Esdras 7:10 - La'aqtaqa Ñim Lo'onatac 'Enauacna 2013

¹⁰ Qaq so Esdras, ye ỹataqta lquiyaqteỹaxac da napaxaguena nam lqataxacpi Ñim Nataxala', qataq da ỹataqta ipactelec da ỹapaxaguenec so Israel le'ecpi nam qalapaxañi lataxacpi qataq nam namaxasoxonaxacpi.

Toba del Oeste

¹⁰ Joñe'me Esdras yataqata 'nañaĝat da'me napaĝaguenalo daa'me lamajoĝonaĝaco joñe'me Jaliaĝanec, qa'a jetaque yepaquetelegue yema, nataq'aen yataqata yapaĝagueneque gaa'me Israel lec'oqo'tepi gaa'me namajoĝonaĝaco nataq'aen nedii's laqaya'.

Esdras 7:10 Referans Kwoze

2 Timoteo 4:2

Sauotaique da 'am 'aua'axat da na'aqtac da huo'o ca 'ardaqa', nache 'ena'am da qaica ca 'ardaqa'. 'Auachaxana da lsomaxac na shiỹaxauapi, 'auaỹamaxaañi qataq 'aua'añaqchet qataq 'anhualaxaune' da 'auapaxaguen.

Mateo 7:24

Qaq ỹoqo'oye cam ỹataqta Aỹem na'axaỹaxana qataq ỹo'ot da sheetega, qaq camaye 'eeta'am ca ỹale maye ỹataqta ỹaanaxanaxaic, maye no'oxootelec naqa'en ca ỹataqta ndota't coma' da no'oxoosheguem ca lma'.

Malaquías 2:7

Cha'aye nache lo'onataxanaxac, cam ntaxaỹaxanaxanec da ỹapaxaguen nam shiỹaxauapi, yaqto' namayepi Aỹem ỹauatton, qataq 'enauac namayepi da iuen da ỹe'eguenot nam ntaxaỹaxanaxanecpi, da yaqto' ỹaconeguet ca napaxaguenataguec, cha'aye nachena nam la'aqtaxanaxanecpi Ñim Nataxala' maye Qaica ca Ỹaqalanapec.

Juan 13:17

Qaq qami' da qauaỹaañita de'era, nache qauo'oche, qaq huaña, nache ỹataqta qauamaichiguiñi.

Salmos 1:2

nacherata da ỹauoteque naua lapaxaguenataxanaxaco Ñim Nataxala', qataq nache deuennataxaatapegueleguete naamaye ye na'a'q qataq ye pe.

Esdras 7:25

Qaq 'am Esdras, maye Ñim Lo'onatac 'Enauacna 'am ỹanem 'enauac da naỹaanec, 'auauo'o qome ca 'aỹa'aneuopi da nmit qataq ỹaỹamaxaañi ca nasouaxashet, qataq ca nta'alpi, nam mashe ỹaỹaten da llec na nqataxacpi da yaqto' ilo'ogue 'enauac ye netalec ye 'alhua maye pa'aỹa'ague da avit so tala Éufrates, cha'aye nacheca cam ỹapaxaguen qome na judiopi maye ñaq saxanaxa da ỹaỹaten na lqataxacpi Ñim 'Anatamnaxala'.

Salmos 19:7

Naua lqataxaco Ñim Nataxala' ỹataqta ỹaỹamaqchiyiñi, cha'aye ỹan da dalaxaic achaalataxac. Da lamaxasoxonaxac Ñim Nataxala' ỹataqta saishet da nqochen, cha'aye damaye ỹo'ot da ỹaanaxanaxaic ca shiỹaxaua huesota da lataxac.

Deuteronómio 33:10

Qataq somaye ỹapaxaguenec da 'alapaxañi lataxac so Jacob, qataq da 'arapaxaguenataxanaxac so Israel. Qataq 'Am taỹot naqa'en so nchenaxanaxat, qataq 'Am ỹanot so nachetaqtaxanaxat shiguiỹac maye qaỹavigaxatta.

1 Crónicas 29:18

'Am Nataxala', maye 'Am Natamnaxala' soua Abraham, Isaac qataq so Israel maye qarta'al, qaq nache 'eetai' qome 'anqa'en da huetaigui da lquiyaqteỹaxac de'era nhuennataxac ne'ena 'aralamaxat nhuo' le'ecpi, qataq 'auaueca'aguet da lquiyaqteỹaxac da yaqto' saishet da 'am ỹaxanec.

Salmos 10:17

Qaq 'Am Nataxala', qalaq 'aua'axaỹa da natamnaxac na choxoraqpi, 'aua'añaqchet qataq 'aulo'oguet da lỹaxanaxac.

Esdras 7:6

Qaq so Esdras, somaye neraxanaxanec qataq ỹataqta ỹaỹate'n naua lleco, na lqataxacpi Ñim Nataxala' maye Natamnaxala' so Israel le'ecpi, maye ỹanem co'ollaxa so Moisés. Qaq so nta'a Artajerjes ỹanem somaye 'enauac som iỹaxanaique, cha'aye Ñim Nataxala' ỹataqta hueta'aguet co'ollaxa somaye.

Tito 2:1

Qaq 'am, Tito, iuen da 'auapaxaguenataxanec ca ỹataqta nateeteguet da no'oita napaxaguenataxanaxac.

Salmos 119:45

Qaq ỹataqta aỹem huesochiguiñi qome, cha'aye ỹataqta ñemitapigui naua 'aramaxasoxonaxaco.

Salmos 57:7

Da iquiyaqteỹaxac ỹataqta lhuotta, 'Am Ñatamnaxala', da iquiyaqteỹaxac ỹataqta lhuotta da so'on ca no'onec.

2 Crónicas 30:22

Nache so Ezequías, ỹataqta ntootapeguec so leviitapi, souaxat da somayepi ỹachaxan da ỹataqta lhuotta da ỹo'oxoren Ñim Nataxala'. Qaq co'ollaq ime da ỹalectaua'a so nquia'axac maye huaiguilo se'esoua siete na'axa'te, da ỹaatapegueuo asom lachetaqtaxanaqtepi qanhuaachigui, qataq da ỹo'oxoreetac Ñim Nataxala' maye Natamnaxala' so hua'au lta'alpi.

2 Crónicas 19:3

Qalaxaye nache 'ena'am, huo'o nam 'onaxaicpi 'am talec, cha'aye 'aulaxachigui so lqui'ipi aso Aserá, maye netaña co'ollaxa ne'ena 'alhua, qataq imauec da 'arquiyaqteỹaxac da 'anmitaique Ñim Nataxala'.

2 Crónicas 12:14

Qalaxaye so Roboán, ỹo'ot co'ollaxa nam qauempi, nache saishet da ỹoqta ỹalemaqtelec da ỹo'ot nam 'eetapeguecpi Ñim Nataxala'.

1 Samuel 7:3

Ỹoqo'oye so Samuel 'enapego' 'enauac so Israel le'ecpi, 'eeta': «Da ỹoqta qaumachiỹo'ot da qarquiyaqteỹaxaqui Ñim Nataxala', nache qauasaqaiuec 'enauac nam atamnaxala'pi maye chegaqauec, qataq na lqui'ipi aso Astarté, nache qaumachiỹo'ot da qanachaalataxaqui Ñim Nataxala', qataq nachaqñita qome Ñimaye da qavio'oxoyiñiitac. Nache Ñimaye qami' nqateeguesopa qome da la'añaxac na filisteopi.»

Tito 2:15

Qaq 'era qome da 'auapaxaguenataxanec 'arolec da 'ara'añaxac da 'aua'añaqchet qataq 'auaỹamaxaañi na 'amqaanataxanaxaicpi. Qataq qaica ca 'am nataỹaña.

1 Timoteo 3:2

Qalaxaye ca lataxala' na 'amqaanataxanaxaicpi saishet da huo'otaq sa ỹaỹamaxañi da na'aqtaguec. Nachaqrata da 'oonole naqa'en aca lhua, qataq ỹataqta ilotegue da llecỹaxac, daỹaanataxan, huo'o naq 'enec qanqa'en. Qataq ỹataqta ỹaỹaten da ilo'oguet ca lỹa. Qataq ỹaỹaten da dapaxaguenataxan.

Hechos 1:1

'Am ỹo'oxoraic ñauochaxaua Teófilo, aso hua'auchiguiñi ỹere maye 'am samaxa co'ollaxa, shiyiñi 'enauac nam ỹo'otpi co'ollaxa So Jesús qataq nam lapaxaguenataxanaxacpi co'ollaq cheta'ague da do'onataxan,

Deuteronómio 16:12

Qataq qantooñita'ac da qami' nlataqa co'ollaq qoñiitaña ye Egipto, qaq ỹoqo'oye ỹataqta qaualaqaiguet qome ne'ena nqataxacpi.

Apocalipsis 22:14

Nam ỹaxaañi da ỹo'ottac na qauem, nache Ñim Lo'onatac 'Enauacna ỹaalec ca nqouagaxa, nache ỹami' da nhuanaua'a da chec ana ala ara qo'oipaq maye chegaqaigui da nca'alaxa maye chochaq tatec. Namayepi ishet da inoxoneua'a na lasompi yi'iye nỹecpi.

Mateo 5:19

Qaq ỹoqo'oye da huo'o ca saishet da ỹalaxaguet ca 'oonolec ne'ena lamaxasoxonaxacpi Ñim Lo'onatac 'Enauacna, na'aictaxa da huo'otaq saq 'amaqtaq, nache camaye ỹataqta saq 'amaqtaq da huetaigui da lo'onataxanaxac Ñim Lo'onatac 'Enauacna. Qaq nache 'eetec nataqa'en da talec cam ỹapaxaguenec ca lỹa da sa ỹalaq. Qalaxaye cam ỹataqta ỹalaxaguet nam namaxasoxonaxacpi qataq ỹapaxaguenec na laỹepi da nataqa'en ỹalaxaguet, nache camaye ỹataqta 'amaqtaq da huetaigui da lo'onataxanaxac Ñim Lo'onatac 'Enauacna.

Da na'aqtaguec so Job 11:13

Qaq 'am da 'ano'onaxat da 'arquiyaqteỹaxac, qataq 'aỹa'anoto naua 'arhuaxaye Ñimaye,

Esdras 7:11

Qaq ana lere so nta'a Artajerjes maye ỹanem so Esdras, maye ntaxaỹaxanaxanec qataq napaxaguenataxanaq maye ỹataqta napaxaguena co'ollaxa na namaxasoxonaxacpi qataq na nqataxacpi maye Ñim Nataxala' ỹanem co'ollaxa so Israel le'ecpi. Qaq asa'aso nere da huetalec, 'eeta':

Salmos 119:112

Aỹem, ỹataqta iquiyaqteỹaxac da sasateguet da sepacchiguilo naua 'arqataxaco, qaq damaye nache shecto'ot, choche ivitta'a ca loga't.