Esdras 7:12 - La'aqtaqa Ñim Lo'onatac 'Enauacna 2013

¹² «Aỹem Artajerjes, maye lta'a na nta'alpi, aỹem sanem da ỹa'aqtac na Esdras, maye ntaxaỹaxanaxanec qataq napaxaguenataxanaq, maye ỹaỹate'n naua lleco na lqataxacpi Ñim Lo'onatac 'Enauacna maye ilotague' na piguem:

Toba del Oeste

¹² «Jayem Artajerjes mach'e jayem jaliaĝanec, yamaic am jamaĝa, am Esdras jo'ne am tamenaĝaiqui lo'o nataq'aen paĝaguenataĝanaĝaic jo'ne yataqata auayaten jana'me lae't joga'me 'laqatac joñe'me Dios jo'ne na'ague di'me piyem.

Esdras 7:12 Referans Kwoze

Daniel 2:37

'Am nta'a, 'am ỹataqta 'am 'amaqtaqaic, 'anapacalec 'enauac na laỹepi nta'alpi, cha'aye Ñim Lo'onatac 'Enauacna maye neto'ot na piguem, 'am ỹanem co'ollaxa da 'aro'onataxanaxac, qonec, 'ara'añaxac qataq da 'ayo'oxoyec

Ezequiel 26:7

Aỹem Nataxala', shenapec: «chegoqtegue ñaqa'en qome da sheu' ñi Nabucodonosor ñim nta'a ye Babilonia ñim nta'a maye ỹataqta 'añaxaic, yaqto' iloquiaxan ye Tiro. Ñimaye anac qome ỹauota'a lalo caipi qataq aca nnaigonapi qataq ca nalleppi maye netalec na caipi qataq ca ỹataqta qalota nalleppi.

Esdras 4:17

Huaña nache so nta'a Artajerjes, ỹamaq so la'aqtac 'eeta': «'Am Rejún, maye 'am lataxala' na huataxanaq lta'alpi, qataq 'am neraxanaxanec Simey, qataq 'enauac na qartauaipi maye netaña ye Samaria qataq ye laỹepi huaqta'a't nỹecpi maye pa'aỹa'ague da avit ye tala Éufrates: Qami' taỹa'alo da iquinaxanaxac.

Apocalipsis 19:16

Qaq Somaye so lapo' qataq na ltele'eta nache nanettalec so le'enaxat, 'eeta': «Lta'a na nta'alpi qataq Lataxala' na nataxala'pi.»

Apocalipsis 17:14

Ime, nache se'eso shiguiỹac leguemaxaic qataq soua diez nta'al deloguito So Qagueta Llalec. Qalaxaye So Qagueta Llalec qataq som ca'attague'pi nauec soomaye. So Qagueta Llalec dauegaxan, cha'aye nacheso so ỹactec da 'amaqtaqaic, saq 'ena'am na laỹepi nataxala'pi qataq nacheso so ỹactec da la'añaxac napacalec na laỹepi nta'alpi. Somaye hueta'aguet nam ca'attague'pi. Ñim Lo'onatac 'Enauacna iỹaxana namayepi qataq lca'aguishecpi, cha'aye nache 'eetai' naxa da ỹalaq.»

1 Timoteo 6:15

qaq ca laloqo' de'era, nache maiche pa'aỹo'ot Ñim Lo'onatac 'Enauacna maye ỹo'oxoraic. Cha'aye Ñimaye nachaqñita 'oonolec da ilotague' 'enauacna; Ñimaye maye lta'a na nta'alpi, qataq lataxala' na nataxala'pi.

Daniel 2:47

Ime nache 'enapega so Daniel, 'eeta': Ỹataqta 'eesa da Ñim Qanatamnaxala'ai ỹataqta lta'araic, napacalec na laỹepi atamnaxala'pi, qataq nacheñi Ñim Lataxala' nam nta'alpi, qataq nacheñi ñim ỹachaxan cam saqcha'a, cha'aye 'am ishet da 'auachaxan de'era saqcha'a.

Isaías 10:8

Ỹoqo'oye ñimaye 'eeta': «'Enauac na nta'alpi ỹalaxaguet na ỹamaxasoxonaxacpi da samaq.

1 Reyes 20:1

Qaq so Ben Adad, maye lta'a so netaña ye Siria, laỹona't co'ollaxa 'enauac so nalleppi, qataq nnaicapegue' so treinta y dos nta'alpi, qataq so lalo caipi somayepi, qataq aso laigonapi maye nalaataxaquipi, nache taỹa ye Samaria da coleesop nache iloquiaxan.

1 Reyes 4:24

Qaq so Salomón imauec da ilotague' yi'iye 'alhua, yem pa'aigue da nala' lliguisheguem so tala Éufrates, chegoqchiguiña ye Tifesaj, nache ivitta'a ye Gaza. Qaq ỹataqta huo'o da nlagaxayec 'enauac yi'iye 'alhua.

Esdras 7:1

Qaq huetoigui da lo'onataxanaxac so Artajerjes, maye nta'a ye Persia, nache nvita ye Jerusalén so shiỹaxaua le'enaxat Esdras, qaq somaye nache llalec so Serarías, maye nataqa'en chegoxoguet so ntaxaỹaxanaxanec Aarón, Azarías, qataq so Hilcías,

Esdras 7:6

Qaq so Esdras, somaye neraxanaxanec qataq ỹataqta ỹaỹate'n naua lleco, na lqataxacpi Ñim Nataxala' maye Natamnaxala' so Israel le'ecpi, maye ỹanem co'ollaxa so Moisés. Qaq so nta'a Artajerjes ỹanem somaye 'enauac som iỹaxanaique, cha'aye Ñim Nataxala' ỹataqta hueta'aguet co'ollaxa somaye.

Esdras 7:11

Qaq ana lere so nta'a Artajerjes maye ỹanem so Esdras, maye ntaxaỹaxanaxanec qataq napaxaguenataxanaq maye ỹataqta napaxaguena co'ollaxa na namaxasoxonaxacpi qataq na nqataxacpi maye Ñim Nataxala' ỹanem co'ollaxa so Israel le'ecpi. Qaq asa'aso nere da huetalec, 'eeta':

Esdras 1:2

«Qaq 'era da la'aqtac ñi nta'a Ciro, maye nta'a ye Persia, 'eeta': Ñim Lo'onatac 'Enauacna maye neto'ot na piguem, Ñimaye lalamaxat 'enauac na huetalec ana 'alhua, qaq Ñimaye aỹem ỹanem da aỹem lta'a 'enauac na nta'alpi naua 'aleu'. Ñimaye aỹem ỹamaxalec, da ño'oxoosheguem aca atamnaxaqui ye Jerusalén, maye huaigui ye 'alhua Judá.