaguenataguec, cha'aye nachena nam la'aqtaxanaxanecpi Ñim Nataxala' maye Qaica ca Ỹaqalanapec.

Salmos 19:7

Naua lqataxaco Ñim Nataxala' ỹataqta ỹaỹamaqchiyiñi, cha'aye ỹan da dalaxaic achaalataxac. Da lamaxasoxonaxac Ñim Nataxala' ỹataqta saishet da nqochen, cha'aye damaye ỹo'ot da ỹaanaxanaxaic ca shiỹaxaua huesota da lataxac.

Marcos 6:34

Nache So Jesús co'ollaq huenoteeguesop aso nllocta, nache ilaigui so qalota shiỹaxauapi maye lapoota'a't, nache ỹataqta lta'araic da lchoxonnataxanaxa, cha'aye somayepi 'eeta'am aca qagueta maye qaica ca ilotague'. Nache quetot da qalota na ỹapaxaguenec lataxacpi.

Mateo 13:52

Nache Somaye 'enapeco': –'Enauac nam dapaxaguenataxaatapeguec na namaxasoxonaxacpi maye chegoqo'ot so Moisés da huo'otaq taigui nam napaxagueetega da lo'onataxanaxac Ñim Lo'onatac 'Enauacna, nache namayepi 'eeta'am ca ỹale da nqo'ona ca lma', nache nqatec na dalaxaicolec qataq nam togoshec logoxoshet.

Proverbios 6:23

Cha'aye naua namaxasoxonaxaco nachenaua naua ncoỹaraxanaxaqui', qataq naua napaxaguenataxanaxaco naamaye 'ettaiguilo, qataq naua ntelaqtaxanaxaco nachenaua naua ỹo'o't da llec da achaalataxac.

Proverbios 2:6

Cha'aye Ñim Nataxala', nacheñi ñi ỹan da naỹaanec, cha'aye naua la'aqtaqa nache chegaqaiguilo da nauattonaxanaxac qataq da naỹaanataxanaxac.

Nehemías 9:3

Nache ivittrec soua tres horas da somayepi nachattañi co'ollaq ñaq qaitaxaỹaxaatac aso lmalate so lqataxacpi Ñim Nataxala' maye Natamnaxala', qaq soua lỹa't tres horas nache huaiguilo somayepi da ỹa'axat so lasouaxashetpi, ime nache ỹo'oxoren Ñim Nataxala'.

Esdras 7:14

Cha'aye aỹem maye aỹem nta'a, qataq naua siete chegoqtracot na nqataxacpi, 'am samaxasoq da yaqto' 'anmit da lataxac na netaña ye Jerusalén qataq ye Judá, da ỹoqta 'eesa da qaipacchiguilo naua lqataxaco Ñim 'Anatamnaxala' maye 'auauattoote'.

Esdras 6:6

Qaq huaña nache so nta'a Darío, ỹanem da la'aqtac so Tatenay maye ilotague' so 'alhua maye pa'aỹa'ague da avit so tala Éufrates, qataq so Setar Bosnay, qataq so ltauapi maye ilotague' se'eso 'alhua nache, 'eeta': «Qoquiỹa'ai qome na Jerusalén,

1 Crónicas 23:4

Qaq somayepi nache qaỹachegoxotaigui so veinticuatro mil da yaqto' ilo'ogue da no'onataxanaxac asom atamnaxaqui, qaq so seis mil, qoỹanem da 'amaqtaqaic nataxala'pi, qataq da nmit nam nasouaxashetpi,

1 Crónicas 22:12

Qaq Ñim Nataxala', 'am ỹanem qome da naỹaanataxanaxac qataq da naỹaanec, yaqto' qom 'am ỹanem da 'aulo'ogue na Israel le'ecpi, nache ỹataqta 'aualaxalec na lqataxacpi Ñim Nataxala' maye 'Anatamnaxala'.

1 Reyes 3:28

Qaq 'enauac so Israel le'ecpi co'ollaq ỹaỹaten de'era 'eetec so nta'a, da ỹaỹamaxaañi de'era cotaxac, nache huo'o naq 'enec naqa'en se'eso nta'a, cha'aye ila'a da Ñim Lo'onatac 'Enauacna ỹanem da laỹaanec somaye da yaqto' ỹo'ot da nalochiguiñi lataxac.

Colosenses 1:28

Qaq qomi' nacheso So Cristo sa'axataqtac, qataq ỹataqta ñaỹaanaxanaqchenaq da seqataqtega 'enauac na shiỹaxauapi, qataq sapaxaguenaqtac 'enauac, da yaqto' ñi 'oonolec ivira'a da nalochiguiñi da lataxac, 'eeta'am So Cristo.

Génesis 41:38

Nache so faraón 'enapego' somayepi, 'eeta': «¿Ishet peta'a da sanataxa ca lỹa ỹale cam 'eeta'am de'era, maye hueta'aguet som Saqcha'a La'añaxac Ñim Lo'onatac 'Enauacna?»

Génesis 41:39

Nache so faraón 'enapego' so José, 'eeta': «Ỹataqta qaica ca ỹactec da ỹaanataxanaxaic qataq ỹaanaxanaxaic da 'eeta'am 'am, cha'aye Ñim Lo'onatac 'Enauacna 'am ỹaỹaanaxanaxanec 'enauac de'era.

2 Reyes 17:27

Nache so nta'a ye Asiria, ỹan da la'aqtac, 'eeta': Qauauo'oi qome ca qauamaqai nam ntaxaỹaxanaxanecpi maye qauachegoxochiỹa'a co'ollaxa yi'iye 'alhua, da yaqto' jec da netaigui camayepi, nache ỹapaxaguenec ca lataxac da qaỹa'amaqten que'eca atamnaxala' yi'iye 'alhua.

Esdras 10:4

Qoñisheguem qome, cha'aye 'am maye ỹoqta 'aro'onataxanaxac damaye, qaq qomi' 'am setauanaq. ¡'Ana'añaxat da 'auacoolec da 'auo'ot damaye!»