Esdras 7:21 - La'aqtaqa Ñim Lo'onatac 'Enauacna 2013

²¹ Qaq aỹem nta'a Artajerjes, samaxalec 'enauac na netaña ye 'alhua maye pa'aỹa'ague da avit so tala Éufrates maye ilotague' aca anom, da saỹaỹaloxon da ỹami' da huo'o aca iỹaxanaique, nam ntaxaỹaxanaxanec qataq napaxaguenataxanaq Esdras, maye ỹaỹate'n naua lleco naua lqataxaco Ñim Lo'onatac 'Enauacna maye ilotague' na piguem.

Toba del Oeste

²¹ »Jayem Artajerjes, mach'e jayem jaliaĝanec, male jamaĝalegue jena'me jenjo' yemeda jogaa'me neteloqo't gaa'me qanaicaua lete' jenjo' yejaliaqa' jo'ne ueda'a di'me aleua lae jo'ne chauo'o na'me ñache Éufrates: ñe'me Esdras jo'ne tamenaĝaiqui lo'o nataq'aen dapaĝaguenataĝaneque nale daa'me lamajoĝonaĝaco ñe'me Dios jo'ne na'ague di'me piyem, qom 'uo joga'me youetaque, 'noota qom paja'a qoya'uo.

Esdras 7:21 Referans Kwoze

Esdras 7:6

Qaq so Esdras, somaye neraxanaxanec qataq ỹataqta ỹaỹate'n naua lleco, na lqataxacpi Ñim Nataxala' maye Natamnaxala' so Israel le'ecpi, maye ỹanem co'ollaxa so Moisés. Qaq so nta'a Artajerjes ỹanem somaye 'enauac som iỹaxanaique, cha'aye Ñim Nataxala' ỹataqta hueta'aguet co'ollaxa somaye.

Esdras 4:16

Ỹoqo'oye sauoqtaique da 'am sa'aqtaxanaqtem, da ỹoltaq qano'oxoosheguem yi'iye huaqta'a't nỹecpi qataq so lpaqtaxat, nache 'am saishet da 'auañoxot qome da 'aulo'ogue 'enauac yi'iye huaqta'a't nỹecpi maye pa'aỹa'ague da avit na tala Éufrates.»

Esdras 6:6

Qaq huaña nache so nta'a Darío, ỹanem da la'aqtac so Tatenay maye ilotague' so 'alhua maye pa'aỹa'ague da avit so tala Éufrates, qataq so Setar Bosnay, qataq so ltauapi maye ilotague' se'eso 'alhua nache, 'eeta': «Qoquiỹa'ai qome na Jerusalén,

Esdras 4:20

Nataqa'en qailalec da ye Jerusalén huo'o so nta'alpi ỹataqta 'añaxaicpi, ỹoqo'oye ivira'a da ilotague' ye huaqta'a't nỹecpi maye pa'aỹa'ague da avit so tala Éufrates, qataq isheetetac naqa'en aso nsheetenaqte so nta'a yemaye.

Esdras 7:1

Qaq huetoigui da lo'onataxanaxac so Artajerjes, maye nta'a ye Persia, nache nvita ye Jerusalén so shiỹaxaua le'enaxat Esdras, qaq somaye nache llalec so Serarías, maye nataqa'en chegoxoguet so ntaxaỹaxanaxanec Aarón, Azarías, qataq so Hilcías,

Esdras 7:22

Qataq qoỹanem qome ca tres mil trescientos kilos ca lcat plata, qataq diez mil kilos ca trigo, qataq dos mil doscientos litros ca lataxa qataq dos mil doscientos litros ca aceite, qataq maiche ca tachiguiña qanqa'en ca toue.

Esdras 8:36

Ime, nache qoỹanem so la'aqtac so nta'a, so nta'alpi qataq 'enauac so nataxala'pi maye ilotague' ye 'alhua maye pa'aỹa'ague da avit so tala Éufrates, nache somayepi 'enauac da itauan se'eso nhuo' le'ecpi, qataq da qaỹo'ot aso atamnaxaqui maye lalamaqte Ñim Lo'onatac 'Enauacna.

Nehemías 2:7

Huaña nache sheetega so nta'a, sheeta': Da 'auaỹamaxareeta, nache ishet da aỹem 'aỹa'anem aca 'ere, taỹa'a ye nta'alpi maye ilotague'pi ye 'alhua maye pa'aỹa'ague da avit so auaxai lche le'enaxat Éufrates, da yaqto' saishet da aỹem nqanaxat, choche sevitta'a ye Judá,

Daniel 6:26

qataq samaxasoxoolec da 'enauac ne'ena selotague' 'alhua, da huo'o naq 'enec qanqa'en, qataq qaỹalaxaguet Ñim Natamnaxala' ñi Daniel. Cha'aye Ñimaye, nacheñi Ñim Lo'onatac 'Enauacna maye nca'altauec, qataq nache 'eetai' da sa imeuo. Da lo'onataxanaxac saishet qome da nlaguiñi, qataq da la'añaxac qaica ca loga't.

Salmos 119:4

Cha'aye 'Am Nataxala', 'auamaxasoxooleguete co'ollaxa naua 'aramaxasoxonaxaco da yaqto' ỹataqta qaipacchiguilo.