Esdras 7:13 - La'aqtaqa Ñim Lo'onatac 'Enauacna 2013

¹³ Qaq aỹem san da ỹa'aqtac, da 'enauac na Israel le'ecpi maye netaigui ne'ena 'alhua maye selotague', da huo'o ca nshetaique da 'am ca'ategue da taỹa ye Jerusalén, nache camaye ishet da jec, nataqa'en na ntaxaỹaxanaxanecpi qataq na leviitapi.

Toba del Oeste

¹³ »Ena'uaque jogaa'me judiopi jo'ne ueteda'a jena'me jenjo' qa'naleua, qom jetaque am quetedapegue' qaedi yec'adeta jodi'me Jerusalén, qama'le yataqata jaje'tem jenjo', chayovida'alo gaa'me tamenaĝaiqui lo'ol nataq'aen gaa'me levita laje'.

Esdras 7:13 Referans Kwoze

Esdras 6:1

Qaq huaña nache so nta'a Darío, damaxasoxoolec da qanmit 'enauac aso nerepi maye huetaña ye Babilonia, aso nanettalec co'ollaxa so Ciro, qaq asa'aso nere huetalec de'era namaxasoxonaxac da qaltaq qaỹe'eguelaxalec da qano'oxoosheguem aso atamnaxaqui.

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

Filipenses 2:13

Cha'aye Ñim Lo'onatac 'Enauacna, nacheñi ñi qami' ỹanema cam ỹaỹamaqchiguiñi maye qoñiitapeguec, qataq qami' itaua'n da ña qaumacheeta 'enauac camaye. Qaq damaye maiche chegoqchigui Ñimaye.

Salmos 148:6

Ñimaye ỹa'ayiñi 'enauac namayepi qaq nache sa deraỹai' naqa'en, qataq lapaxañi da lqataxac maye saishet da qanaralaxat.

Salmos 110:3

Qataq 'am nañanot na 'arhuo' le'ecpi, qom ivita da 'auamaxasoxon da huaña añi qui'itta qasoxonaxa, nache 'eeta'am na 'aỹa maye naañi da yaqta'a yo'oxoñi, dam dalaxaic 'annogotshec 'enauaque naua na'axa'te.

Ester 9:14

Nache so nta'a damaxasoxoolec da nache qoỹeetec de'era. Nache se'eso qalapaxañi lataxac qaỹa'axatec ye Susa, nache soua diez llalqa so Amán qaicoñeldashegue'm.

Ester 3:15

Qaq som na'axaỹaxac lo'opi, sanaỹaloxon co'ollaxa da jec da ỹo'ot da la'aqtac so nta'a, qaq se'eso qalapaxañi lataxac nataqa'en qaỹa'axatec, huaña so huaqta'a't nỹecpi ye Susa. Qaq so nta'a qataq so Amán, nso'ootrañi co'ollaxa nỹomta'ape, qaq som hueta'a ye Susa qalaq saỹaỹaten ca 'eetec.

Esdras 5:13

Qaq so mashe qaỹata'ague de'era, qataq huetoigui so la'auaxanec vi'i da lo'onataxanaxac so Ciro, maye nta'a ye Babilonia, nache somaye damaxasoxoolec da qaỹe'eguelaxalec da qano'oxoosheguem ana'ana atamnaxaqui maye lalamaqte Ñim Lo'onatac 'Enauacna.

Esdras 1:3

Ỹoqo'oye da qoñeeta da huo'o ca camachaqca da chegoqchiguiña ye 'alhua Judá da jec, da taỹa ye Jerusalén da no'oxoosheguem aca atamnaxaqui maye lalamaqte Ñim Nataxala' maye Natamnaxala' ye Israel le'ecpi maye netaña ye Jerusalén, nache Ñim Lo'onatac 'Enauac hueta'aguet qome.

2 Crónicas 30:5

nache somayepi nasachigui da ỹa'axatem 'enauac so lma' ye Israel, chegoqchiguiña naqa'en ye Berseba, nache ivitta'a ye Dan, dam ncoyeguenataxanaxac da yaqto' qanqo'ona ye Jerusalén da qaỹo'ot so Lapascua, maye lapaxañi Ñim Nataxala' maye Natamnaxala' so Israel le'ecpi. Cha'aye mashe qaỹoqtegue co'ollaxa da saishet da qaỹo'oxoren se'eso na'a'q, da qaipagaqchiichigui som nache 'eetai' nanettañi.

Daniel 6:26

qataq samaxasoxoolec da 'enauac ne'ena selotague' 'alhua, da huo'o naq 'enec qanqa'en, qataq qaỹalaxaguet Ñim Natamnaxala' ñi Daniel. Cha'aye Ñimaye, nacheñi Ñim Lo'onatac 'Enauacna maye nca'altauec, qataq nache 'eetai' da sa imeuo. Da lo'onataxanaxac saishet qome da nlaguiñi, qataq da la'añaxac qaica ca loga't.