Esdras 7:16 - La'aqtaqa Ñim Lo'onatac 'Enauacna 2013

¹⁶ Nataqa'en 'auache ana plata qataq oro maye 'auachegoxotaigui 'enauac na netaigui na 'alhua Babilonia, qataq ỹaleeguet 'anqa'en na lachetaqtaxanaxatpi na nalamaxat nhuo' le'ecpi, nataqa'en na ntaxaỹaxanaxanecpi da ỹaneua'a aca atamnaxaqui maye lalamaqte Ñim Lo'onatac 'Enauacna maye naña ye Jerusalén.

Toba del Oeste

¹⁶ Nataq'aen auachi yema ga'me auaqanatet jaga'me oro nataq'aen jaga'me plata jo'ne auachiyoĝota'ña jenjo' aleua jo'ne Babilonia, nach'e ena'ama gaa'me lajaqajel jena'me jenjo' noic choqogaa'me tamenaĝaiqui lo'ol, qaedi yema qoyatem na'me Dios netamenaĝaiqui jo'ne na'ña di'me Jerusalén.

Esdras 7:16 Referans Kwoze

1 Crónicas 29:6

Huaña nache so lataxala'pi som ñalaqpi, qataq so lataxala'pi so maiche nalamaxat nhuo' le'ecpi ye Israel, qataq so lataxala'pi so mil qataq so cien alleppi, qataq so pa'aỹa'aguetpi da ilotague' so no'onatacpi maye lalamaxat so nta'a, somayepi maiche chegoqchigui co'ollaxa da ỹaneuo aso lachetaqtaxanaqtepi,

Esdras 1:6

Nache 'enauac so lauoreuapi somayepi itaunec so lcat plata, oro, nogoxoshetpi, 'atetpi qataq so no'on nogoxoshetpi, nataqa'en aso qalota ỹotta'a't nachetaqtaxanaqtepi maye maiche chegoqchigui ñi 'oonolec somayepi da ỹaneuo.

Esdras 1:4

Qataq camachaqca nam lca'alaxaicpi, da jec chegoqchiguiña ca lma' maye hueta'a nagui, nache cam lauoreuapi itauan qome ỹanem ca lcat plata, oro, nogoxoshetpi, qataq ca 'atetpi, qataq ca maiche ỹan lachetaqtaxanaxat da ỹamaxa aca atamnaxaqui maye lalamaqte Ñim Nataxala' maye naña ye Jerusalén.»

1 Crónicas 29:9

Nache se'eso shiỹaxauapi, ỹataqta machiguiñi souaxat da maiche chegoqchigui da ỹanot Ñim Nataxala' se'eso lachetaqtaxanaxatpi, qataq nataqa'en so nta'a David, ỹataqta machiguiñi.

2 Corintios 9:7

Qaq ỹoqo'oye ñi 'oonolec ishet da ỹan cam lcata cam tachigui da lquiyaqteỹaxac da ỹan, qaq saishet da choche nacheta'a, huo'otaq da choche qaỹamaqtalec. Cha'aye Ñim Lo'onatac 'Enauacna ỹataqta ỹaỹamaxareeta cam ỹataqta machiguiñi da dachetaqtaxan.

2 Corintios 8:12

Cha'aye ca shiỹaxaua da ỹoqta 'eesa da lhuennataxa da huo'o ca ỹan, qalaq Ñim Lo'onatac 'Enauacna ỹataqta ỹaỹamaxareeta cam nalotaua'a da ỹan camaye. Cha'aye Ñimaye saishet da iỹaxanaique cam saishet da qanaloua'a.

1 Crónicas 29:17

'Am Ñatamnaxala', aỹem saỹaten da 'am 'auauatto'n naua nhuennataxaco, qataq 'auaỹamaxareeta da nalochiguiñi lataxac. Ỹoqo'oye aỹem, nachera da ỹaỹamaqchiguiñi iquiyaqteỹaxac da huo'omshe maiche aỹem chegoqchigui da 'am sanot 'enauac ne'ena ỹogoxoshetpi. Qaq nagui, sa'amaqchiguiñi da sauaachigui ne'ena lapoota'a't 'aralamaxat nhuo' le'ecpi, da maiche chegoqchigui da 'am ỹanot na lachetaqtaxanaxatpi.

2 Crónicas 6:2

Qalaxaye aỹem so'ot añi atamnaxaqui da yaqto' chochaq tatec da qoueta'a.»

2 Crónicas 6:5

‹Chegoqta'a so na'a'q co'ollaq ñeqateeguesop ye Egipto na ỹalamaxat nhuo' le'ecpi, nache saishet da huo'o ca lleca'aua'a na huaqta'a't nỹecpi maye lma' na maiche nhuo' Israel le'ecpi, da yaqto' qoỹanaña da qano'oxoosheguem aca atamnaxaqui da yaqto' hueta'a da ỹe'enaxat, qataq saishet da huo'o ca lỹa shiỹaxaua da lleca'aguishec da yaqto' ilo'ogue na ỹalamaxat nhuo' Israel le'ecpi.

2 Crónicas 6:6

Qalaxaye aỹem lleca'ateua'a ye Jerusalén da yaqto' nache hueta'a da ỹe'enaxat, qataq lleca'ateua'a so David, da yaqto' ilo'ogue na ỹalamaxat nhuo' Israel le'ecpi.›

2 Crónicas 31:14

Qaq som ilotague' so lasom maye pa'aỹa'ague da nala' lliguisheguem, som leviita maye chegoxoguet so Coré, som llalec aso Imna, somaye ilotague' aso nachetaqtaxanaqtepi maye maiche chegoqchigui ñi 'oonolec da ỹanot Ñim Lo'onatac 'Enauacna, qataq da imenec aso nachetaqtaxanaqtepi maye qoỹaneua'a Ñim Nataxala', qataq aso maiche lalamaqtepi Ñim Lo'onatac 'Enauacna.

Salmos 135:21

Qaq huaña qome ye Sión da qaỹo'oxoren Ñim Nataxala', Ñim netaña ye Jerusalén. ¡Qaỹo'oxoren qome Ñim Nataxala'!